1 Samwelo 18:12 - Baibo Busansulushi Bwa Libuku Ili

¹² Mwaami Saulo wakatalika kuloonda Defedi ceebo Mwaami Lesa wakalinga anguwe, sombi lakwe wakamushiya.

1 Samwelo 18:12 ပူးပေါင်းရင်းမြစ်များ

2 Samwelo 5:10

Kuswawaawo bweendeleshi bwakwe bwakeendaawo kushimpa mukwiinga Mwaami Lesa Shinkusu shoonse wakalinga anguwe.

2 Makani 17:3

Mwaami Lesa wakapa coolwe Jeoshafati mukwiinga wakakonkela nshila shitaanshi sha baishi. Taakalinga kulambila Baali.

Kulumbaisha 51:11

Mutantandaanyi kuswa kumeenso anu, nabi kunyaya Mushimu wanu Usalashi.

Kulumbaisha 53:5

Ono bantu abo balaloonda abuumbi, banjilwa boowa mbobatana kubaabo kale. Lesa ulaakupalanganya shifuwa sha baabo boonse balwana bantu bakwe. Balaakulenshekwa nsoni mukubakoma ceebo Lesa wabakaka.

Osiya 9:12

Nakubi kwaamba ayi bakakushewo baana ndaakumana kubalobya boonse. Kulaakuba mapensho anene abuumbi ndaakubafutatila bantu aba!”

Mateyo 25:41

“Lyalo ulaakwaambila baabo beshi bakabe kulubasu lwa kucipiko ayi, ‘Amuswe kuli ndime, mwebo nomwakashinganwa! Kamuya kumulilo utamaani uyo wakabambilwa Mubiibi abaanjelo bakwe.

Maako 6:20

ceebo Elodi wakalinga kulemeka Joni camaansa obilo. Wakalinga kwishi kwaamba ayi ngumuntu ululeme alimwi usalalite, aboobo wakamulama. Nakubi kwaamba ayi Elodi wakalinga kupenshekwa mumoyo na wanyumfwa Joni kaamba, wakalinga kusuni kumukutika.

Luka 8:37

Lyalo bantu boonse bakalinga kwikala mucishi ca Gelasa bakakombelela Jesu ayi asweemo mucishi cabo ceebo bakaloonda abuumbi. Mpomunyaawo wakenjila mubwaato akuboolela.

Milimo ya Batumwi 24:25

Sombi Paulo ndyaakalinga kwaamba shabululami, kulilama alimwi ashabushiku Lesa ndyeshi akoomboloshe bantu, Felekisi wakaloonda. Mpeeke wakaambila Paulo ayi, “Pacecino ciindi inga waya, ndakwiita alimwi na mbe aciindi.”

Milimo ya Batumwi 7:9

“Bana bakwe Jakobo aba, bakanyumfwila munyono Josefu mukwababo akumuulisha kubantu abo bakaya mukumuulisha ayi akabe musha muIjipiti. Sombi Lesa wakalinga kumucafwa

Boomboloshi 1:19

Nakubi boobo Mwaami Lesa wakalingaabo. Aboobo bakakonsha kukoma cishi ca tulundu. Ono bakaalilwa kukoma bantu bakalinga kwikala mushinyika mukwiinga bakalinga kucite shikoci sha nshimbi.

Boomboloshi 16:20

Mpeeke wakoolobesha ayi, “BaSamusoni mbaabo bene Filisiti bamunjilila.” Ono ndyaakashinshimuka, lakwe kaayeeya ayi, “Ntooswita pansengwe nkalipakamune bweenka mbooncita lyoonse.” Lakwe kaateshi kwaamba ayi Mwaami Lesa wamushiya.

1 Samwelo 16:18

Mpeeke womwi pakati ka basebenshi wakakumbula ayi, “Ndibweneewo mwaana musankwa wakwe Jese mwine Betileemu ucishi kulisha kabotu kalumbu. Ngumusankwa utacite boowa, shilumamba mubotu, ucishi kubandika alimwi uboneka kabotu abuumbi. Mwaami Lesa uli anguwe.”

1 Samwelo 16:4

Mpeeke Samwelo wakacita cakamulwiita Mwaami Lesa. Ndyaakashika kuBetileemu, bamaloba ba mundabala bakalinga kunootutumabo ndibakalinga kumukumanya. Bakalinga kwiipusha ayi, “Sa kuli cabica?”

1 Samwelo 18:15

Saulo ndyaakabona Defedi mbwaakalinga kuswitilila mushintu shoonse, wakeendaawo kumuloonda.

1 Samwelo 18:20

Ono Mikali mwanaakwe Saulo mwanakashi wakalinga kufwita Defedi. Mpeeke Saulo ndyaakalwiitikwa cikani ico, wakakondwa abuumbi.

1 Samwelo 18:29

wakatolelela kumuloonda. Aboobo Saulo wakalinga kupatite Defedi kushikila wafwa.

1 Samwelo 20:13

Ono na batooyeeya kukucita cibiibi, Mwaami Lesa aakampe mulandu nabibo kuncaya na nkabule kukushibisha akukulobosha mukabotu. Lesa abe awebo bweenka mbwaakalinga abata.

1 Samwelo 22:13

Saulo wakamwiipusha ayi, “Ino webo aDefedi mutoomfwiminashi? Ceebonshi wakamupa cimaande, mupeeni wakalinga wakwe Golyati alimwi akumwiipushisha kuMwaami Lesa? Ono toobwene wangalookila, bulya utooyandoolabo ciindi cakuncailaawo.”

1 Samwelo 28:15

Lyalo Samwelo wakeepusha Saulo ayi, “Ino wanyonganishilanshi mukumbusha?” Saulo wakakumbula ayi, “Ndi mumapensho anene abuumbi. Bene Filisiti batooyanda kundwana alakwe Lesa taabete anebo mukwiinga taatoonkumbulaawo kwiinda mubalaluki nabi mushiloto. Nceceeco ncendamwiitila kwaamba ayi mundwiite cakucita.”

1 Samwelo 3:19

Samwelo wakakula mumaansa akwe Mwaami Lesa uyo wakalengesha ayi coonse cakaamba Samwelo cicitike cancinencine.