1 Samwelo 16:1 - Baibo Busansulushi Bwa Libuku Ili

¹ Mwaami Lesa wakaambila Samwelo ayi, “Utootola ciindi cilaamfu buyani kuungumana ceebo cakwe Saulo? Nebo ndamukaka kale kunoocili mwaami wa cishi ca Isilaeli. Susha lwiica lwako amafuta a maolifi unooya. Ntookutuma kuli Jese wa kuBetileemu. Ndasalaawo womwi pabana bakwe basankwa kuba mwaami.”

1 Samwelo 16:1 ပူးပေါင်းရင်းမြစ်များ

1 Baami 8:16

‘Kuswa bushiku ndindakakusha bantu bangu muIjipiti, nshina kusalaawo ndabala imwi mucishi coonse ca Isilaeli umo mweenga mwayakilwa ŋanda yangu ayi munoonambililaamo. Sombi ndakasalabo ndiwe Defedi ayi ulele bantu bangu.’ ”

2 Baami 9:1

Ono mulaluki Elisha wakaambila umwi wa mulikoto lya balaluki ayi, “Pimpa cakufwala cako ca peculu uye kuLamoti mucishi ca Gilyadi. Uyumune amusaashi uyu wa mafuta a olifi.

2 Baami 9:3

Upuumwite mafuta aya pamutwi wakwe akwaamba ayi, ‘Mwaami Lesa waamba ayi, Ndakunanika mafuta kwaamba ayi ube mwaami wa bene Isilaeli.’ Lyalo ukasweemo cakufwambaana.”

2 Baami 9:6

Lyalo bobilo abo bakaya mucipinda. Mpeeke mulaluki uyo wakatila mafuta a olifi pamutwi wakwe Jewu akumwaambila ayi, “Mwaami Lesa, Lesa wa bene Isilaeli waamba ayi, ‘Ndakunanika kwaamba ayi ube mwaami wa bantu bangu bene Isilaeli.

1 Makani 11:3

Mpeeke bamaloba boonse bene Isilaeli ndibakashika kuli Defedi kuEbuloni, Defedi wakapanga cipangano ambabo uko pameenso aMwaami Lesa. Lyalo bakamunanika mafuta ayi abe mwaami wa bene Isilaeli bweenka bwakashomesha Mwaami Lesa kwiinda muli Samwelo.

1 Makani 28:4

“Mwaami Lesa, Lesa wa bene Isilaeli, wakasala ndime abamulunyungu lwangu kwaamba ayi noolela cishi ca Isilaeli kwalyoonse. Wakasala bamukowa wakwe Juda ayi kababatanjilila. Lyalo mumukowa wakwe Juda wakasala bamuŋanda ya bata. Pabamuŋanda ya bata cakamukonda kubika ndime pabwaami bwa bene Isilaeli.

Isaya 11:1

Ono pacishiko ca buJese palaakusonsa musampi. Musampi uyo ulaakucata shisepo kuswa kumiyanda.

Isaya 11:10

Bushiku bulaakushika mwaami uyo wamulunyungu lwakwe Jese ndyeshi akeemikanine bantu anga nimbembela yakukoma. Mishobo ya bantu ilaakumuyobolokela alimwi musena ngweshi akekaleewo ulaakunoocite bulemu.

Isaya 55:4

Amubone, lakwe ndakamusala kuba kamboni kubantu boonse. Ndakamulengesha kuba mutanjilili wa mishobo imwi yoonse.

Jelemiya 11:14

“Ono Jelemiya utapaililiiko bantu aba. Utabasengeliiko nabi kubakombelelako ayi mbafwite nkumbu ceebo paciindi baakuba mumapensho teshi nkabanyumfwewo baakunjita.”

Jelemiya 15:1

Mpeeke Mwaami Lesa wakaŋambila ayi, “Nabi Mose aSamwelo besa beemikana kunembo lyangu akunkombelela, inga nshibooshiimo moyo pabantu aba napaceyi. Amubatandaanye, baswe pameenso angu! Kabayabo!

Jelemiya 6:30

Bantu aba baleetwa ayi, ‘Silifa ikakitwe’ ceebo Mwaami Lesa wabakaka.”

Jelemiya 7:16

Mwaami Lesa waamba ayi, “Aboobo Jelemiya utapaililiiko bantu aba. Utabasengeliiko cakubalililaako. Utabakombeleliiko kuli ndime mukwiinga teshi nkunyumfwileewo.

