1 Samwelo 13:4 - Baibo Busansulushi Bwa Libuku Ili

⁴ Bene Isilaeli boonse bakalwiitikwa ayi Saulo wakacaya mutanjilili wa bashilumamba bene Filisiti. Aboobo balipatitwe kubene Filisiti. Mpeeke bantu boonse bakanyumfwa kwiita kwakwe Saulo akuya kuGilugala uko nkwaakalinga.

1 Samwelo 13:4 ပူးပေါင်းရင်းမြစ်များ

Matalikilo 34:30

Lyalo Jakobo wakaambila Simyoni aLefi ayi, “Mwaleta makatasho pali ndime. Bulya bene Kenani, bene Pelisi, abamwi boonse mucishi batoompata. Nshicite basankwa baanji. Na bakalibuunge kwaamba ayi bandwaane, nebo amwebo noonse nobamuŋanda yangu tulaakunyonyoolwa.”

Matalikilo 46:34

mumwaambile cakushinisha ayi mwakalinga bafubi alimwi mucili bafubi bweenka mbuli bamashali banu bakulukulu. Na mwaambe boobo ndyeshi amusuminishe kwikala mumusena wa Gosheni.” Josefu wakaamba boobo mukwiinga bene Ijipiti tebakalinga kusunene abeembeshi.

2 Samwelo 10:6

Bene Amoni ndibakeshiba ayi Defedi wabacimwa anga ncintu cibolete, bakabweleka bashilumamba bene Silya bapanshi bali 20,000 kuswa muBeti Lewobu aSoba, mwaami wa cishi ca Maaka abashilumamba bakwe bali 1,000 pantu pomwi abashilumamba bali 12,000 kuswa kuTobu.

Kulonga 5:21

Lyalo bantu aba bakaambila Mose aAloni ayi, “Mwaami Lesa wabona shoonse nshemwacita. Aboobo utoomupa mulandu ceebo mwalengesha ayi mwaami Falawo alimwi abacinenenene bakwe batupaate. Mwalengesha ayi bacane nshila yakutucailaawo.”

Sekaliya 11:8

Mumweenshi omwi ndakatandaanya beembeshi botatwe ceebo ndakabacimwa abalo bakampata.

Joshuwa 5:9

Mpeeke Mwaami Lesa wakaambila Joshuwa ayi, “Pabushiku bwasunu, ndamukusha musebaanyo wakuba basha mucishi ca Ijipiti.” Nceceeco musena uyo ncebakalinga kuwiitila ayi Gilugala. Liina ilyo asunu nkolicili.

1 Samwelo 10:8

Utootanjila kuya kuGilugala uko nkweshi nkakucaane akubenga milambu yakutenta aya bwanabwankashi. Ukanindile uko kwanshiku shili shosanwe ashobilo kushikila nkese mukukulwiita ncooelete kucita.”

1 Samwelo 27:12

Sombi Akishi wakalinga kushoma Defedi kaayeeya ayi, “Walipatisha abuumbi kubene Isilaelinyina, aboobo unanoolibo musebenshi wangu lyoonse.”