1 Samwelo 18:13 - Baibo Busansulushi Bwa Libuku Ili

¹³ Mpeeke Saulo wakakusha Defedi muliimfwa lyakwe kwiinda mukumulengesha kuba mutanjilili wa bashilumamba bali cuulu. Defedi wakatanjilila bashilumamba bakwe kuya kunkondo.

1 Samwelo 18:13 ပူးပေါင်းရင်းမြစ်များ

2 Samwelo 5:2

Kale kale, Saulo kaacili mwaami wesu, ndimwe mwakalinga kutanjilila bashilumamba ba bene Isilaeli kuya kunkondo. Paciindi ico Mwaami Lesa wakamulwiita ayi, ‘Ulaakutanjilila bantu bangu bene Isilaeli akuba mwaami wabo.’ ”

Kulumbaisha 121:8

Mwaami Lesa ngweshi akakulaame koonse nkweshi ukaye kuswa sunu kushikila muyayaya.

1 Samwelo 18:25

wakakumbula ayi, “Defedi mumulwiite ayi, ‘Mwaami taasuni buboni bwakweebesha bumwi buli boonse, sombibo shikanda sha kunembo kubusankwa sha bene Filisiti bali mwaanda, mukubooshesha cishole balwani bakwe.’ ” Muyeeyo wakwe Saulo wakalinga wakwaamba ayi Defedi akacaikwe kubene Filisiti.

1 Samwelo 22:7

Saulo wakabaambila ayi, “Amukutike mwebo nobasankwa bene Benjameni! Sa mutooyeeya ayi Defedi ulaakumupawo myuunda imwibo aya minyansa? Sa noonse ulaakumulengesha kuba bamatanjilili ba bashilumamba bali shuulu aba bali myaanda?

1 Samwelo 8:12

Bamwi balaakunooba bamatanjilili ba bashilumamba bali cuulu, bamwi ba bali makumi osanwe. Bana banu basankwa balaakunoolima myuunda yakwe, kwiitebula akupanga sheensho ashisebensesho sha beshikulwanina mushikoci sha maaki.