1 Pita 5:12 - Baibo Busansulushi Bwa Libuku Ili

¹² Nkalata ifwaafwi iyi, nguSailasi wanembelaako, uyo mukwabesu ushomeka. Ndisuni kwaamba ayi muyumyeyumye akumulwiitilisha ayi ulu ndoluse lwakwe Lesa lwiine lwiine. Lyoonse kamushoma muluse ulo.

1 Pita 5:12 ပူးပေါင်းရင်းမြစ်များ

Joni 21:21

Ndyaakamubona, Pita wakeepusha Jesu ayi, “Nkambo, ino alakwe musankwa uyu, mbuyani?”

Milimo ya Batumwi 11:23

Ono ndyaakashika akubona Lesa mbwaakapa coolwe bantu abo, wakakondwa. Wakabayuminisha ayi batolelele kushoma muMwaami Jesu amyoyo yabo yoonse.

Milimo ya Batumwi 15:22

Mpomunyaawo batumwi abamatanjilili pantu pomwi acoonde coonse, bakayeeya ayi basale basankwa bamwi mulikoto lyabo ayi babatume kuAntyoki pantu pomwi aPaulo aBanabasi. Lyalo bakasala Judasi, uyo wakalinga kwiitwa ayi Basabasi alimwi aSailasi, basankwa bobilo abo bakalinga kulemekwa kubashominyinaabo.

Milimo ya Batumwi 20:24

Nshicitaaco mulandu nabi ndafwa, cinene nkumanisha mulimo wangu uyo ngwaakampa Mwaami Jesu, wakushimikila Makani Abotu aamba paluse lwakwe Lesa.

Bene Loma 5:2

Mwaami wesu uyu ngowakatucalwita nshila kwiinda mulushomo kwaamba ayi Lesa atucitile luse ulo ndotubeteemo abobulya. Aboobo tulasangalala mukwiinga tulashoma ayi tulaakutambula shipo sha mubulemu bwakwe Lesa.

1 Bene Kolinto 15:1

Ono nobamakwesu, ndisuni kumwiibalusha Makani Abotu ngondakamushimikila. Mwakaatambula alimwi ndolwiimbi lwa lushomo lwanu.

2 Bene Kolinto 1:19

Ceebo Jesu Klistu Mwanaakwe Lesa uyo Sailasi, Timoti anebo ngotwakashimikila pakati kanu, teshi “Ee” nabi ayi, “Sobwe” paciindi comwi, sombi lakwe lyoonse ngu “Ee” wakwe Lesa.

2 Bene Kolinto 1:24

Tatutokweelesha kunoomulwiita pasheesho nshemweelete kushoma. Ceebo tulishi kale kwaamba ayi muli bayumu mulushomo. Anu tutoosebenselabo pantu pomwi ayi mukeendeewo kusangalala.

Bene Efeso 3:3

Wakanjubulwita muyeeyo wakwe wa bushishi kweelana ambuli mbondalemba kale mukufwiimpyafwiimpya.

Bene Efeso 6:21

Taikikasi mukwabesu usunikwi ulaakwisa akamulwiite shoonse shapali ndime alimwi ansheencita. Lakwe ngumusebenshi ushomeka mumilimo ya Mwaami.

Bene Kolose 1:7

Mwakeeya sheeshi kuli Epafulasi musebenshinyineesu usunikwi, musebenshi wakwe Klistu ushomeka mukutwimikaninaako.

Bene Kolose 4:7

Mukwabesu usunikwi Taikikasi, ulaakwisa mukumwishibisha makani oonse apali ndime. Ngumusebenshima ushomeka mumilimo ya Mwaami Jesu.

Bene Kolose 4:9

Ulaakwisa aOnesimasi, mukwabesu ushomeka alimwi usunikwi uyo uswa mulikoto lyanu. Bobilo aba balaakumulwiita shoonse shitoocitika kuno.

1 Bene Tesalonika 1:1

Ndime Paulo pantu pomwi aSailasi alimwi aTimoti. Tutoolembela ndimwe nocoonde ca kuTesalonika nomuli mumaansaakwe Lesa Ishiwesu aMwaami wesu Jesu Klistu. Luse aluumuno shibe amwebo.

2 Bene Tesalonika 1:1

Ndime Paulo pantu pomwi aSailasi alimwi aTimoti. Tutoolembela ndimwe nocoonde ca kuTesalonika nomuli mumaansaakwe Lesa Ishiwesu aMwaami wesu Jesu Klistu.

Bene Ebulu 13:22

Nobamakwesu, ndamusenga kwaamba ayi mutambule camoyonteeka maswi aya akumuyumyayumya, nceceeco ncendamulembelabo mukufwiimpyafwiimpya.

1 Pita 1:13

Aboobo amulibambile mumiyeeyo yanu alimwi mulicaate mushoonse. Kulangila kwanu koonse akubebo paluse ndweshi mukatambule pabushiku Jesu Klistu ndyeshi akayubululwe.

1 Pita 4:10

Lesa wakamupa shipo shipusenepusene alimwi muntu womwi awomwi ulyeelete kuba mbuli shikulama buboni mubotu. Ulyeelete kusebensesha ico ncaakatambula mukucafwa bamwi.

2 Pita 1:12

Aboobo teshi nkacilekeewo kumwiibalusha makani aya lyoonse nakubi kwaamba ayi mulyeeshi kale alimwi ayi mulashoma amoyo woonse mulushinisho ndomwakatambula.

2 Pita 2:15

Bantu aba bakashiya nshila iluleme, basoweka akukonkela cakacita Balamu, mwanaakwe Bewoli, uyo wakalinga kusuni kucana maali kwiinda mukucita shibiibi.

3 Joni 1:12

Boonse bantu balaamba ayi Demetiliyasi uli kabotu, alwalo lushinisho mbomunya. Aswebo tutoopa bukamboni pali nguwe alimwi ulishi kwaamba ayi bukamboni bwesu mbwancinencine,

Judi 1:3

Nomusunikwi, ndakalinga kusuni abuumbi kumulembela nkalata kwaamba ayi musansulwite lupulusho ndotucite swebo sobashomi soonse. Sombi ndakabona kwaamba ayi inga cabota kumulembela nkalata yakumuyumya ayi mulame camaansa obilo lushomo ulo Lesa ndwaakapa bantu bakwe linkanda lyomwibo.