1 Samwelo 10:5 - Baibo Busansulushi Bwa Libuku Ili

⁵ Kuswawaawo utooya kukalundu kakwe Lesa muGibiya, uko kuli misumba ine Filisiti. Ono pamwinjililo wa ndabala utookumanya likoto lya balaluki beshi banooswa kucipaililo pakalundu, kabesa cilisha tulumbu, ngoma, mitoolilo atunkobele, uku kabalaluka.

1 Samwelo 10:5 ပူးပေါင်းရင်းမြစ်များ

1 Baami 18:29

Bakalinga koolobesha kushikila macolesha ciindi cakubenga mulambu, sombi taaku cintu cakacitika, kwakalingabo tontolo.

2 Baami 2:15

Balaluki abo bakalinga makumi osanwe bakaswa kuJeliko bakamubona akwaamba ayi, “Nkusu shakwe Elija shesa kuli Elisha!” Bakaya bamukumanya, bamufukamina

2 Baami 2:3

Likoto lya balaluki bakalinga kwikala kweenka uko bakaya kuli Elisha akumwiipusha ayi, “Sa ulishi kwaamba ayi sunu Mwaami Lesa utootola mwaami wako kuswa kuli ndiwe?” Elisha wakakumbula ayi, “Ee, ndishi, sombi atwaaleeke.”

2 Baami 2:5

Likoto lya balaluki bakalinga kwikala kweenka uko bakaya kuli Elisha akumwiipusha ayi, “Sa ulishi kwaamba ayi sunu Mwaami Lesa utootola mwaami wako kuswa kuli ndiwe?” Elisha wakakumbula ayi, “Ee, ndishi, sombi atwaaleeke.”

2 Baami 2:7

Likoto lya balaluki bakalinga makumi osanwe bakabakonkela kuMulonga wa Joodani. Mpeeke Elija aElisha ndibakeemikana pafwaafwi aMulonga wa Joodani, balaluki abo abalo bakeemikana palaaleeko.

2 Baami 3:15

Ono amunangweeteewo shikulisha kalumbu.” Ono shikulisha kalumbu ndyaakalinga kukalisha, nkusu sha Mwaami Lesa shakesa pali Elisha.

2 Baami 4:38

Ono kunembo mucishi coonse ndimwakaba nsala, Elisha wakaboolela kuGilugala. Mpeeke ndyaakalinga kwiisha balaluki, wakaambila musebenshi wakwe ayi abike nongo inene pamulilo akuteleka musushi wa nyama kwaamba ayi balye.

2 Baami 6:1

Bumwi bushiku likoto lya balaluki abo Elisha mbwaakalinga kweendelesha bakatongooka kuli nguwe ayi, “Musena ngotwikalaawo amwebo waceya abuumbi!

1 Makani 11:16

Paciindi ico Defedi wakalinga mucimfwengo alyalo likoto lya bashilumamba ba bene Filisiti lishikushinkila lyakalinga kuBetileemu.

1 Makani 13:8

Defedi abene Isilaeli bamwi boonse bakalinga kushana cankusu shabo shoonse mukulemeka Lesa. Bakalinga kwiimba akulisha tulumbu tuniini atunene, ngoma, tusenke twakulisha amapeenga.

1 Makani 16:42

Emani alimwi aJedutuni bakalinga bamatanjilili ba beshikulisha mapeenga, tusenke alimwi ashimwi shakalinga kulishikwa pakwiimba nyimbo shakulumbaisha. Bamucipani cakwe Jedutuni bakalinga kulindilila minjililo.

1 Makani 16:5

Asafu wakalinga ngomutanjilili munene, Sekaliya ngowakalinga kumukonkela. Bamwi nguJeiyelo, Shemilamoti Jeiyelo, Matitiya, Elyabu, Benaya, Obedi Edomu alimwi aJeiyelo boonse bakalinga kulisha tulumbu. Asafu wakalinga kulisha tusenke.

Kulumbaisha 49:4

Ndaakuteya matwi angu kutushimpi, Ndaakulabulula kalabi kangu kwiinda mukulisha kalumbu.

Kulumbaisha 92:3

Ncakwiila ncibotu kumulumbaisha kwiinda mukulisha kalumbu ka mawaya likumi, akumulumbaisha mumukumo wa kalumbu.

1 Bene Kolinto 14:1

Amweeleshe cankusu kuba alusuno alimwi mubike myoyo yanu yoonse kushipo sha Mushimu Usalashi, bunene cipo cakwaamba maswi akwe Lesa.

1 Samwelo 10:10

Saulo amusebenshi wakwe ndibakashika kuGibiya, likoto lya balaluki lyakabakumanya. Cakuteengashila Mushimu wakwe Lesa wakamuselukila cankusu. Lyalo wakalaluka pantu pomwi ambabo.

1 Samwelo 10:4

Batookwaansha alimwi batookutambika shinkwa wobilo ayi ubwese. Shinkwa uyo ulyeelete kuutambula.

1 Samwelo 13:2

Saulo wakasala basankwa bene Isilaeli shuulu shotatwe. Bali shuulu shobilo wakalingaabo muMikimashi amucishi ca tulundu ca Betelo. Bali cuulu wakabatuma amwanaakwe musankwa Jonasani kuGibiya mucishi ca mukowa wakwe Benjameni. Basankwa bamwi boonse Saulo wakabaambila ayi bayebo mwabo mwabo.

1 Samwelo 13:3

Jonasani wakacaya mutanjilili wa bashilumamba bene Filisiti muGeba alimwi ici cikani bene Filisiti bakacinyumfwa. Lyalo Saulo wakatuma beshinkombe bakwe ayi baye beete baEbulu kuya kunkondo kwiinda mukulisha lupeenga mucishi coonse.

1 Samwelo 19:20

Mpomunyaawo wakatumaako bantu bakwe ayi baye bakamucate. Ono ndibakabona likoto lya balaluki kabalaluka aSamwelo kaabatanjilila, Mushimu wakwe Lesa wakaselukila bantu bakwe Saulo, mpeeke abalo bakatalika kulaluka.

1 Samwelo 9:12

Banakashi balya bakakumbula ayi, “Ee, nkwaali alimwi ulibo panembo lyanu. Na mweendeshe mutoomucana washika sunu mundabala ceebo bantu batooyanda kubenga mulambu pakalundu pacipaililo.