1 Samwelo 2:5 - Baibo Busansulushi Bwa Libuku Ili

⁵ Bantu bakalinga kukuta, bulya balacana shakulya mukusebensela bamwi. Sombi bakalinga beshinsala, bulya nsala yamana. Mwanakashi watakalinga kuciteewo baana, bulya waba abaana bali bosanwe abobilo. Sombi uyo wakalinga kucite baanji, bulya wacaalabo.

1 Samwelo 2:5 ပူးပေါင်းရင်းမြစ်များ

Kulumbaisha 113:9

Lakwe ngoopa baana kuŋumba muŋanda yakwe, ee, akumulengesha kusangalala kwiinda mukumupa baana. Amulumbaishe Mwaami Lesa!

Kulumbaisha 34:10

Nkalamu shilawisuka akufwa kunsala, sombi abo banyumfwila Mwaami Lesa, taaku cintu cibotu ncebabula.

Isaya 33:9

Myuunda ya cishi yacaala ilishiitebo alimwi mumatongo. Misaansa ya Lebanoni yamana kuyuma Cinyika ca mboleshi ca Shalino cababo anga nduyanga. MuBashani apaKalundu ka Kamelo matewu atoolukumukaako kushisamu.

Isaya 54:1

Ono Mwaami Lesa waamba ayi, “Olobesha cakusangalala webo Jelusalemu ee, webo ooli anga ngumwanakashi ŋumba. Imba nyimbo akoolobesha cakukondwa webo nootana kunyumfwawo mwaana mbwaanyona. Ceebo baana ba mwanakashi wakashiiyikwa kuli ibaye mbaanji kwiinda ba wooyo uli aibaye.

Jelemiya 15:9

Lyalo mushali mwanakashi wa baana bosanwe abobilo ulaakulefuka akufwa. Lakwe lisuba lilaakumupilila kaliciliiko. Ndushinisho ulaakunyumfwa nsoni akusebaana. Kuswawaawo, abo boonse beshi bakacaaleewo ndaakubacaisha kubalwani babo. Nebo neMwaami Lesa ndaamba.”

Luka 1:53

Wapa bafwite nsala shintu shiinji shibotu, akuboosha babile maansabo.

Luka 16:25

“Sombi Abulaamu wakaamba ayi, ‘Omwanaangu ibaluka ayi webo ndiwakalinga muumi wakalinga wapekwa shintu shoonse shibotu, alakwe Lasalo shintu shibiibi. Sombi bulya alakwe utookondwa kuno awebo uli mumapensho anene.

Bene Galatiya 4:27

Mukwiinga muMalembo akwe Lesa mulilembetwe ayi, “Kondwa webo oŋumba! Tangala akoolobesha cakusangalala, webo nootakwe kunyumfwawo shicisa pakushala. Mukwiinga baana ba mwanakashi wakashiyikwa aibaye, mbaanji, kwiinda baabo ba mwanakashi uli aibaye.”

Lute 4:15

Mulokashi wako ulikusuni alimwi wakacita shintu shiinda kuba abaana basankwa bali bosanwe abobilo. Ono ngooyu wakushalila amushikulu musankwa, uyu weshi akalete buumi bupya kuli ndiwe alimwi weshi akakulaame waakucembela.”

1 Samwelo 1:20

Aboobo wakamita. Lyalo wakashala mwaana musankwa akumutumba ayi Samwelo, caamba ayi, “Ndakamusenga kuMwaami Lesa.”

1 Samwelo 1:6

Penina nabukashinyina wakalinga kumuseka akumulensha nsoni ceebo Mwaami Lesa wakeemika lushalo lwakwe.