1 Pita 5:2 - Baibo Busansulushi Bwa Libuku Ili

² Amweembele litanga lyakwe Lesa ilyo ndyaakamupa kuteshi cakukakatishikwa, sombi cakukondwa kweelana akuyanda kwakwe Lesa. Mutasebensi mulimo wanu ceebo cakulangoolabo maali, sombi musebense amoyo woonse cakulibenga.

1 Pita 5:2 ပူးပေါင်းရင်းမြစ်များ

2 Baami 12:6

Sombi kushikila akumwaaka wa makumi obilo ayotatwe wa bwaami bwakwe Joashi, bapailishi kabatana kubambululawo Ŋanda yakwe Lesa.

Lwiimbo lwakwe Solomoni 1:8

Omwanakashi wiinda bamwi boonse kubota, na musena tooushi, konkela makuma a mbelele akuya mukweembelela twana twa mpongo twako kufwaafwi amatente a beembeshi ba mbelele.

Isaya 40:11

Ulaakunoolama litanga lyakwe lya mbelele anga ngumweembeshi. Ulafukatisha twana twa mbelele mumaansaakwe. Ulatunyamwita pacaamba kufwaafwi amoyo. Ashalo mbelele shine twaana uto ulashibinga cakabotu kabotu.

Isaya 56:11

Balibo anga mbakabwa beshi milyomibi abo batakutiiwo nabi balya buyani. Mbeembeshi bateshi ankobatooya, boonse batola nshila shabo. Womwi awomwi pakati kabo ulisunibo kulicanina mpindu yakwe mwiine.

Isaya 6:8

Mpeeke ndakanyumfwa liswi lya Mwaami Lesa kalyaamba ayi, “Anu ngani ngweshi ntume? Anu ngani weshi abe shinkombe wesu?” Nebo ndakakumbula ayi, “Mpoondi Nkambo, amuntuume!”

Isaya 63:11

Pesule bantu bakwe bakeebaluka nshiku shikulukulu, ee, nshiku shakwe Mose abantu bakwe akwiipusha ayi, “Anu uli kuli ulya wakabaleta akubeensha mulweenge kwiinda muli Mose mutanjilili wa likoto lyakwe? Uli kuli ulya wakabika Mushimu Usalashi pakati kabo?

Jelemiya 13:17

Ono na mubule kunyumfwa, ndaakulila mubushishi ceebo cakulisumpula kwanu. Ndaakulila abuumbi cakwaamba ayi meenso angu alaakunookunkabo minsonshi ceebo likoto lya bantu ba Mwaami Lesa lilaakutolwa mubusha.

Jelemiya 13:20

Ansha amwiinamuke mubone balwani banu batooswa kumatwa. Ino litanga ndyemwakapekwa ayi kamweembela lili kuli? Ee, shili kuli mbelele isho nshemwakalinga kutwangila?

Jelemiya 6:13

Kuswabo kubantu bataaku ambobabete kushika akubaabo balemekwa, boonse balicitebo miyeeyo yabumbilileewo. Balaluki abapailishi abalo ngumushobo womwibo, boonse balacenjeeka bantu.

Jelemiya 8:10

Paceebo ceeco, bamakaabo ndaakubapa kubasankwa bamwi, ayalo myuunda yabo kubantu bamwi. Kutalikilabo kumuntubo kushika kubalemekwa, boonse beenka basuni kubilila mubwiipi. Balaluki abapailishi boonse abalo mbeshikubeca.

Esekelo 34:23

Lyalo ndaakushipa mweembeshi wamulunyungu lwakwe Defedi musebenshi wangu ayi asheembele. Lakwe ngweshi akanooshilama akuba mweembeshi wa nshisho womwibo ndondoli.

Esekelo 34:31

“ ‘Mwebo nombelele shangu, mbelele sha mumafulo angu, muli bantu bangu anebo ndi Lesa wanu. Nebo neMwaami Lesa Shinkusu shoonse ndaamba.’ ”

Esekelo 46:24

Mpomunyaawo muntu uyo wakandwiita ayi, “Iyi njimisena yakutelekelaamo umo basebenshi ba muŊanda yakwe Lesa mweshi banootelekela milambu ibenga bantu.”

Mika 3:11

Bamatanjilili baloombolosha na bapekwa makulo. Bapailishi baleeishabo kwaamba ayi balipilwe, abalo balaluki balasansulabo nshebayubulwitwa na kwaba kupekwa maali. Nakubi boobo balicinkite manungo muMwaami Lesa akwaamba ayi, “Mwaami Lesa uli pakati kesu. Aboobo mapensho taakoonshi kutushikila.”

