1 Samwelo 13:14 - Baibo Busansulushi Bwa Libuku Ili

¹⁴ Sombi bulya bweendeleshi bwako teshi butolelele. Ono mukwiinga tookwe kumunyumfwila, Mwaami Lesa walangoola kale musankwa ucite mibo njaasuni kwaamba ayi abe mwaami wa bantu bakwe.”

1 Samwelo 13:14 ပူးပေါင်းရင်းမြစ်များ

2 Samwelo 5:2

Kale kale, Saulo kaacili mwaami wesu, ndimwe mwakalinga kutanjilila bashilumamba ba bene Isilaeli kuya kunkondo. Paciindi ico Mwaami Lesa wakamulwiita ayi, ‘Ulaakutanjilila bantu bangu bene Isilaeli akuba mwaami wabo.’ ”

2 Samwelo 6:21

Defedi wakakumbula Mikali ayi, “Ndalinga kushana mukulemeka Mwaami Lesa uyo wakansala kuleka baiso abamuŋanda yabo, kwaamba ayi mbe muleli wa bantu bakwe bene Isilaeli. Ndaakunoosekelela mukulemeka Mwaami Lesa,

2 Baami 20:5

“Boola kuli Esekiya, mutanjilili wa bantu bangu uye umulwiite ayi, ‘Nebo neMwaami Lesa, Lesa wakwe Defedi mushali wako mukulukulu, ndanyuumfwa mupailo wako akulila kwako. Ntookushilika, lyalo pakwiinda nshiku shotatwe ukaye kuŊanda yangu.

1 Makani 10:13

Saulo wakafwa mukwiinga taakalinga kushomeka kuMwaami Lesa. Taakwe kukonkela milawo ya Mwaami Lesa. Wakeelesha kucana lucafwo kwiinda mukucebusha kuwooyo waamba amishimu ya bafu

Kulumbaisha 78:70

Wakasala Defedi musebenshi wakwe. Wakamukusha mubweembeshi bwa mbelele.

Tushimpi 27:24

Ceebo buboni teshi bwaciindi coonse, nabi mushini tookalilili kwa mashalane oonse.

Isaya 39:5

Mpomunyaawo Isaya wakalwiita mwaami ayi, “Mwaami Lesa Shinkusu shoonse waamba ayi,

Milimo ya Batumwi 13:22

Lesa ndyaakakusha Saulo pabwaami, wakasala Defedi ayi abe mwaami wabo. Ngaaya maswi ngaakaamba pali Defedi, ‘Ndacana kwaamba ayi Defedi mwanaakwe Jese ngomuntu ngoonsuni abuumbi, alimwi ulaakucita shintu shoonse nshensuni.’

Milimo ya Batumwi 7:46

uyo Lesa ngwaakasuna abuumbi muncito yakwe. Lyalo wakasenga Lesa ayi amusuminishe kumuyakila Ŋanda, lakwe uli ngoLesa wakwe Jakobo.

Bene Ebulu 2:10

Cakalinga kweelete kuli Lesa, uyo wakalenga akulama shintu shoonse, ayi kwiinda mumapensho, abike Jesu pamusena wakuleta bana bakwe baanji ayi babe anguwe mubulemu bwakwe. Ceebo nguJesu ubatanjilila kulupulusho.

1 Samwelo 15:23

Bwaashu bulibo anga ncibiibi cakusonda, akwalo kulisumpula kuli anga mbubi bwakulambila shibumbwabumbwa. Ono mukwiinga wakakaka liswi lya Mwaami Lesa, alakwe wakaka ndiwe kunoocili mwaami.”

1 Samwelo 15:26

Sombi Samwelo wakaamba ayi, “Teshi mboole awebo. Webo wakaka liswi lya Mwaami Lesa ono alakwe Mwaami Lesa wakaka ndiwe kunoocili mwaami wa bene Isilaeli!”

1 Samwelo 15:28

Lyalo Samwelo wakamwaambila ayi, “Mwaami Lesa wakwamuna buleelo bwa cishi ca Isilaeli kuswa kuli ndiwe sunu. Wabupa womwi pakati ka beshikamukobonyoko, weelete kwiinda ndiwe.

1 Samwelo 16:1

Mwaami Lesa wakaambila Samwelo ayi, “Utootola ciindi cilaamfu buyani kuungumana ceebo cakwe Saulo? Nebo ndamukaka kale kunoocili mwaami wa cishi ca Isilaeli. Susha lwiica lwako amafuta a maolifi unooya. Ntookutuma kuli Jese wa kuBetileemu. Ndasalaawo womwi pabana bakwe basankwa kuba mwaami.”

1 Samwelo 16:12

Mpomunyaawo wakatumaako muntu, mpeeke alakwe wakesaakwe. Mwanike uyo wakalinga kucite ciwa cibotu, mubili ubotu abuumbi alimwi wakalinga kwiimfwi kabotu. Mpomunyaawo Mwaami Lesa wakaambila Samwelo ayi, “Ngowooyu! Nyamuka umunanike mafuta a bwaami.”

1 Samwelo 2:30

Kalekale nebo neMwaami Lesa, Lesa wa bene Isilaeli ndakashomesha ayi bamuŋanda yako abeshikamukowa wako bananooba bapailishi lyoonse alyoonse. Sombi bulya sunu casutuka! Nebo ndapa bulemu abo bampa bulemu akunyansha baabo bansebaanya.

1 Samwelo 24:20

Ndishi kwaamba ayi ulaakuba mwaami alimwi ayi cishi ca bene Isilaeli cilaakushimpa kwiinda muli ndiwe.

1 Samwelo 25:30

Lyalo Mwaami Lesa aakucita shoonse nshaakashomesha akumubika pabwaami,

1 Samwelo 9:16

“Paciindi ceenka ici ciilo ndaakutuma musankwa kuswa mumukowa wakwe Benjameni. Ukamunanike mafuta a bwaami kwaamba ayi akeendeleshe bantu bangu bene Isilaeli. Ulaakubafuna kuswa kubene Filisiti. Bantu bangu ndababona mbobapenga alimwi ndanyuumfwa kulila kwabo.”