1 Pita 5:8 - Baibo Busansulushi Bwa Libuku Ili

⁸ Amucenjele akunoolibambite lyoonse mukwiinga Mubiibi, mulwani wanu, utokweendaanabo anga ninkalamu ifwite nsala itooyandoola wakulya!

1 Pita 5:8 ပူးပေါင်းရင်းမြစ်များ

Esita 7:6

Esita wakakumbula ayi, “Mulwani wesu, shikutupensha, ngooyu Amani muntu mubiibi.” Amani wakalinga kulangilisha mwaami amukaakwe kaaloondete abuumbi.

Jobo 2:2

Mpeeke Mwaami Lesa wakeepusha Satana ayi, “Ino waswita kuli?” Satana wakakumbula ayi, “Ndalinga kuya ceendeenda mucishi ca panshi coonse.”

Kulumbaisha 104:21

Nkalamu shilabuluma ndyeshiya cifwima, kuya ciyandoola cakulya ico Lesa ncaashipa.

Kulumbaisha 109:6

Amusale muntu mubiibi kwaamba ayi oomboloshe mulwani wangu. Amulengeshe umwi pakati ka balwani bakwe ayi amupe mulandu.

Tushimpi 19:12

Bukali bwa mwaami buli anga nkubuluma kwa nkalamu. Sombi nkumbu shakwe shili anga ngumume kubwiisu.

Tushimpi 20:2

Bukali bwa mwaami buli anga nkubuluma kwa nkalamu. Uyo woonse usonkomona bukali bwakwe ulalicaisha.

Tushimpi 28:15

Bweenka bubuluma nkalamu nabi bukalala suntwe munene, mbweeke ubo amuleli upensha bakandu mbwaabete.

Isaya 50:8

Ono uyo utondesha ayi nshicite mulandu mbwaali pafwaafwi anebo, ino ono ngani aumwi weshi ampe mulandu? Ee, atulangane, ngani utoompa mulandu? Keesa tubone anshinine!

Jelemiya 2:15

Bamubulumina anga ninkalamu kumubulumina cabukali. Cishi cakwe bacilengesha kuba matongo, aalo mandabala akwe anyonyoolwa akushiyikwabo cisuukila.

Jelemiya 51:38

Bene Babiloni boonse balabuluma anga ninkalamu akulila anga mbana ba nkalamu.

Esekelo 19:7

Yakamwayoola shiyubilo akunyonyoola mandabala. Bantu ba mucishi bakaloonda abuumbi ciindi ndiyakatalika kubuluma.

Esekelo 22:25

Muli ndiwe muli bamatanjilili abo batoopinga kucaya babyaabo anga ninkalamu itoobuluma pakukwaamoona munyama ngoyacata. Balanyonyoola bantu, kubwesa buboni ashintu shibotu alimwi akulengesha banakashi baanji kucaala bumukalubinje.

Danyelo 6:24

Lyalo mwaami wakaamba ayi abo bakalinga bapa mulandu Danyelo bacatwe akuwaalwa mucilindi ca nkalamu pantu pomwi abamakaabo alimwi abana babo. Kabatana kushika apanshi lya cilindi, nkalamu shakababaka akupwayoola mafuwa abo oonse.

Osiya 11:10

“Nebo neMwaami Lesa ndaakubuluma anga ninkalamu abalo bana bangu balaakwisa kuswa kumbo kabesa citutuma.

Osiya 13:8

Ndaakumulwana anga ngubeya utoolangoola mwanaakwe. Ndaakumukwamoona. Ndaakumunyonyoola mpomunyaawo anga ninkalamu itoolya munyama. Ncakwiila ndaakumukwamoona anga ngumunyama wa muluundu.

Jowelo 3:16

Mwaami Lesa ulaakubuluma kuKalundu ka Siyoni akululuma kuswa kundabala inene ya Jelusalemu. Lyalo cishi ca panshi aliculu shilaakutenkaana. Sombi Mwaami Lesa ulaakuba ciyubilo ca bantu bakwe, ee, ulaakufuna bantu bakwe bene Isilaeli.

Amosi 1:2

Amosi wakaamba ayi, “Mwaami Lesa utoobuluma kuKalundu ka Siyoni akululuma kundabala inene ya Jelusalemu. Mafulo amana kuyuma. Bwiisu bwa peculu paKalundu ka Kamelo bwayuma.”

