1 Samwelo 10:6 - Baibo Busansulushi Bwa Libuku Ili

⁶ Mpomunyaawo cakuteengashila Mushimu wa Mwaami Lesa utookuselukila cankusu, lyalo utoolaluka pantu pomwi ambabo alimwi utooba muntu umbi.

1 Samwelo 10:6 ပူးပေါင်းရင်းမြစ်များ

Shakubelenga 11:17

Ndaakuseluka kwisa mukwaamba awebo peenka apo, alimwi ndaakubwesa Mushimu eenka ngondakakupaawo akubapa abalo. Lyalo balaakunookucafwa mulimo wa kweendelesha bene Isilaeli aba, anu teshi ukanoocita mulimo uyo weenka.

Shakubelenga 11:25

Lyalo Mwaami Lesa wakaseluka mulikumbi akwaamba anguwe. Wakabwesa Mushimu ngomunya uyo ngwaakapawo Mose akupa bamaloba abo. Ono Mushimu ndiwakesa pali mbabo, bakatalika kulaluka, sombi tabakwe kutolelela kucita boobo.

Shakubelenga 11:26

Lyalo bamaloba bobilo pabaabo bali makumi osanwe aobilo bakalinga kwiitwa ayi Elidadi alimwi aMedadi bakacaala mumisumba, tabakwe kuya kuTente. Mweenka mumisumba umo, Mushimu wakesa pali mbabo, mpeeke abalo bakatalika kulaluka.

Shakubelenga 11:29

Lakwe Mose wakakumbula ayi, “Ino webo walisukama buyani kuleka ayi nebo ndisukame? Nebo inga ndakondwa kwaamba ayi Mwaami Lesa wapa Mushimu kubantu boonse akubalengesha ayi banoolaluka!”

Mateyo 7:22

Pabushiku ubo bwakoombolosha, bantu baanji balaakuŋambila ayi, ‘Nkambo, Nkambo, sa tatukwe kushimikila akukusha bashikaswa, alimwi akucita shaankamiko muliina lyanu?’

Boomboloshi 14:6

Mpeeke Mushimu wa Mwaami Lesa wakesa pali nguwe akumupa nkusu cakwaamba ayi wakaya waikwamuna amaansabo anga ngumuntu utookwamuna mwanaampongo. Sombi taakwe kulwiitawo baishi nabi banyina makani ayo.

Boomboloshi 15:14

Samusoni ndyaakashika kuLeyi, bene Filisiti bakesa coolobesha kuli nguwe. Mpomunyaawo Mushimu wa Mwaami Lesa wakesa pali nguwe akumupa nkusu. Aboobo wakasutoola ntambo nshaakalinga kwaangitwe mbuli butonje bwacatwa mulilo.

Boomboloshi 3:10

Mushimu wa Mwaami Lesa wakesa pali nguwe. Aboobo wakaba moomboloshi wa bene Isilaeli akubatanjilila kuya kunkondo. Mpeeke Mwaami Lesa wakaaba Kushani Lishataimu mwaami wa kuMesopotamya mumaansa akwe Otiniyelo wamukoma.

1 Samwelo 10:10

Saulo amusebenshi wakwe ndibakashika kuGibiya, likoto lya balaluki lyakabakumanya. Cakuteengashila Mushimu wakwe Lesa wakamuselukila cankusu. Lyalo wakalaluka pantu pomwi ambabo.

1 Samwelo 10:9

Mpomunyaawo Saulo ndyaakasandulukabo ayi bapansaane aSamwelo, Lesa wakamupa mibo ipya. Mpeeke shoonse shakaamba Samwelo shakacitika bushiku ubo.

1 Samwelo 11:6

Saulo ndyaakanyumfwa boobo Mushimu wakwe Lesa wakamuselukila cankusu, mpeeke wakakalala abuumbi.

1 Samwelo 16:13

Aboobo Samwelo wakabwesa lwiica lwa mafuta ayo akumunanika ayi abe mwaami pameenso a bamakwabo basankwa. Kuswa bushiku ubo Mushimu wa Mwaami Lesa wakaselukila Defedi cankusu. Lyalo Samwelo wakaboolela kuLama.

1 Samwelo 19:20

Mpomunyaawo wakatumaako bantu bakwe ayi baye bakamucate. Ono ndibakabona likoto lya balaluki kabalaluka aSamwelo kaabatanjilila, Mushimu wakwe Lesa wakaselukila bantu bakwe Saulo, mpeeke abalo bakatalika kulaluka.