1 Samwelo 18:5 - Baibo Busansulushi Bwa Libuku Ili

⁵ Ono Defedi wakalinga kucita cintu cili coonse cakamutuma Saulo cakuswitilila. Aboobo Saulo wakamulengesha kuba mutanjilili wa mulikoto lya bashilumamba bakwe. Cikani ico bantu boonse pantu pomwi abamatanjilili bamwi boonse bakwe Saulo bakakondwa.

1 Samwelo 18:5 ပူးပေါင်းရင်းမြစ်များ

Matalikilo 39:23

Ncakwiila shintolongo uyo taakalinga kubikaako amaano kushintu isho shakalinga kweendeleshekwa aJosefu mukwiinga Lesa wakalingaakwe. Ncakwiila wakalinga kumulengesha ayi abe ashoolwe mushintu shoonse nshaakalinga kucita.

2 Samwelo 5:10

Kuswawaawo bweendeleshi bwakwe bwakeendaawo kushimpa mukwiinga Mwaami Lesa Shinkusu shoonse wakalinga anguwe.

2 Samwelo 5:2

Kale kale, Saulo kaacili mwaami wesu, ndimwe mwakalinga kutanjilila bashilumamba ba bene Isilaeli kuya kunkondo. Paciindi ico Mwaami Lesa wakamulwiita ayi, ‘Ulaakutanjilila bantu bangu bene Isilaeli akuba mwaami wabo.’ ”

2 Makani 17:3

Mwaami Lesa wakapa coolwe Jeoshafati mukwiinga wakakonkela nshila shitaanshi sha baishi. Taakalinga kulambila Baali.

Kulumbaisha 1:3

Lakwe uli anga ncisamu cishangitwe kufwaafwi akalonga ka maanshi, ico cicata shisepo paciindi ceelete, alimwi cicite matewu atayumi. Mushintu shoonse nshaacita, lakwe ulaswitilila.

Kulumbaisha 101:2

Ndaakukonkela nshila shitacite kampenda. Ino mwebo mulaakwisa lili kuli ndime? Ndaakwikala muŋanda yangu kaantacite kampenda,

Mateyo 10:16

“Amubone, ntoomutuma anga nimbelele pakati kabaumpe, aboobo amucenjelele anga ninsoka akulibombya anga nimpolobe.

Milimo ya Batumwi 7:10

akumufuna mumapensho oonse ngaakalinga kubaawo. Josefu ndyaakaboneka kuli Falawo mwaami wa kuIjipiti, Lesa wakamupa busongo ubo bwakalengesha ayi Falawo amusuune. Paceebo ceeco Falawo wakamubika ayi abe mweendeleshi wa cishi cakwe alimwi aŋanda yakwe.

Bene Efeso 5:17

Paceebo ceeco mutabi anga mbantu baluya, sombi amweeleshe kwishiba sheesho Mwaami Lesa nshaasuni ayi mucite.

Bene Kolose 4:5

Bwikaalo bwanu pabantu batashomi muli Klistu abube bwa busongo alimwi mulyeelete kusebensesha kabotu ciindi cakushimikila Makani Abotu kuli mbabo.

Boomboloshi 1:19

Nakubi boobo Mwaami Lesa wakalingaabo. Aboobo bakakonsha kukoma cishi ca tulundu. Ono bakaalilwa kukoma bantu bakalinga kwikala mushinyika mukwiinga bakalinga kucite shikoci sha nshimbi.

1 Samwelo 13:2

Saulo wakasala basankwa bene Isilaeli shuulu shotatwe. Bali shuulu shobilo wakalingaabo muMikimashi amucishi ca tulundu ca Betelo. Bali cuulu wakabatuma amwanaakwe musankwa Jonasani kuGibiya mucishi ca mukowa wakwe Benjameni. Basankwa bamwi boonse Saulo wakabaambila ayi bayebo mwabo mwabo.

1 Samwelo 14:52

Saulo wakalinga kulwana bene Filisiti cankusu kwabuumi bwakwe boonse. Ono wakalinga kucita na wacana musankwa ushimpite alimwi utacite boowa pakati ka bene Isilaeli, wakalinga kumubika mulikoto lya bashilumamba bakwe.

1 Samwelo 18:16

Sombi bantu boonse mucishi ca Isilaeli aca Juda bakalinga kusuni Defedi abuumbi mukwiinga wakalinga mutanjilili mubotu uswitilila.

1 Samwelo 18:30

Bamatanjilili ba bashilumamba ba bene Filisiti bakatolelela kunooya kunkondo. Ono kulilabo na baya Defedi wakalinga kuswitilila bunene kwiinda bamwi boonse. Munshila iyo Defedi wakapuka abuumbi.

1 Samwelo 18:4

Mpeeke Jonasani wakafuula cakufwala cakwe ca peculu ncaakalinga kufwete akupa Defedi. Wakamupa ashakufwala sha nkondo shakwe, mupeeni, buta pantu pomwi alaamba.

1 Samwelo 18:6

Bashilumamba ndibakalinga kuboola, Defedi ndyaakaswa mukucaya Golyati, balutundu bakesa kuswa mumandabala oonse a mucishi ca Isilaeli bakesa mukutambula mwaami Saulo. Bakalinga kwiimba nyimbo shakusangalala, kushana, kulisha misebe alimwi ashakulisha shimwi.

1 Samwelo 3:19

Samwelo wakakula mumaansa akwe Mwaami Lesa uyo wakalengesha ayi coonse cakaamba Samwelo cicitike cancinencine.