1 Samwelo 10:1 - Baibo Busansulushi Bwa Libuku Ili

¹ Lyalo Samwelo wakabwesa musaashi wa mafuta a olifi wapuumwita Saulo pamutwi, wamufyonta akwaamba ayi, “Mwaami Lesa wakusala ayi ube muleli wa bene Isilaeli. Ulaakulela bantu bakwe akubafuna kubalwani babo. Ono citondesho ici ncakwaamba ayi Mwaami Lesa wakusala kuba muleli wa bantu bakwe.

1 Samwelo 10:1 ပူးပေါင်းရင်းမြစ်များ

2 Samwelo 1:14

Defedi wakamwiipusha alimwi ayi, “Ino webo cakuyumya moyo kwaamba ayi ucaye mwaami wakasalwa aMwaami Lesa nciinshi?”

2 Samwelo 19:39

Kuswawaawo bantu boonse bakasubuka Mulonga wa Joodani, lyalo mwaami alakwe wakasubuka. Mpeeke mwaami wakafyonta Basilayi mukulashanya akumupa coolwe. Mpomunyaawo Basilayi wakaboolela kumishaabo.

2 Samwelo 20:19

Ndabala yesu ino nindabala inene abuumbi, ndabala icite luumuno alimwi icite bantu banyumfwila bweendeleshi muno muIsilaeli. Ino nceebonshi mutooyanda kwiinyonyoola? Sa mutooyanda kunyonyoola buboni bwa Mwaami Lesa?”

2 Samwelo 5:2

Kale kale, Saulo kaacili mwaami wesu, ndimwe mwakalinga kutanjilila bashilumamba ba bene Isilaeli kuya kunkondo. Paciindi ico Mwaami Lesa wakamulwiita ayi, ‘Ulaakutanjilila bantu bangu bene Isilaeli akuba mwaami wabo.’ ”

1 Baami 1:34

Lyalo uko Sadoki alimwi aNatani baye bananike Solomoni mafuta ayi abe mwaami wa bene Isilaeli. Kuswawaawo balishe lupeenga akoolobesha ayi ‘Eekale ciindi cilaamfu mwaami Solomoni!’

1 Baami 19:18

Nakubi boobo ndaakushiyaawo bantu bali 7,000 boomi muIsilaeli, abo boonse bashomeka kuli ndime alimwi batana kufukaminaawo Baali nabi kufyontaawo cibumbwabumbwa cakwe.”

2 Baami 20:5

“Boola kuli Esekiya, mutanjilili wa bantu bangu uye umulwiite ayi, ‘Nebo neMwaami Lesa, Lesa wakwe Defedi mushali wako mukulukulu, ndanyuumfwa mupailo wako akulila kwako. Ntookushilika, lyalo pakwiinda nshiku shotatwe ukaye kuŊanda yangu.

2 Baami 9:1

Ono mulaluki Elisha wakaambila umwi wa mulikoto lya balaluki ayi, “Pimpa cakufwala cako ca peculu uye kuLamoti mucishi ca Gilyadi. Uyumune amusaashi uyu wa mafuta a olifi.

2 Baami 9:12

Balo bakakumbula ayi, “Sobwe tatushishi, tulwiitebo nshaamba.” Jewu wakaamba ayi, “Wandwiita ayi Mwaami Lesa waamba ayi, ‘Ndakunanika mafuta kwaamba ayi ube mwaami wa bene Isilaeli.’ ”

Kulumbaisha 135:4

Mwaami Lesa wakasala Jakobo kuba wakwe, wakasala Isilaeli ayi mbuboni bwakwe mbwaasunishi.

Kulumbaisha 2:12

mukwiinga inga mwabusha kalete cakufwambaana, aboobo mulaakufwa cakuteengashila. Balicite coolwe abo boonse baya mukuyuba kuli nguwe.

