1 Pita 4:4 - Baibo Busansulushi Bwa Libuku Ili

⁴ Ono bulya bakunsengwe balakankamana ndibabona kwaamba ayi tamutokala buumi bwakubisha pantu pomwi ambabo, nceceeco ncebatoomutukanina.

1 Pita 4:4 ပူးပေါင်းရင်းမြစ်များ

Mateyo 23:25

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulasansha pansengwe lya nkomeshi ambale, sombi mumyoyo yanu muliswitebo bulyabi akulisuna.

Luka 15:13

Kapatana kwiinda nshiku shiinji, mwanikebantu uyo wakoolisha buboni bwakwe akunyamuka lweendo kuya kucishi ca kulaale. Uko nkwaakaya, wakanyonyoola buboni bwakwe boonse mubwikaalo bubiibi.

Milimo ya Batumwi 13:45

Ono baJuda ndibakabona bantu baanji baanji abo, bakafwa munyono abuumbi. Bakatalika kupikisha shakalinga kwaamba Paulo akunoomucobola.

Milimo ya Batumwi 18:6

Sombi ndibakamupikisha akutalika kwaamba shibiibi kuli nguwe, Paulo wakabonesha kukaka kwabo kwiinda mukulipampa lusuko kushakufwala akubalwiita ayi, “Mwalicaya nobeene! Nebo nshicite mulandu, sobwe. Kuswa sunu ndanooshimikilabo baswamashi bakunsengwe.”

Bene Loma 13:13

Atwikale kabotu mbuli bantu bekala mumumuni. Tatweelete kwikala mubucakolwa bupusenepusene, bufuule alimwi akutalilemeka. Tatweelete kulwana alimwi akunyumfwilana munyono.

Bene Efeso 5:18

Amucileeke kukolwa uko kweshi kukamunyonyoolebo, sombi amusushikwe aMushimu Usalashi.

1 Pita 2:12

Micito yanu pakati ka bakunsengwe ilyeelete kuba ibotu kwaamba ayi na bamubekesha kucita cibiibi, babone micito yanu ibotu akulemeka Lesa pabushiku ubo Lesa aakwisa mukutoombolosha.

1 Pita 3:16

Amube amiyeeyo iluleme kwaamba ayi na bantu bamucobola ceebo ca shintu shibotu nshemucita kwiinda muli Klistu, bafwe nsoni ceebo ca sheesho nshebaamba.

2 Pita 2:12

Sombi bantu aba balibo anga mbanyama batacite maano, bakalengelwa kucatwa akucaikwa. Balacobola shintu shoonse nshibatanyumfwishi. Balaakunyonyoolwa bweenka bunyonyoolwa banyama ba muluundu.

2 Pita 2:22

Mukucita boobo, balabonesha kwaamba ayi tushimpi utu ntwalushinisho twakwaamba ayi, “Kabwa ulaboola mukulya nshaaluka,” alimwi ayi, “Nkumba njebasansha, ilaboola mukwaalabangana mumatipa.”

Judi 1:10

Sombi bantu aba balacobola cintu cili coonse ncebatanyumfwishi. Ono shintu isho nshebeshi kabotu mukusebensesha mibo yabunyama, nsheshintu sheshi shikabanyonyoole.