1 Samwelo 1:18 - Baibo Busansulushi Bwa Libuku Ili

¹⁸ Alakwe wakakumbula ayi, “Amube ankuumbu lyoonse pali ndime.” Lyalo wakaya walya alimwi abuumba bwakamana.

1 Samwelo 1:18 ပူးပေါင်းရင်းမြစ်များ

Matalikilo 32:5

Ndicite ŋombe, mbongolo, mbelele, mpongo alimwi abasha basankwa abanakashi. Ono nkambo, ndatuma maswi mukulangila kwaamba ayi inga ndacana kulekelelwa.”

Matalikilo 32:6

Mbwaakatuma ndibakaboola kuli Jakobo, bakaamba ayi, “Twashika kubakwabanu baEsau alimwi bulya bali kale munshila kwaamba ayi bamukumanye. Banyamuka abasankwa bali myaanda yone.”

Matalikilo 33:15

Mpeeke Esau wakaamba ayi, “Anu leka nkushiile basankwa bangu bamwi.” Sombi Jakobo wakakumbula ayi, “Tau, taceelete kuba boobo mukwiinga nebo ndisunibo kwaamba ayi mukondeleshe.”

Matalikilo 33:8

Kuswawaawo Esau wakeepusha ayi, “Ino likoto limwi lilya ndindakumanya lilaambanshi?” Jakobo wakakumbula ayi, “Nkwaamba ayi mukondeleshe, nkambo.”

Kulumbaisha 34:6

Mupenshi ndyaakasenga, Mwaami Lesa wakamukumbula akumanisha mapensho akwe oonse.

Shikushimikila 9:7

Kolya shakulya shako akusangalala, konwa waini wako amoyo wakusangalala mukwiinga cino nceciindi Lesa ndyaakondwa amicito yako.

Joni 16:24

Kushikila asunu, tamuna kusengaawo kale muliina lyangu. Ono kamusenga, munanootambula kwaamba ayi musangalale cancinencine.

Bene Loma 15:13

Ndaseenga ayi Lesa uyo ulengesha ayi munoolangila asushe kusangalala kwancinencine mumyoyo yanu alimwi aluumuno kwiinda mulushomo ndomucite muli Jesu. Nkusu sha Mushimu Usalashi shinooyumya kulangila kwanu.

Lute 2:13

Lute wakakumbula ayi, “Mulicite nkumbu abuumbi, nkambo. Mwanengesha kunyumfwa kabotu abuumbi kwiinda mukubandika anebo muliswi libombu, nakubi kwaamba ayi nsheeleneewo abasebenshi banu.”

Lute 2:2

Bumwi bushiku Lute wakaambila Naomi ayi, “Amunsuminishe nje kumyuunda nkabwesoole bale ushiya beshikucesa. Ndishomete ayi ntoocana muntu weshi ansuminishe kuya cibwesa pesule lyakwe.” Mpomunyaawo Naomi wakakumbula ayi, “Ncibotu, koya omwanaangu.”