1 Samwelo 13:19 - Baibo Busansulushi Bwa Libuku Ili

¹⁹ Ono muIsilaeli temwakalingaawo beshikufula sheela mukwiinga bene Filisiti bakalinga kusuminite kutaleka baEbulu kutalika kupanga mipeeni amasumo.

1 Samwelo 13:19 ပူးပေါင်းရင်းမြစ်များ

2 Baami 24:14

Wakatola busha bene Jelusalemu boonse, nkokwaamba ayi bacinenenene, bashilumamba, bacishi shakupangapanga alimwi abeshikufula sheela. Boonse bakacatwa busha bakalinga 10,000. Kwakacaalabo baabo bakalinga bakandu mucishi ca Juda.

Isaya 54:16

“Ndime ndakalenga shikufula sheela uyo ufulita mulilo amyuuba akufula shakulwanisha. Ndime ndakalenga ashilumamba usebensesha shakulwanisha isho kucaya bamwi.

Jelemiya 24:1

Ono Jeoiyakini mwanaakwe Jeoiyakimu mwaami wa bene Juda, bacinenenene, beshikubesa shintu abacibwene shakupangapanga bakatolwa busha kuswa kuJelusalemu kuya kuBabiloni. Bakatolwa aNebukadinesa mwaami wa bene Babiloni. Pesule Mwaami Lesa wakantondesha mitaanga yobilo ya nkuyu keebikitwe kunembo lya Ŋanda yakwe.

Jelemiya 29:2

Ici cakacitika mwaami Jeoiyakini, banyina, bacinenenene bakwe, bamatanjilili bene Juda aba bene Jelusalemu, beshikubesa shintu alimwi abacibwene shakupangapanga ndibakamana kutolwa busha kuBabiloni kuswa kuJelusalemu.

Boomboloshi 5:8

Ciindi bantu ndibakasala balesa beensu, ayalo nkondo yakabashikila. Tekwakalinga kuboneka lisumo nabi buta pakati ka bantu bali 40,000 ba kuIsilaeli.

1 Samwelo 13:20

Liinji liinji bene Isilaeli bakalinga kuya kubene Filisiti mukunonesha mapulau, mase, tweembe alimwi ashicekeshi.