1 Samwelo 17:8 - Baibo Busansulushi Bwa Libuku Ili

⁸ Lyalo Golyati wakeemikana akoolobesha kubashilumamba ba bene Isilaeli ayi, “Ceebonshi mweemikana mumundando ayi mulwane? Sa mwanduuba ayi ndi mwine Filisiti? Sa te mwebo mulibo basebenshi bakwe Saulo? Amusale musankwa womwi ese kuno tulwane.

1 Samwelo 17:8 ပူးပေါင်းရင်းမြစ်များ

2 Samwelo 11:11

Uliya wakakumbula Defedi ayi, “Bashilumamba bene Isilaeli abene Juda boonse bali munkondo, Libokoshi lya Cipangano alyalo bali alyo. Joabu mutanjilili wangu abashilumamba bakwe bamwi boonse batokoona pampewo mumisumba. Ino nebo inga ndaya buyani kuŋanda mukulya, kunwa alimwi akukumana abakaangu? Bweenka mbocibete lushinisho ayi mwebo muli boomi, anebo ncakwiila teshi nkacite cintu ca mushobo wooyo napaceyi!”

1 Makani 21:3

Sombi Joabu wakakumbula ayi, “Mwaami Lesa aafushe bene Isilaeli mankanda ali mwaanda kwiinda mbobabete bulya nobaami bangu kamuciliiwo. Nomulemekwa boonse mbasebenshi banu. Ino ono nceebonshi ncemusunini ayi bantu babelengwe akulengesha bene Isilaeli kuba amulandu?”

1 Samwelo 17:23

Ndyaakalinga kucaamba ambabo, Golyati, ndundwa minkulwa wa kuGati, wakasotoka mundando wakwe akoolobesha maswi akwe akunyansha bweenka mbwaakalinga kucita lyoonse. Lyalo Defedi wakanyumfwaako.

1 Samwelo 17:26

Mpeeke Defedi wakeepusha basankwa bakalinga pafwaafwi ayi, “Ino musankwa weshi akacaaye mwine Filisiti ulya akukusha malwesa ngwaatoolamba bene Isilaeli, ulaakucitilwa buyani? Alimwi lakwe ngumwine Filisiti buyani, utapalwitwe, weenga kaanyansha likoto lya bashilumamba bakwe Lesa muumi?”

1 Samwelo 8:17

Ulaakunoobwesa cipansha ca likumi ca mbelele ampongo shanu, alimwi mwebo nweenka mulaakunooba basha bakwe.