1 Samwelo 2:26 - Baibo Busansulushi Bwa Libuku Ili

²⁶ Mwanike Samwelo wakalinga kuya bukula akuya ciba muntu ukondelesha Mwaami Lesa abantu boonse.

1 Samwelo 2:26 ပူးပေါင်းရင်းမြစ်များ

Matalikilo 39:4

Potifa wakakondwa amilimo yakwe Josefu, mpeeke wakamwalulabo ayi abe musebenshi wakwe mwiine. Aboobo wakamupa bunene bwa ŋanda yakwe ashintu shakwe shoonse.

Tushimpi 3:3

Utakasuminishi lusuno akushomeka kwaamba ayi shikushiiye. Ulyeelete kushifwala lyoonse anga mbulungu bwa munshingo, ncakwiila ulyeelete kushilemba mumoyo wako.

Tushimpi 3:4

Lyalo Lesa abantu balaakusangalala pali ndiwe alimwi ulaakuba ampuuwo ibotu.

Luka 1:80

Lyalo mwaana uyo Joni wakakula akushimpa mumushimu. Wakekala muluyanga kushikila bushiku ubo mbwaakalitondesha patuba kubantu ba muIsilaeli.

Luka 2:40

Lyalo mwaana wakakomena akuba ankusu alimwi wakaba musongo abuumbi. Aboobo coolwe cakwe Lesa cakalinga pali nguwe.

Luka 2:52

Jesu wakakula muciimo amubusongo alimwi wakaba mwaana ukondelesha Lesa abantu boonse.

Milimo ya Batumwi 2:47

Bakalinga kulumbaisha Lesa, mpeeke abantu boonse bakakondwa ndibakabona ncito yabo. Alakwe Mwaami wakalinga kuletelamo bantu abamwi inshiku shoonse mulikoto lyabo, abo bakalinga kupulushikwa.

Bene Loma 14:18

Aboobo uyo woonse usebensela Klistu munshila iyi, ulakondelesha Lesa alimwi abantu balakondwa mumilimo yakwe.

Boomboloshi 13:24

Mwanakashi uyo wakashala mwaana musankwa akumutumba ayi Samusoni. Mwaana uyo wakakomena alakwe Lesa wakamupa coolwe.

1 Samwelo 2:21

Mwaami Lesa ncakwiila wakapa coolwe Aana. Mpeeke wakaba abaana basankwa abamwi botatwe abanakashi bobilo. Mwanike Samwelo wakakomena mumulimo wa Mwaami Lesa.

1 Samwelo 3:19

Samwelo wakakula mumaansa akwe Mwaami Lesa uyo wakalengesha ayi coonse cakaamba Samwelo cicitike cancinencine.