1 Samwelo 20:8 - Baibo Busansulushi Bwa Libuku Ili

⁸ Ndaseenga ukancaafwe munshila iyo kweelana webo mbooli mucipangano ca bushicibusa anebo nemusebenshi wako pameenso aMwaami Lesa. Sombi na kuli nceembishite, ncibotu webo weenka kuncaya kwiinda kungaba mumaansa abaiso ayi bancaaye.”

1 Samwelo 20:8 ပူးပေါင်းရင်းမြစ်များ

Matalikilo 24:49

Ono na mutootondesha nkumbu akushomeka kubaami bangu, nabi sobwe, mundwiite nshibe cakucita.”

Matalikilo 47:29

Ciindi cakufwa ndicakashika pafwaafwi, wakatuma nkombe kuli Josefu mwanaakwe ayi ese. Mpeeke wakamwaambila ayi, “Bika maansa ako pakati ka mabelo angu, ushomeshe cakulumbila ayi teshi ukambike muIjipiti.

2 Samwelo 14:32

Abusalomu wakakumbula Joabu ayi, “Bona ndatuma nkombe shakukwiita kwaamba ayi nkutume kubaami mukwiipusha ncindakaswita kuGeshuli. Mukwiinga bulya calingabo kabotu akunooshitebo nkuko! Ono bulya ntooyanda kubonana abaami, kwaamba ayi na kuli mulandu ngooncite, bancaayebo cimane.”

1 Makani 12:17

Defedi wakaya mukubakumanya akubaambila ayi, “Na mwesa muluumuno ayi muncaafwe, ingayi mwatambulwa kuno. Atusenkane! Sombi na mulipingite kungaba mumaansa a balwani bangu, nabi taaku cibiibi ncendakacita kuli ndimwe, Lesa wa bamashali besu bakulukulu utooshiba akumupa mulandu.”

Kulumbaisha 116:11

Ndakalinga kushoma nabibo ndindakanyumfwa boowa akwaamba ayi, “Taaku muntu nabi womwi weenga washomeka.”

Tushimpi 3:3

Utakasuminishi lusuno akushomeka kwaamba ayi shikushiiye. Ulyeelete kushifwala lyoonse anga mbulungu bwa munshingo, ncakwiila ulyeelete kushilemba mumoyo wako.

Milimo ya Batumwi 25:11

Ono na kuli ncendakacita citasuminishikwi muMilawo, nceenga calengesha ayi mpingulwe kucaikwa, nshintookaka kucaikwa. Sombi na ishi nshebatokwaamba ayi ndakacita teshi shalushinisho, taaku muntu weenga wantola mumaansaabo. Ntoosenga ayi Sisa muleli munene wa kuLoma akoomboloshe mulandu wangu.”

Joshuwa 2:14

Basankwa abo bobilo bakamwaambila ayi, “Na tukabule kucita kweelana mbotwaamba, ncibotu Mwaami Lesa akacaye ndiswe! Na awebo ukabule kwaamba nshetutoocita, tulaakushomeka akukunyumfwila nkumbu na Mwaami Lesa akatupe cishi cino.”

Joshuwa 22:22

“Shinkusu shoonse Ulya nguLesa alimwi nguMwaami Lesa! Shinkusu shoonse Ulya nguLesa alimwi nguMwaami Lesa! Ulishi ncetwacitila bobulya, abalo bene Isilaeli bamwi boonse abeshibe! Na ncakwiila twacita ceeci mubwaashu nabi mukutanyumfwila Mwaami Lesa, sunu lyeenka mutumaneewo.

Lute 1:8

Naomi wakabaambila ayi, “Amuboolele mukekaale abamanyinawanu. Mwaami Lesa aamucitile shintu shibotu bweenka mbomwakalinga kucitila baabo bakatushiya akuli ndime.

1 Samwelo 18:1

Saulo wakamanisha kubandika aDefedi. Kuswawaawo Jonasani mwanaakwe Saulo wakanyumfwana aDefedi akumusuna bweenka mbwaakalinga kulisuni mwiine.

1 Samwelo 18:3

Ono Jonasani wakapangaakwe cipangano cakuba shicibusa wakwe wa lyoonse mukwiinga wakamusuna bweenka mbwaakalinga kulisuni mwiine.

1 Samwelo 20:16

Cipangano cesu acikatolelele abamuŋanda yako webo Defedi. Ono na ukabule kulama cipangano ici, Mwaami Lesa aakakupe mulandu.

1 Samwelo 20:9

Jonasani wakakumbula ayi, “Nindakalinga kwishi nabibo paniini ayi bata batooyeeya kukucita cibiibi, sa naakwiinga nshikulwiiti?”

1 Samwelo 23:18

Lyalo bobilo abo bakapanga cipangano pameenso aMwaami Lesa. Mpeeke Jonasani wakaboolela kumishaabo, sombi Defedi wakacaala kuOleshi.