Amosi 3:4

Sa nkalamu ilalila mumasakasaka na keetana kucana cakulya? Sa mweensha keembe ulabuluma mucimfwengo ca njiyo na kaatana kucaya munyama ayi alye?

Amosi 3:8

Na nkalamu yalila, ngani utakoonshi kuloonda? Na Mwaami Lesa Shinkusu shoonse waamba, ngani weenga wakaka kwaambilisha maswi akwe?

Sekaliya 11:3

Amunyumfwe kooloma kwa beembeshi ceebo mafulo abo abotu anyonyoolwa. Amunyumfwe kubuluma kwa nkalamu, ceebo shisaka nsheshikalaamo sha kuJoodani shanyonyoolwa!

Sekaliya 3:1

Mucili anga nciloto cimwi Mwaami Lesa wakantondesha Joshuwa mupailishi munene kaaimfwi kunembo lya munjelo wa Mwaami Lesa. Kulubasu lwakwe Joshuwa kwakalinga kwiimfwi Satana uyo wakalinga kulibambite kumushinina.

Mateyo 13:39

Ono mulwani wakashanga misonde nguMubiibi. Sombi ciindi ca kutebula ngamamanino a cishi ca panshi alimwi beshikutebula mbaanjelo.

Mateyo 24:42

“Anu kamulibambitebo lyoonse, mukwiinga tamwishi bushiku Mwaami wanu ndyeshi akese.

Mateyo 25:41

“Lyalo ulaakwaambila baabo beshi bakabe kulubasu lwa kucipiko ayi, ‘Amuswe kuli ndime, mwebo nomwakashinganwa! Kamuya kumulilo utamaani uyo wakabambilwa Mubiibi abaanjelo bakwe.

Mateyo 4:1

Lyalo Jesu wakatanjililwa aMushimu Usalashi kuya muluyanga ayi akasunkwe aMubiibi.

Mateyo 4:11

Mpomunyaawo Mubiibi wakaswaawo, lyalo baanjelo bakesa batabatila Jesu.

Maako 4:15

Bantu bamwi bali anga nimbuto isho shakalokela munshila. Bamanabo kunyumfwa maswi akwe Lesa, Satana ulesa waakushaamo.

Luka 21:34

“Amucenjele kwaamba ayi mutabi bantu basunibo kulya mumibala, bacakolwa alimwi balisukamabo shintu sha buumi bwa panshi pano mukwiinga inga bushiku bulya bwamucana kamutalibambite.

Luka 21:36

Amwikale kamulibambite lyoonse, kamupaila ayi mube ankusu shakwiinda musheeshi shintu sheshi shikacitike kwaamba ayi mukeemikane kunembo lya MwanaaMuntu.”

Luka 22:31

“Simoni, Simoni, nyumfwa! Satana wasuminishikwa kumusunka bweenka mbuli mulimi mbwaapupulusha maila.

Joni 8:44

Mwebo muli kulubasu lwakwe ishiwanu Satana, aboobo mulisuni kucita sheesho shisuni ishiwanu. Lakwe wakalinga mucayi kuswa kumatalikilo. Taana kucitawo kale shalushinisho mukwiinga muli nguwe taamu lushinisho. Na waamba sha bubeshi ingayi waamba mbwaabete mukwiinga ngumubeshi alimwi ngoishi wa bubeshi.

2 Bene Kolinto 2:11

Tulishi bucenjeshi bwakwe Satana alimwi tatusuni kwaamba ayi atwiinde kumaano.

Bene Efeso 4:27

Mutapi Satana ciindi cakumusunka.

Bene Efeso 6:11

Amufwale shakulwanisha shoonse isho Lesa nshaamupa, kwaamba ayi mukacikoonshe kulwana maano a bucenjeshi bwakwe Satana.

1 Timoti 2:15

Sombi mwanakashi ulaakupulushikwa kwiinda mukushala baana, na watolelela kushoma, kuba alusuno, kunoosalalite alimwi akulibombya.

1 Timoti 2:9

Ndisuni akwaamba ayi abalo banakashi kabafwala kabotu cabulemu akulibombya. Kuteshi cakusandoola bubaambo bwa misusu, kufwala shibekabeka sha golodi, bulungu munshingo, nabi shakufwala shamakwebo.

