1 Samwelo 2:34 - Baibo Busansulushi Bwa Libuku Ili

³⁴ Ono Ofini aFineyasi, bana bako basankwa balaakufwa pabushiku bomwi. Ici cilaakukutondesha ayi shoonse nshendaamba shilaakucitika cancinencine.

1 Samwelo 2:34 ပူးပေါင်းရင်းမြစ်များ

1 Baami 13:3

Lyalo mulaluki uyo wakatolelela akwaamba ayi, “Ici cipaililo cilaakuwa akumwayuluka. Ayalo milota ili pali ncico ilaakupalangana. Lyalo ulaakwishiba ayi Mwaami Lesa ngowaamba kwiinda muli ndime.”

1 Baami 14:12

Aija wakatolelela kulwiita mukaakwe Jeloboamu ayi, “Ono amuboolele kuŋanda kumishaanu. Ono mwanjilabo mundabala ine mishaanu mwanaanu utoofwa.

Luka 2:12

Ono nceeci citondesho, mutooya mucane kateta upeteleshetwe mushisani alimwi ulilete mulinkubala mulita ŋombe.”

1 Samwelo 10:7

Lyalo shitondesho ishi shacitika, cita cili coonse Lesa nceshi akutanjilile ayi ucite.

1 Samwelo 2:33

Nakubi boobo ndaakushiyaawo womwi pabamulunyungu lwako weshi akabe mupailishi wangu. Ono ulaakupofola kukulila alimwi akupenga mumoyo. Bamwi boonse bamulunyungu lwako balaakufwa lufu lubiibi alimwi luyoosha kabacilibo basankwa bayumu.

1 Samwelo 3:12

Pabushiku ubo ndaakucita shoonse nshindakaamba kucita kubamuŋanda yakwe Eli, kuswabo kumatalikilo kushika akumeelelesho.

1 Samwelo 4:11

Libokoshi lya Cipangano ca Mwaami Lesa lyakacatwa, bana bakwe Eli basankwa, Ofini aFineyasi bakacaikwa boonse bobilo.

1 Samwelo 4:17

Musankwa uyo wakakumbula ayi, “Bene misheesu bacica kubene Filisiti. Yalinga nkondo iyoosha njebatukomenaamo! Kuteshibo boobo bweenka, bana banu basankwa Ofini aFineyasi bacaikwa alimwi aLibokoshi lya Cipangano ca Mwaami Lesa balicata.”

1 Samwelo 4:21

Nakubi boobo wakatumba mwaana ayi Ikabodi, lisansulula ayi, “Bulemu bwakwe Lesa bwaswa pakati ka bene Isilaeli.” Ici cakalinga kukumite kukucatwa kwa Libokoshi lya Cipangano ca Mwaami Lesa, kufwa kwa bapongoshi bakwe basankwa alimwi akwa beebaye.

1 Samwelo 4:22

Wakaamba ayi, “Bulemu bwakwe Lesa bwaswa pakati ka bene Isilaeli, mukwiinga Libokoshi lya Cipangano ca Mwaami Lesa lyacatwa.”