1 Samwelo 14:3 - Baibo Busansulushi Bwa Libuku Ili

³ Mupailishi wakalinga kufwete cakufwala ca bupailishi ciitwa ayi Efodi nguAija mwanaakwe Aitubu mukwabo Ikabodi. Aitubu wakalinga mwanaakwe Fineyasi alimwi mwishikulu wakwe Eli mupailishi wa Mwaami Lesa kuShilo. Taaku wakalinga kwishi ayi Jonasani waya.

1 Samwelo 14:3 ပူးပေါင်းရင်းမြစ်များ

1 Samwelo 1:3

Ono mwaaka amwaaka Elikana wakalinga kuya kuShilo mukulambila Mwaami Lesa Shinkusu shoonse akubenga milambu. Ofini aFineyasi, bana bakwe Eli, mbobakalinga bapailishi ba Mwaami Lesa uko.

1 Samwelo 14:36

Kuswawaawo Saulo wakaambila bashilumamba bakwe ayi, “Tiya tulwane bene Filisiti bulya bweenka mashiku kwaamba ayi tubasaale shintu kushikila kumuyamaca, alimwi tubacaaye boonse.” Balo bakakumbula ayi, “Amucite coonse ncemutooyeeya ayi ncibotu.” Sombi mupailishi wakaamba ayi, “Tulyeelete kutaanguna kwiipusha Lesa.”

1 Samwelo 2:18

Sombi Samwelo abwanike bwakwe, wakatolelela kusebensela Mwaami Lesa. Wakalinga kufwala cakufwala ca bupailishi ciitwa ayi efodi.

1 Samwelo 2:28

Ndakasala bamuŋanda yakwe pakati ka mikowa yoonse ya bene Isilaeli, kuba bapailishi bangu, beshikusebensela kucipaililo, kutenta tununkila kabotu akufwala cakufwala ciitwa ayi efodi pameenso angu. Ndakabapa ankusu shakucaasha cipansha ca mulambu womwi awomwi wa bene Isilaeli watentwa pacipaililo.

1 Samwelo 22:20

Ono Abiyata mwanaakwe Aimeleki alimwi mwishikulu wakwe Aitubu, wakaloboka wakacica akulobokela kuli Defedi.

1 Samwelo 4:21

Nakubi boobo wakatumba mwaana ayi Ikabodi, lisansulula ayi, “Bulemu bwakwe Lesa bwaswa pakati ka bene Isilaeli.” Ici cakalinga kukumite kukucatwa kwa Libokoshi lya Cipangano ca Mwaami Lesa, kufwa kwa bapongoshi bakwe basankwa alimwi akwa beebaye.

1 Samwelo 4:4

Mpeeke bakatuma bantu kuShilo ayi bakalete Libokoshi lya Cipangano ca Mwaami Lesa Shinkusu shoonse, uyo ucite cuuna cakwe ca bwaami pakati ka shintu shicite mapapaminwa shiitwa ayi bakelebu. Ofini aFineyasi bakesa abalo pantu pomwi aLibokoshi lya Cipangano.