1 Timoti 3:11

Bamakaabo abalo balyeelete kuba amibo ibotu, batafuuyi. Balyeelete kuba bantu balibika mpobeelete alimwi bashomeka mushintu shoonse.

1 Timoti 3:2

Mutanjilili ulyeelete kuba muntu utacite kampenda, weebetebo mwanakashi womwi, ulibika mpaaelete, ulitibuka, ulemekwa, shikutambula beensu, ukonsha kwiisha bantu.

2 Timoti 4:17

Sombi Mwaami wakalinga anebo akumpa nkusu kwaamba ayi nshimikile makani akwe cakumaninina ayi baswamashi bakunsengwe boonse banyumfwe. Aboobo ndakapuluka mukanwa ka nkalamu.

Taitasi 1:8

Ulyeelete kuba muntu utambula beensu alimwi uyanda kucita shibotu, ulitibuka, ululeme, usalalite alimwi ulilama.

Taitasi 2:12

Luse ulo lulatwiisha kuleka buumi buteshi bwabuLesa alunkumbwa lwa shintu sha pacishi ca panshi kwaamba ayi twikale buumi bwakulitibuka, bululeme alimwi bwabuLesa munshiku shino.

Taitasi 2:2

Koambila basankwa bamanene ayi babe beshikucata myoyo, bacite kalango, balitibuka alimwi baluleme mulushomo lwabo, mulusuno alimwi amukutolelela.

Taitasi 2:4

Lyalo inga bakonsha kwiisha banakashi bacanike kusuna bameebaabo abaana,

Taitasi 2:6

Mbweeke ubo abalo basankwa bacanike kobayuminisha kuba bantu balitibuka.

Jemusi 4:7

Ono aboobo amulibombye kuli Lesa. Amupikishe Mubiibi, lyalo ulaakumutalamuka.

1 Pita 1:13

Aboobo amulibambile mumiyeeyo yanu alimwi mulicaate mushoonse. Kulangila kwanu koonse akubebo paluse ndweshi mukatambule pabushiku Jesu Klistu ndyeshi akayubululwe.

1 Pita 4:7

Ono mamanino a shintu shoonse ali pafwaafwi. Paceebo ceeco, kamulitibuka alimwi mucenjele, kwaamba ayi mukonshe kupaila.

Ciyubululo 12:10

Kuswawaawo ndakanyumfwa liswi lyakoolobeshekwa kuswa kwiculu ayi, “Ono Lesa watupulusha! Wabonesha nkusu shakwe ayi nguMwaami. Usalitwe wakwe wabonesha nkusu shakwe. Mukwiinga uyo wakalinga kubekesha bashominyineesu malumwi amashiku kuli Lesa wesu wawaalwa panshi.

Ciyubululo 12:12

Paceebo ceeco, sekelela webo oliculu alimwi asheesho shoonse shikalaamo! Sombi mapensho kucishi ca panshi alimwi alweenge! Mukwiinga Mubiibi wesa kuli ndimwe abukali butaambiki ceebo ulishi ayi wacaashabo ciindi ciniini.”

Ciyubululo 12:9

Lyalo shinshimwe uyu bakamuwaala panshi, njensoka ikulukulu ilya, iitwa ayi Mubiibi nabi Satana, uyo ucenjeeka bantu boonse mucishi ca panshi. Wakawaalwa panshi pantu pomwi abaanjelo bakwe boonse.

Ciyubululo 20:10

Lyalo Mubiibi uyo wakabacenjeeka, lakwe wakawaalwa mulweenge lwa mulilo alimwi asalufa umo mwakalinga kale munyama uyo alimwi amulaluki mubeshi. Balo balaakunoopenshekwa malumwi amashiku lyoonse alyoonse.

Ciyubululo 20:2

Mpomunyaawo wakacata shinshimwe uyo, insoka itaanshi, nkokwaamba ayi Mubiibi nabi Satana akumwaanga myaaka ili cuulu.

Boomboloshi 14:5

Mpomunyaawo Samusoni wakaya kuTimuna abaishi alimwi abanyina. Ono ndibakashika kumyuunda ya minyansa kuTimuna, bakanyumfwa mwanaankalamu kaabuluma.