Sekaliya 4:14

Mpeeke wakaamba ayi, “Aba mbobantu bobilo abo Mwaami Lesa wa cishi ca panshi coonse mbwaakasala akunanika mafuta ayi bakanoomusebensela.”

Bene Loma 15:12

Alakwe Isaya mulaluki mukulukulu wakaamba ayi, “Umwi wa mulunyungu lwakwe Jese ulaakwisa. Lesa ulaakumubusha kwaamba ayi eendeleshe baswamashi bakunsengwe alimwi ulaakulengesha ayi banoolangila nguwe.”

Bene Ebulu 11:32

Sa noociya cibandookabo ashimwi? Nshicite ciindi cakulemba sha pacikani cakwe Gidyoni, Balaki, Samusoni, Jefuta, Defedi, Samwelo alimwi abalaluki bakulukulu.

1 Joni 5:16

Ono na umwi wabona mubye kaacita cibiibi citatoli kulufu, amupailileeko kwaamba ayi Lesa amupe buumi. Ntokwaambabo bacita shibiibi shitatoli kulufu. Sombi nkocili cibiibi citola kulufu, aboobo nshintokwaamba ayi inga wapailila mubye pali ncico.

1 Samwelo 10:1

Lyalo Samwelo wakabwesa musaashi wa mafuta a olifi wapuumwita Saulo pamutwi, wamufyonta akwaamba ayi, “Mwaami Lesa wakusala ayi ube muleli wa bene Isilaeli. Ulaakulela bantu bakwe akubafuna kubalwani babo. Ono citondesho ici ncakwaamba ayi Mwaami Lesa wakusala kuba muleli wa bantu bakwe.

1 Samwelo 15:11

“Ndanyumfwa nsoni kwaamba ayi ndakalengesha Saulo kuba mwaami, mukwiinga wanfutatila alimwi taakwe kucita mbondakamulwiita.” Lyalo Samwelo wakapenshekwa amoyo akulilila Mwaami Lesa mashiku oonse.

1 Samwelo 15:23

Bwaashu bulibo anga ncibiibi cakusonda, akwalo kulisumpula kuli anga mbubi bwakulambila shibumbwabumbwa. Ono mukwiinga wakakaka liswi lya Mwaami Lesa, alakwe wakaka ndiwe kunoocili mwaami.”

1 Samwelo 15:26

Sombi Samwelo wakaamba ayi, “Teshi mboole awebo. Webo wakaka liswi lya Mwaami Lesa ono alakwe Mwaami Lesa wakaka ndiwe kunoocili mwaami wa bene Isilaeli!”

1 Samwelo 15:35

Ono mubuumi bwakwe boonse Samwelo taakwe kubonaawo Saulo alimwi. Nakubi boobo wakoongumana ceebo cakwe Saulo. Alakwe Mwaami Lesa wakafwa nsoni kwaamba ayi wakalengesha Saulo kuba mwaami.

1 Samwelo 16:15

Basebenshi ba mwaami Saulo bakamwaambila ayi, “Amubone muuya ubiibi wakatumwa aMwaami Lesa utoomupensha.

1 Samwelo 16:23

Kuswawaawo kulilabo muuya ubiibi uyo wakalinga kutumwa aMwaami Lesa na wesa pali Saulo, Defedi wakalinga kunyamuna kalumbu akumulishila. Mpeeke muuya ubiibi uyo wakalinga kumushiya, lyalo wakalinga kuba kabotu akunyumfwa kabotu alimwi.

1 Samwelo 17:12

Defedi wakalinga mwanaakwe Jese mwine Efulati mundabala ya Betileemu kucishi ca Juda. Jese wakalinga kucite baana basankwa bosanwe abotatwe, alimwi muciindi cakwe Saulo wakalinga kucembelete abuumbi.

1 Samwelo 9:16

“Paciindi ceenka ici ciilo ndaakutuma musankwa kuswa mumukowa wakwe Benjameni. Ukamunanike mafuta a bwaami kwaamba ayi akeendeleshe bantu bangu bene Isilaeli. Ulaakubafuna kuswa kubene Filisiti. Bantu bangu ndababona mbobapenga alimwi ndanyuumfwa kulila kwabo.”