Kulumbaisha 78:71

Wakamubwesa nkwaakalinga kweembela mbelele akumubika ayi abe mweembeshi wa bamulunyungu lwakwe Jakobo. Wakaba mweembeshi wa bantu bakwe bene Isilaeli.

Kulonga 30:23

“Ukabwese mafuta eendaawo kununkila kabotu, makilogilamu a mafuta eetwa ayi mule ali 6, makilogilamu a mafuta anunkila kabotu eetwa ayi sinamoni ali 3, makilogilamu a mafuta anunkila kabotu eetwa ayi keni ali 3

Jelemiya 10:16

Lesa wa bamulunyungu lwakwe Jakobo taaeleneewo ambabo ceebo lakwe ngowakalenga shintu shoonse. Wakasala bene Isilaeli ayi babe bantu bakwe. Mwaami Lesa Shinkusu shoonse ndyeliina lyakwe.

Esekelo 16:13

Ndushinisho wakafwala shakulibotesha sha golodi alimwi asilifa. Shakufwala shako shakalinga sha nsalu iteshimite, nsalu shuulwa maali aanji ansaalu shakatungwa shakushibotesha. Shakulya shako shakalinga shafulaulo upelekete, buuci amafuta amaolifi. Ncakwiila wakabota abuumbi cakwaamba ayi wakeelela akuba mukamwaami.

Osiya 13:2

Ono batolelela kubisha kwiinda mukulipangila shibumbwabumbwa sha silifa. Shibumbwabumbwa isho shakabumbwa cabusongo alimwi shoonse shakabumbwa abacishi shakupangapanga. Bantu abo balaambwa ayi, “Balabenga bantu ayi njimilambu akunoofyonta shibumbwabumbwa sha bacende baana.”

Milimo ya Batumwi 13:21

Ono bantu ndibakasenga mwaami, Lesa wakabasalila Saulo mwanaakwe Kishi, wa mumukowa wakwe Benjameni. Wakabalela myaaka ili makumi one.

Dutolonomi 32:9

Ceebo cipansha ca Mwaami Lesa mbantu bakwe, ncakwiila bamulunyungu lwakwe Jakobo ncipansha cakwe.

1 Bene Tesalonika 5:26

Mwaanshe bashominyineesu calusuno lwiine lwiine.

Bene Ebulu 2:10

Cakalinga kweelete kuli Lesa, uyo wakalenga akulama shintu shoonse, ayi kwiinda mumapensho, abike Jesu pamusena wakuleta bana bakwe baanji ayi babe anguwe mubulemu bwakwe. Ceebo nguJesu ubatanjilila kulupulusho.

Ciyubululo 5:8

Ndyaakalitambulabo, shilengwa shone shuumi abamaloba bali makumi obilo abone, bakafukama kunembo lya Mwanaambelele uyo. Boonse bakalinga kucite tulumbu alimwi ambale shifongomene sha golodi, kashiswite tununkila kabotu. Tununkila kabotu uto njemipailo ya bashomi bakwe Lesa.

1 Samwelo 12:3

Ono mpoondi pano. Na kuli cilubo ncendakacita amunshinine pameenso aMwaami Lesa amwaami ngwaasala. Sa ndakabwesaawo kale ŋombe nabi mbongolo ya muntu umwi uli woonse? Sa kuli ngondakacenjeekawo kale nabi kupensha? Sa ndakatambulawo kale makulo kumuntu uli woonse? Na pasheeshi shoonse kuli ncendakacitaawo, ntoolipila ico ncendakabwesa.”

1 Samwelo 13:14

Sombi bulya bweendeleshi bwako teshi butolelele. Ono mukwiinga tookwe kumunyumfwila, Mwaami Lesa walangoola kale musankwa ucite mibo njaasuni kwaamba ayi abe mwaami wa bantu bakwe.”

