1 Samwelo 17:34 - Baibo Busansulushi Bwa Libuku Ili

³⁴ Sombi Defedi wakaamba ayi, “Nebo nemusebenshi wanu ndime ndama mbelele sha bata. Ono ndacita na nkalamu nabi beya wacata mbelele mulitanga akwiitola,

1 Samwelo 17:34 ပူးပေါင်းရင်းမြစ်များ

Matalikilo 31:39

Na mbelele yacaikwa kubanyama ba muluundu, nshindakalinga kwiileta kuli ndimwe, sombi ndime ndakalinga kuba amulandu, alimwi mwakalinga kunyinshaamo keeteete kwaamba ayi ndipilile ili yoonse yeenga yeepwa malumwi nabi mashiku.

2 Samwelo 17:8

Mwebo mulibeshi baishiwanu abashilumamba babo mbobabete. Mbeshi nkondo alimwi mbakali anga ngubeya wabweselwa baana. Kuteshibo boobo bweenka, baishiwanu mbantu bacishi kulwana abuumbi, alimwi mashiku tabooni pantu pomwi abashilumamba babo.

2 Samwelo 23:20

Musankwa umwi wakalinga kupukite nguBenaya wa kuKabusiili mwanaakwe Jeoiyada. Musankwa uyo wakacita milimo iinji itondesha kubula boowa kwakwe. Benaya wakacaya bashilumamba beene beene bobilo ba bene Moabu. Bumwi bushiku kakuli caandwa wakenjila mucikanda akucaya nkalamu.

1 Makani 11:22

Musankwa umwi wakalinga kupukite nguBenaya wa kuKabusiili mwanaakwe Jeoiyada. Musankwa uyo wakacita milimo iinji itondesha kubula boowa kwakwe. Benaya wakacaya bashilumamba beene beene bobilo ba bene Moabu. Bumwi bushiku kakuli caandwa wakenjila mucikanda akucaya nkalamu.

Kulumbaisha 143:5

Na ndeebaluka nshiku shangu shikulukulu, ndayeeya milimo yoonse njemwakacita. Ee, ndeebaluka shoonse nshemwakacita amaansaanu.

Esekelo 34:12

Bweenka mbuli mweembeshi mbwaalangoola mbelele shakwe na shapalangana, mbweeke ubo anebo mbweshi nkalangoole mbelele shangu. Ndaakushifuna kuswa mumisena yoonse moshakalinga shapalanganina bushiku buyoosha bwa munshinshe ushiya mbi.

Amosi 3:12

Mwaami Lesa waamba ayi, “Bweenka mweembeshi kuswa mukanwa ka nkalamu mbwaapulushakobo mafuwa akumyeendo yobilo ya mbelele nabibo kapansha ka kutwi, mbweeke ubo bene Isilaeli mbweshi bakapulushikwe. Ncakwiila mbweshi bakapulushikwe abo bashiite kweela malo abo muSamaliya ee, abaabo bashiite pashuuna shabo shibotu kuDamasikasi.”

Sekaliya 11:16

Ceebo ndisuni kuleta mweembeshi mucishi uyo weshi akanoobula kubikila maano kuli sheesho shisowekete, kuyandoola twaana, kushilika shalicisa nabi kusanina shili kabotu. Sombi lakwe ulaakunoolya nyama sha mbelele shiinite abuumbi akupwaya shoondo sha nshisho.

Sekaliya 9:7

Teshi bakalyewo tubili bulowa nabi shintu shimwi shikashikwa mumilomo yabo. Lyalo abo beshi bakacaaleewo, balaakuba bantu bangu neLesa. Balaakuba bamatanjilili muJuda. Mpeeke cakacitikila bene Jebusi cilaakucitikila bene Ekiloni.

Luka 2:8

Kulya kweenka kucishi kwakalinga beembeshi bakalinga kulindilila mbelele shabo mashiku.

Joni 10:11

“Ndi mweembeshi mubotu. Mweembeshi mubotu ulaaba buumi bwakwe ceebo ca mbelele shakwe.

Bene Loma 5:4

Kutaboola pesule nkokuleta bwikaalo buyanda Mwaami Lesa alimwi bwikaalo ubo mbobuleta kulangila.

Bene Ebulu 11:33

Kwiinda mulushomo, bantu aba bakalwana shishi alimwi akukoma. Bakacita shiluleme, mpeeke alakwe Lesa wakabapa nshaakabashomesha. Bakalengesha milomo ya nkalamu kutacaluka,

Ciyubululo 13:2

Munyama uyo wakalinga kuboneka anga ngushiluwe. Shimpanta shakwe shakalinga anga nsha suntwe munene. Awalo mulomo wakalinga anga ngwa nkalamu. Mpomunyaawo shinshimwe uyo wakapa munyama uyu nkusu shakwe, cuuna cakwe ca bwaami alimwi ankusu shakwe shakweendelesha shoonse.

Boomboloshi 14:6

Mpeeke Mushimu wa Mwaami Lesa wakesa pali nguwe akumupa nkusu cakwaamba ayi wakaya waikwamuna amaansabo anga ngumuntu utookwamuna mwanaampongo. Sombi taakwe kulwiitawo baishi nabi banyina makani ayo.

1 Samwelo 17:15

sombi shiindi shimwi Defedi wakalinga kuboolela kuBetileemu mukweembela mbelele sha baishi.

1 Samwelo 17:33

Saulo wakakumbula ayi, “Waceeya abuumbi kuya mukulwana amwine Filisiti ulya. Bona webo ucilibo mwanike ono lakwe kuswabo kubucikula bwangu bwakwe ngushikulwana.”

1 Samwelo 17:35

ndakonkela munyama uyo, kumulwana akufuna mbelele mumulomo wakwe. Na munyama uyo wapilulukila ndime, ndamucata pamukolomeno akumuuma kushikila wafwa.