Mika 5:4

Aakwisa, ulaakwiimikana akweembela litanga lyakwe lya mbelele munkusu sha Mwaami Lesa amubwaami bwa Mwaami Lesa, Lesa wakwe. Bantu bakwe balaakwikala kwakubula cakulisukama mukwiinga bulemu bwakwe kulaakunyumfwika pacishi coonse ca panshi.

Mika 7:14

NoBaami baLesa amube beembeshi ba bantu banu, bantu abo mbomwakasala. Nabi balekala beenka muluundu, kuli cishi ca bulongo bubotu cibashingulukite. Amubaleeke banoolya anga nimbelele mumafulo abotu akuBashani alimwi akuGilyadi bweenka mbobakalinga kulya kalekale.

Sekaliya 11:17

Mapensho kumweembeshi uyo utaaku mbwaabete, ee, mweembeshi uyo ushiya litanga lyakwe. Aboobo nkondo ilaakunyonyoola nkusu shakwe. Lyaansa lyakwe lilaakunyana aliinso lyakwe lyalulyo lilaakupofola.”

Malaki 1:10

Anu ncibotubo umwi mulikoto lyanu kucala milyango ya kuŊanda yangu, kwaamba ayi mutanookunka mulilo utacite ncito pacipaililo cangu! Nebo nshikondetweewo pali ndimwe, alimwi taaku milambu yanu njeshi nkatambule.

Shakubelenga 18:7

Sombi webo alimwi abana bako basankwa nweenkabo, ndimwe mweelete kusebensa mulimo wa bupailishi, uyo ukumite kucipaililo alimwi aMusena Usalalite Wiindaawo. Uyu mulimo wa bupailishi ncipo ncendamupa. Uyo woonse umwi weenga wasena pafwaafwi aMusena Usalalite ulyeelete kucaikwa.”

Luka 12:32

“Mwebo nolitanga liniini, mutaloondi mukwiinga Ishiwanu camukonda kumupa bwaami.

Milimo ya Batumwi 20:29

Ndishi kwaamba ayi na nkasweewo palikoto lyanu, baumpe bakali balaakwisa pakati kanu alimwi teshi bakalekewo bamucoonde aba.

Milimo ya Batumwi 21:13

Sombi lakwe wakakumbula ayi, “Ino mutoolililanshi akuntutumya? Nshilibambitebo kwaangwa kweenka muJelusalemu, sombi akufwa momunya umo ceebo ca liina lya Mwaami Jesu.”

Bene Loma 1:15

Paceebo ceeci ndisuni abuumbi kwisa mukumushimikila Makani Abotu amwebo nomuli muLoma.

1 Bene Kolinto 9:7

Sa kuli shilumamba usebensesha maali akwe mwiine mumulimo wakwe? Sa kuli mulimi ushanga muunda wa minyansa wabula kulyaamo? Sa kuli ufuba ŋombe kwakubula kukamaako mukupa?

1 Timoti 3:3

Taaelete kuba cakolwa, nabi mukali, sombi mubombu, shiluumuno, utasunishi maali.

1 Timoti 3:8

Bacafwi ba coonde abalo balyeelete kuba amibo ibotu, bashomeka, bateendilishi kunwa shikola alimwi batayandooli maali munshila sha bucenjeshi.

Taitasi 1:11

Aba balyeelete kukashikwa mukwiinga batoonyonyonganya bamumaanda boonse mbobapolela kwiinda mukwiisha shintu isho nshebateelete. Balacita boobo kwaamba ayi babilile mpawo.

Taitasi 1:7

Ono ceebo mutanjilili wa coonde utokweendelesha mulimo wakwe Lesa, ulyeelete kubula kampenda. Taaelete kuba muntu ulyuuma mucaamba, ufwambaana kukalala, cakolwa, mukali nabi usunishi buboni.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

Taitasi 3:1

Ibalusha bantu bako ayi banoonyumfwila bamaami abeendeleshi. Banoobakonkela akulibambila kucita milimo yoonse kabotu kabotu.

Filimoni 1:14

Nakubi boobo nshisuni kukukakatisha ayi uncaafwe, sombi ndisuni kwaamba ayi ulisuminine omwiine.

Bene Ebulu 12:15

Amucenjele kwaamba ayi kutabi muntu nabi womwi weshi aswe kuluse lwakwe Lesa, nabi abe anga nimbuto shamilunda isho shicita na shakula, shabisha shimwi shoonse.

2 Pita 2:3

Ceebo cakusuna bubile, balaakusebensesha makani akubeca. Mulandu wabo utoobalindilila kuswabo kale kale alimwi kunyonyoolwa kwabo kulibambitwe kale.