1 Samwelo 1:22 - Baibo Busansulushi Bwa Libuku Ili

²² Nakubi boobo Aana lakwe mulweendo ulu taakwe kuyaako. Mpeeke wakalwiita ibaye ayi, “Ndaakumuleshabo mwaana uyu, ndaakumutola kuŊanda ya Mwaami Lesa akumubenga kuli nguwe. Ulaakunokala kooko lyoonsebo.”

1 Samwelo 1:22 ပူးပေါင်းရင်းမြစ်များ

Kulumbaisha 110:4

Mwaami Lesa wakashomesha cakulumbila alimwi teshi akayeeyewo bumbi. Wakaamba ayi, “Ulaakunoolibo mupailishi lyoonse, bupailishi ubo buli mbuli bwakalinga kucite Melikisedeki.”

Kulumbaisha 23:6

Ncakwiila shintu shibotu alusuno lwanu shinanooli anebo mubuumi bwangu boonse. Aboobo ŋanda yanu ilaakuba ngomusena wangu lyoonse alyoonse.

Kulumbaisha 27:4

Ndasenga cintu comwi kuMwaami Lesa. Cintu comwi ico nceensenga ncakwaamba ayi nookala muŊanda yakwe kwabuumi bwangu boonse, kwaamba ayi noosangalala pabubotu bwakwe akunoomulambila muŊanda yakwe isalalite.

Kulonga 21:6

Lyalo mwaami wakwe uyo ulyeelete kumutola kumusena nkobanambilila neMwaami Lesa. Na bashika, ulyeelete kumwiimika kucisasa nabi kucisamu ca kumulyango akumutulula kutwi. Mpeeke ulaba musha wakwe wa nshiku shoonsebo.

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Bene Lefi 25:23

“Muunda wanu tooelete kuulishikwa cakutolela limwi ceebo teshi waanu, ngwakwe Lesa. Mwebo mulibo anga mbaswamashi abo mbondakasuminisha kuusebensesha.

Luka 2:22

Ciindi cakwaamba ayi bakasalashikwe kweelana aMilawo yakwe Mose ndicakashika, bakatola mwaana kuJelusalemu kwaamba ayi bakamutondeshe kuMwaami Lesa.

Dutolonomi 16:16

“Anu basankwa boonse mumushobo wanu balyeelete kwisa kumusena womwi wakulambililaako mukulambila Mwaami Lesa, Lesa wanu mankanda otatwe mumwaaka. Nkokwaamba ayi ciindi cakusekelela bushiku bwa Pasika bwakwiibaluka kusotokela, pakusekelela kwaKutebula alimwi apakusekelela kwa Shimpaka. Umwi aumwi ulyeelete kuleta cipo

Joshuwa 4:7

mukanoobalwiita ayi maanshi muMulonga wa Joodani akacileka kukunka Libokoshi lya Mwaami Lesa ndilyakalinga kusubushikwa. Mabwe aya lyoonse alaakunokwiibalusha bene Isilaeli isho shakacitika.”

1 Samwelo 1:11

Mpeeke wakashomesha cakulumbila ayi, “NoBaami baLesa Beshinkusu shoonse, amumboone nemusebenshi wanu! Amulangishishe mapensho angu akunyumfwila nkumbu! Mutamfutatili! Na mwampa mwaana musankwa, ndashomesha ayi ndaakumupa kuli ndimwe kwa buumi bwakwe boonse alimwi ayi teshi akaceseewo misusu yakwe.”

1 Samwelo 1:28

Aboobo ntoomubenga kuMwaami Lesa. Unanooli musebenshi wakwe Lesa lyoonsebo.” Mpomunyaawo bakalambila Mwaami Lesa apo.

1 Samwelo 13:13

Samwelo wakamwaambila ayi, “Waciita cintu cabuluya. Tookwe kukonkela mulawo wakakupa Mwaami Lesa wako. Niwacita boobo, naakwiinga Mwaami Lesa wabika bweendeleshi bwa bene Isilaeli mumaansaako abamulunyungu lwako kwamuyayaya.

1 Samwelo 2:11

Lyalo Elikana wakaboolela kuLama kumishaabo. Sombi Samwelo musankwa mwanike wakacaala kuShilo, kaasebensela Mwaami Lesa mubutanjilili bwakwe Eli mupailishi.

1 Samwelo 2:18

Sombi Samwelo abwanike bwakwe, wakatolelela kusebensela Mwaami Lesa. Wakalinga kufwala cakufwala ca bupailishi ciitwa ayi efodi.

1 Samwelo 28:2

Defedi wakaambila Akishi ayi, “Ncilibo kabotu, mulaakubona nceshi nkacite nemusebenshi wanu.” Lyalo Akishi wakakumbula ayi, “Cabota, ndaakukulengela kuba shikunindilila wa lyoonse.”

1 Samwelo 3:1

Muciindi ico mwanike Samwelo ndyaakalinga kusebensela Mwaami Lesa mubutanjilili bakwe Eli, maswi aswa kuli Lesa alimwi shili anga nshiloto shakalinga nshice.