1 Samwelo 14:5 - Baibo Busansulushi Bwa Libuku Ili

⁵ Womwi wakalinga kulubasu lwa kumatwa a mwinjililo, nkokwaamba ayi kaulangite kuMikimashi, umwi kumalenge, nkokwaamba ayi kaulangite kuGeba.

1 Samwelo 14:5 ပူးပေါင်းရင်းမြစ်များ

1 Makani 3:6

Defedi wakashala abamwi baana basankwa bosanwe abone, nkokwaamba ayi Ibali, Elishuwa, Elepeti,

Isaya 10:28

Balwani balya bali munshila. Bashika kuAiyati! Beenda kale muMigiloni. Shintu shabo babikisha muMikimashi.

Isaya 10:29

Beenda kale pamwinjililo uli pakati ka tulundu tobilo akwaamba ayi baye bakoonene kuGeba! Bantu ba mundabala ya Lama baloonda abuumbi. Balo ba muGibiya, ndabala ya mwaami Saulo, bacica.

1 Samwelo 13:11

Sombi Samwelo wakaamba ayi, “Ino nciinshi ncewacita?” Saulo wakakumbula ayi, “Bantu bakalinga batalika kunshiya, alimwi tamukwe kushika paciindi ncemwakaamba ayi inga mwesa. Kuteshibo boobo bweenka, bene Filisiti abalo babungana kale kuMikimashi.

1 Samwelo 13:2

Saulo wakasala basankwa bene Isilaeli shuulu shotatwe. Bali shuulu shobilo wakalingaabo muMikimashi amucishi ca tulundu ca Betelo. Bali cuulu wakabatuma amwanaakwe musankwa Jonasani kuGibiya mucishi ca mukowa wakwe Benjameni. Basankwa bamwi boonse Saulo wakabaambila ayi bayebo mwabo mwabo.

1 Samwelo 13:23

Bene Filisiti bakatuma bashilumamba kuya mukushinkila mwinjililo ushaankene wa Mikimashi.

1 Samwelo 13:3

Jonasani wakacaya mutanjilili wa bashilumamba bene Filisiti muGeba alimwi ici cikani bene Filisiti bakacinyumfwa. Lyalo Saulo wakatuma beshinkombe bakwe ayi baye beete baEbulu kuya kunkondo kwiinda mukulisha lupeenga mucishi coonse.

1 Samwelo 14:31

Bushiku ubo bene Isilaeli bakakoma bene Filisiti, bakalinga kuya cilwanabo kuswa kuMikimashi kushika akuAijaloni. Paciindi ico bene Isilaeli kabalefukite kunsala.

1 Samwelo 14:4

Mumwinjililo ushaankene wa Mikimashi umo Jonasani mwakaya ayi ainde kuya kumisumba ya bene Filisiti, wakalinga kucite myaandami yobilo. Kwakalinga womwi kulubasu lumwi lwa mwinjililo aumwi kumwi. Umwi wakalinga kwiitwa ayi Bosesi, awalo umwi ayi Sene.

1 Samwelo 14:6

Jonasani wakaambila musankwa cikula bwangu ayi, “Atusubukile kumisumba ya babalya bakunsengwe, bene Filisiti. Mpashi Mwaami Lesa utootucafwa. Na wacita ubo, taaku mpweenga cayumina kuli nguwe kutulengesha ayi tukome nabi tuli baniini buyani pano.”