1 Samwelo 18:1 - Baibo Busansulushi Bwa Libuku Ili

¹ Saulo wakamanisha kubandika aDefedi. Kuswawaawo Jonasani mwanaakwe Saulo wakanyumfwana aDefedi akumusuna bweenka mbwaakalinga kulisuni mwiine.

1 Samwelo 18:1 ပူးပေါင်းရင်းမြစ်များ

Matalikilo 44:30

“Ono na mwanike wesu atanooli anebo ndaboolela kuli bata, musebenshi wanu, uyo ucatene abuumbi amwanike uyu, alimwi na bata

2 Samwelo 1:26

“Jonasani mukwesu wancisa abuumbi kumoyo, mukwiinga ndalinga kukusuni abuumbi. Lusuno lwako kuli ndime lwalinga kukondelesha abuumbi, lwalinga kukondelesha kwiinda aloolo lwa balutundu.

1 Makani 12:17

Defedi wakaya mukubakumanya akubaambila ayi, “Na mwesa muluumuno ayi muncaafwe, ingayi mwatambulwa kuno. Atusenkane! Sombi na mulipingite kungaba mumaansa a balwani bangu, nabi taaku cibiibi ncendakacita kuli ndimwe, Lesa wa bamashali besu bakulukulu utooshiba akumupa mulandu.”

Kulumbaisha 86:11

NoBaami baLesa amunjiishe mboonjelete kweenda, kwaamba ayi nkanokweenda mulushinisho lwanu. Amunjiishe kumusebensela amoyo wangu woonse, kwaamba ayi noolemeka liina lyanu.

Tushimpi 18:24

Kuli beshishibusa baliboneshabo ayi mulanyumfwana, sombi inga kakuli womwi ngoonyumfwanaakwe kwiinda amukwanu.

Dutolonomi 13:6

“Na mukwanu, mwanaako musankwa nabi mwanakashi, mukaako usunikwi nabi mubyo ngoonyumfwanaakwe bunene wakunyengelela ayi ulambile balesa bamwi, abo webo abamashali bako bakulukulu mbomutakwe kulambilawo kale,

Bene Kolose 2:2

Ndisuni kwaamba ayi shintu ishi shibayuumye alimwi akubacatanya pantu pomwi mulusuno kwaamba ayi kwiinda mulushibo lumaninite beshibishe kabotu muli Lesa. Munshila iyi ndyeenga beshiba makani akwe Lesa akalinga kushisitwe kubantu, ngoKlistu mwiine.

Boomboloshi 20:11

Aboobo bashilumamba boonse bakabungana pantu pomwi kwaamba ayi balwane ndabala inene iyo.

1 Samwelo 14:45

Sombi bashilumamba bakaambila Saulo ayi, “Jonasani inga wafwa buyani? Jonasani ngowalengesha ayi bene Isilaeli bakome munshila ikankamanisha. Sobwe! Mbuli Mwaami Lesa mbwaali muumi, taaku mususu nabi womwi weshi ulokele panshi kuswa mumutwi wakwe Jonasani. Mukwiinga ico ncaacita sunu cacitwa kwiinda mukucafwikwa aLesa.” Munshila iyo bantu abo bakafuna Jonasani ayi atacaikwi.

1 Samwelo 18:3

Ono Jonasani wakapangaakwe cipangano cakuba shicibusa wakwe wa lyoonse mukwiinga wakamusuna bweenka mbwaakalinga kulisuni mwiine.

1 Samwelo 19:1

Ono Saulo wakaambila Jonasani mwanaakwe musankwa alimwi abacinenenene bakwe boonse ayi balyeelete kucaya Defedi. Sombi Defedi kuli Jonasani taakalinga kulokelwa kalongo.

1 Samwelo 19:2

Aboobo Jonasani wakamucenjesha ayi, “Bata batoopinga kukucaya na bakakubonenebo kapense. Ciilo macuunsa ukacenjele. Ukaye mukuyuba.

1 Samwelo 20:17

Lyalo kwiinda mulusuno Jonasani wakalengesha Defedi kushomesha cakulumbila pacipangano cabo alimwi, mukwiinga wakalinga kumusuni bweenka mbwaakalinga kulisuni mwiine.

1 Samwelo 20:8

Ndaseenga ukancaafwe munshila iyo kweelana webo mbooli mucipangano ca bushicibusa anebo nemusebenshi wako pameenso aMwaami Lesa. Sombi na kuli nceembishite, ncibotu webo weenka kuncaya kwiinda kungaba mumaansa abaiso ayi bancaaye.”

1 Samwelo 22:8

Sa te nceceeco noonse ncemwangalookilila? Amubone taaku wakandwiita ayi mwanaangu musankwa wapanga cipangano amwanaakwe Jese ulya. Taakuuwo pakati kanu umbikiteko maano nabi wakandwiitawo ayi mwanaangu wayunga Defedi musebenshi wangu ayi ancaaye. Bulya utoolangoolabo ciindi cakwaamba ayi ancaileewo.”

1 Samwelo 23:18

Lyalo bobilo abo bakapanga cipangano pameenso aMwaami Lesa. Mpeeke Jonasani wakaboolela kumishaabo, sombi Defedi wakacaala kuOleshi.