1 Samwelo 2:3 - Baibo Busansulushi Bwa Libuku Ili

³ Anu cileke kutumbama. Ee, maswi akulisumpula aamane. Ceebo Mwaami Lesa, nguLesa ushi shoonse, ngowoombolosha shoonse shicita bantu.

1 Samwelo 2:3 ပူးပေါင်းရင်းမြစ်များ

1 Baami 8:39

amukutike mipailo yabo. Amubakutike kwiculu uko nkomwikala, mubalekelele alimwi akubacafwa. Mwebo nweenka ndimwe mwishi miyeeyo ya bantu. Amucitile muntu womwi awomwi mbuli mbwaaelete

Jobo 31:6

Lesa ampiime pashipimo shalushinisho, utoocana kwaamba ayi nshicitewo mulandu.

Kulumbaisha 147:5

Mwaami wesu ngumunene alimwi ulicite nkusu shiinji. Busongo bwakwe tabucite meelelesho.

Kulumbaisha 17:10

Balwani abo mbantu batacite nkumbu, milomo yabo ilaamba cakulisumpula.

Kulumbaisha 31:18

Amucale milomo ya bantu babeshi, bantu balyuuma mucaamba akulisumpula, abo baamba maswi abiibi akulisumpula pabantu basalalite.

Kulumbaisha 44:21

naakwiinga mwebo mwakeshiba mukwiinga mwebo mulishi miyeeyo yesu yabushishi.

Kulumbaisha 75:5

Mutalisumpuli pankusu shanu kuli Lesa. Mutanokwaamba cakulinaamuna.’ ”

Kulumbaisha 94:4

Balaamba maswi akulisumpula cakutacilekaawo, bamucita shibi balalyuuma mushaamba lyoonse.

Tushimpi 16:2

Muntu ulabona nshila shakwe shoonse anga shililuleme, sombi Lesa ngoombolosha miyeeyo ili mumoyo wakwe.

Tushimpi 24:12

Na waamba ayi, “Taaku ncendakalinga kubwene,” sa uyo ubona mumyoyo ya bantu taaku nceeshi? Sa uyo ulama buumi bwako taaku ncaabwene? Sa teshi akalambule muntu kweelana amilimo yakwe?

Tushimpi 8:13

Kuloonda Mwaami Lesa nkupata bubi. Nebo ndipatite kulisumpula, kulyuuma mucaamba, mibo ibiibi akwaamba shintu shitaluleme.

Isaya 26:7

“NoBaami baLesa mulalengesha nshila ya baluleme kubula mankununkunu. NoMululeme mulalengesha nshila sha batacite tumpenda kubula mfumpu.

Isaya 37:23

Ngani ngowalinga kutukana akucobola? Ngani ngootookalookila akusaamuna meenso cakulisumpula? Sa te ngooyo Usalalite wa bene Isilaeli?

Jelemiya 17:10

Nebo neMwaami Lesa ndalanga mumoyo wa muntu akweelesha miyeeyo yakwe kwaamba ayi nambule muntu kweelana amicito yakwe, ee, abweelete milimo yakwe.”

Esekelo 35:13

Mwakalinga kuntwaangila akwaamba makani abiibi pali ndime kwakutalitibuka, nebo nemwiine kaandinyumfwila.’ ”

Danyelo 4:37

“Paceebo ceeco nebo neNebukadinesa ndalumbaisha akulemeka Mwaami wa Kwiculu mukwiinga shoonse nshaacita nshibotu alimwi nshila shakwe shoonse shililuleme. Lakwe ulakonsha kubombya baabo balisumpula.”

Danyelo 5:27

“TEKELI, nkwaamba ayi mwapiimwa pacakupimishaako akucanika ayi mulyuubite.

Malaki 3:13

Mwaami Lesa ulaamba ayi, “Mulaamba shintu shiyoosha pali ndime.” Sombi muleepusha ayi, “Anu nshiinshi nshetwaamba?”

Bene Ebulu 4:12

Mukwiinga maswi akwe Lesa ali anga ncintu cuumi alimwi alicite nkusu. Alikolete kwiinda mupeeni ukolete koonse kobilo. Alatimbula pakati kushikila apali moyo amuuya alimwi apali shifuwa alimwi amoomo. Maswi akwe Lesa alayubulula sheesho bantu nshebayeeya alimwi anshebasuni.

Joshuwa 22:22

“Shinkusu shoonse Ulya nguLesa alimwi nguMwaami Lesa! Shinkusu shoonse Ulya nguLesa alimwi nguMwaami Lesa! Ulishi ncetwacitila bobulya, abalo bene Isilaeli bamwi boonse abeshibe! Na ncakwiila twacita ceeci mubwaashu nabi mukutanyumfwila Mwaami Lesa, sunu lyeenka mutumaneewo.

Ciyubululo 2:23

alimwi ndaakucaya bana bakwe boonse. Lyalo shoonde shoonse shilaakwishiba ayi ndimeenshi shili mumyoyo alimwi amiyeeyo ya bantu boonse. Ndaakupa muntu woonse mulikoto lyanu kweelana amilimo yakwe.

Boomboloshi 9:38

Mpomunyaawo Sebulu wakamwaambila ayi, “Kwaamba ono mbowaamba lyoonse. Te ndiwe wakalinga kutwaambila ayi, ‘Ceebonshi ncetukonkelela Abimeleki?’ Sunu besa mbowakalinga kunyansha, balwane we, tukubone.”

1 Samwelo 16:7

Nakubi boobo Mwaami Lesa wakaambila Samwelo ayi, “Utaboni mbwaaboneka nabi ciimo, mukwiinga nebo ndamukaka kuba mwaami. Nebo neMwaami Lesa nshilangilishi muntu pashintu shilangilisha bantu. Mukwiinga bantu balabonabo pansengwe, sombi nebo neMwaami Lesa ndabona mukati, ee, mwiine mumoyo.”