1 Samwelo 18:8 - Baibo Busansulushi Bwa Libuku Ili

⁸ Saulo wakakalala abuumbi ndyaakanyumfwa boobo. Wakalyaamboosha ayi, “Defedi batoomubelengela makumi amakumi a shuulu, ono nebo shuulubo. Ono bulya taaku acimwi cacaala kwiinda kumupa bweene bwangu.”

1 Samwelo 18:8 ပူးပေါင်းရင်းမြစ်များ

Matalikilo 37:11

Bamakwabo Josefu bakafwa munyono, sombi baishi, cikani ici bakalinga kuciyeeya lyoonse.

Matalikilo 37:8

Mpomunyaawo bamakwabo bakeepusha ayi, “Sa utoyeeya ayi ulaakuba mwaami akulela ndiswe?” Aboobo bakeendaawo kumupata ceebo ca shiloto shakwe alimwi anshaakalinga kwaamba pali mbabo.

1 Baami 2:22

Mwaami Solomoni wakeepusha ayi, “Nceebonshi mulisuni kwaamba ayi nsuminishe Adonija kweeba Abishagi? Sa te kunembo inga mwamusengela acuuna ca bwaami? Kuteelabo waawo, Adonija ngumunene wangu, alimwi Abiyata mupailishi aJoabu mwanaakwe Suluiya bali kulubasu lwakwe.”

Esita 3:5

Ono Amani ndyaakabona ayi ncakwiila Modekayi wakaka kumufukamina mukumulemeka, wakakalala abuumbi.

Tushimpi 13:10

Kulisumpula kulaletabo kwaambana amapensho, sombi busongo bulacanwa mubaabo banyumfwa kwaambilwa.

Tushimpi 27:4

Bukali mbubiibi, kukalala ca lushinga kulanyonyoola, sombi munyono walo uleendaawo kubica.

Shikushimikila 4:4

Ndakabona alimwi ayi milimo yoonse akuswitilila koonse kwa muntu shilaswa kulunkumbwa lwa munyono pamubye. Ono ici coonse taaku mbocibete, cilibo anga nkutandaanya muuwo.

Shakubelenga 11:1

Mpeeke bantu bakatalika kutongooka kuMwaami Lesa pamakatasho abo. Ono Mwaami Lesa ndyaakabanyumfwa, wakakalala akutuma mulilo pabantu. Wakanyaka pakati kabo alimwi akunyonyoola lubasu lomwi lwa misumba.

Shakubelenga 22:34

Mpeeke Balaamu wakakumbula ayi, “Ndabiisha. Nshindalinga kwishi ayi muliimfwi munshila ayi munkaashe kuya. Sombi bulya na lweendo ulu lwamubicila, ntooboolabo kumisheesu.”

Jemusi 4:5

Mutayeeyi ayi Malembo akwe Lesa alabeca ndyaamba ayi, “Muuya Lesa ngwaakabika muli ndiswe ulayandishisha shamubili.”

1 Samwelo 13:14

Sombi bulya bweendeleshi bwako teshi butolelele. Ono mukwiinga tookwe kumunyumfwila, Mwaami Lesa walangoola kale musankwa ucite mibo njaasuni kwaamba ayi abe mwaami wa bantu bakwe.”

1 Samwelo 15:28

Lyalo Samwelo wakamwaambila ayi, “Mwaami Lesa wakwamuna buleelo bwa cishi ca Isilaeli kuswa kuli ndiwe sunu. Wabupa womwi pakati ka beshikamukobonyoko, weelete kwiinda ndiwe.

1 Samwelo 16:13

Aboobo Samwelo wakabwesa lwiica lwa mafuta ayo akumunanika ayi abe mwaami pameenso a bamakwabo basankwa. Kuswa bushiku ubo Mushimu wa Mwaami Lesa wakaselukila Defedi cankusu. Lyalo Samwelo wakaboolela kuLama.

1 Samwelo 18:9

Kuswa bushiku ubo mwaami Saulo wakatalika kulangilisha Defedi meenso abiibi a munyono.

1 Samwelo 19:1

Ono Saulo wakaambila Jonasani mwanaakwe musankwa alimwi abacinenenene bakwe boonse ayi balyeelete kucaya Defedi. Sombi Defedi kuli Jonasani taakalinga kulokelwa kalongo.

1 Samwelo 20:31

Sa toobwene kwaamba ayi kulilabo Defedi kaali muumi teshi ukabewo mwaami wa cishi cino? Ono koya ukamuleete, ulyeelete kufwa!”