1 Samwelo 15:1

Pesule Samwelo wakaambila Saulo ayi, “Ndime wooyo Mwaami Lesa ngwaakatuma ayi ese akunanike mafuta a bwaami ayi ube mwaami wa bantu bakwe bene Isilaeli. Ono kutika Mwaami Lesa Shinkusu shoonse mbwaamba.”

1 Samwelo 15:17

Samwelo wakaamba ayi, “Nakubi kwaamba ayi wakalibona anga taaku mboobete, sa te wakaba mutanjilili wa mikowa ya bene Isilaeli? Mwaami Lesa wakakunanika mafuta a bwaami kwaamba ayi ube mwaami wa cishi ca Isilaeli.

1 Samwelo 16:1

Mwaami Lesa wakaambila Samwelo ayi, “Utootola ciindi cilaamfu buyani kuungumana ceebo cakwe Saulo? Nebo ndamukaka kale kunoocili mwaami wa cishi ca Isilaeli. Susha lwiica lwako amafuta a maolifi unooya. Ntookutuma kuli Jese wa kuBetileemu. Ndasalaawo womwi pabana bakwe basankwa kuba mwaami.”

1 Samwelo 16:13

Aboobo Samwelo wakabwesa lwiica lwa mafuta ayo akumunanika ayi abe mwaami pameenso a bamakwabo basankwa. Kuswa bushiku ubo Mushimu wa Mwaami Lesa wakaselukila Defedi cankusu. Lyalo Samwelo wakaboolela kuLama.

1 Samwelo 2:10

Balwani ba Mwaami Lesa balaakunyonyoolwa, ulaakubakalalila mbuli cilulumo ca mfula kuswa kwiculu, Mwaami Lesa ulaakoombolosha cishi ca panshi coonse. Ulaakupa nkusu mwaami ngwaakasala, mwaami uyo ulaakumulengesha kukoma.”

1 Samwelo 24:6

Wakaambila bashilumamba bakwe ayi, “Mwaami Lesa ansosoloshe kukucita cintu ca mushobo uyo kumwaami wangu, uyo mwiine ngwaakasala. Nteeleshi nabibo kumutyunka munwe ceebo kuba mwaami wakacita kusalwa aMwaami Lesa kwiinda mukunanikwa mafuta.”

1 Samwelo 26:11

Nebo nshikwe, Mwaami Lesa atansuminishi kucaya mwaami ngwaakasala kwiinda mukunanikwa mafuta. Bwesabo lisumo akankuli kakwe ka maanshi pafwaafwi amutwi wakwe, mpeeke tunooya.”

1 Samwelo 26:9

Defedi wakaambila Abishayi ayi, “Utamucaayi! Taakuuwo weenga wacisa mwaami wakasalwa aMwaami Lesa kwiinda mukunanikwa weenga wabula kuba amulandu.”

1 Samwelo 8:19

Bantu abo tabakwe kumunyumfwila Samwelo, sombi bakatolelela kwaamba ayi, “Sobwe, swebo tulisunibo mwaami,

1 Samwelo 8:9

Anu aboobo banyumfwile, sombi ubacenjeshe cakushinisha akubasansulwita bamaami baabo mbweshi bakanoobacita.”

1 Samwelo 9:16

“Paciindi ceenka ici ciilo ndaakutuma musankwa kuswa mumukowa wakwe Benjameni. Ukamunanike mafuta a bwaami kwaamba ayi akeendeleshe bantu bangu bene Isilaeli. Ulaakubafuna kuswa kubene Filisiti. Bantu bangu ndababona mbobapenga alimwi ndanyuumfwa kulila kwabo.”

1 Samwelo 9:27

Ndibakashika kweela ndabala, Samwelo wakalwiita Saulo ayi, “Aambila musebenshi wako atanjileeko.” Musebenshi wakaya, mpeeke Samwelo wakatolelela akwaamba ayi, “Imikana apa kwa ciindi ciniini, ntookulwiita ico Mwaami Lesa caamba.”