1 Pita 4:18 - Baibo Busansulushi Bwa Libuku Ili

¹⁸ Kweelana abwaamba Malembo akwe Lesa ayi, “Ono na ululeme ulaakupulushikwa cakupengapenga, ino bamucita shibi batanyumfwili Lesa balaakweela kuli?”

1 Pita 4:18 ပူးပေါင်းရင်းမြစ်များ

Matalikilo 13:13

umo mwakalinga bantu beshikubisha alimwi bakalinga kubisha abuumbi pameenso aMwaami Lesa.

Tushimpi 11:31

Ono na baluleme balalambulwa kweelana ambobeelete pacishi ca panshi cino, ino kubantu bateshi Lesa abamucita shibi cilaakweela kuli?

Jelemiya 25:29

Amubone ntooyanda kutalika kuleta mapensho pandabala iyo iitwa liina lyangu. Sa ncakwiila mutooyeeya ayi nkamulekebo kutamupa mulandu? Sobwe, teshi nkamulangebo kwakutamupa mulandu ceebo ndaakuleta nkondo pali boonse abo bekala mucishi ca panshi. Nebo neMwaami Lesa Shinkusu shoonse ndaamba.’

Esekelo 18:24

“Na muntu ululeme wacileka kucita shabululami akutalika kubisha akucita shintu shilensha bunya isho shicita bamucita shibi, sa inga waba abuumi? Sobwe, taakuuwo cintu ciluleme nabi comwi ico ncaakacita ceshi cikeebalukweewo. Ncakwiila ulaakufwa ceebo cakutashomeka kwakwe alimwi ashibiibi isho nshaakacita.

Sekaliya 13:9

Bamucipansha comwi ico ceshi cikacaale, ndaakubasalasha. Ncakwiila ndaakubasalasha mumulilo bweenka silifa mbooboteshekwa. Ndaakubeelesha bweenka golodi mbooweeleshekwa mumulilo. Balaakumpaila anebo ndaakubakumbula. Ndaakunoobeeta ayi, ‘Bantu bangu.’ Abalo balaakunokwaamba ayi, ‘Mwaami Lesa ngoLesa wesu.’ ”

Luka 15:1

Ono basonkeshi abataalinga kukonkela Milawo yakwe Mose, bakabungana pakalinga Jesu ayi banyumfwe kwiisha kwakwe.

Luka 23:31

Ino ono na bantu kabacita boobo kucisamu cicili citontola, ino kulaakuba buyani caakuyuma?”

Milimo ya Batumwi 14:22

Mpeeke bakayuminisha bashomi kwaamba ayi batolelele kushoma cankusu muli nguwe lyoonse. Bakalinga kubalwiita ayi, “Swebo soonse tulyeelete kwiinda mumapensho aanji kwaamba ayi tukenjile muBweene bwakwe Lesa.”

Milimo ya Batumwi 27:24

Lyalo waamba ayi, ‘Utaloondi Paulo! Ulyeelete kuya mukwiimikana kunembo lyakwe Sisa muleli munene wa kuLoma. Lesa lakwe, munkumbu shakwe, walengesha ayi utafwi abaabo boonse mbooli abo mulweendo ulu.’

Milimo ya Batumwi 27:31

Sombi Paulo wakaambila mutanjilili wa bashilumamba mwaanda alimwi abashilumamba mbwaakalingaabo ayi, “Na basebenshi beshikubona bwaato aba basweemo mubwaato muno, teshi mupulukeewo.”

Bene Loma 1:18

Lesa wayubulula bukali bwakwe kuswa kwiculu pashibiibi bantu nshebacita alimwi akutamulemeka. Bubi bwabo mbobwalengesha bantu bamwi kuteshiba lushinisho lwapali nguwe.

Bene Loma 5:6

Katutacite nkusu, Jesu wakatufwita swebo sobamucita shibi paciindi Lesa mwiine ncaakasala.

Bene Loma 5:8

Sombi Lesa wakatutondesha kwaamba ayi ulitusuni abuumbi ceebo Jesu Klistu wakatufwita katucili bamucita shibi.

1 Bene Kolinto 10:12

Ono uyo woonse uyeeya kwaamba ayi ngumuyumu mulushomo, acenjele ayi atawi.

1 Timoti 1:9

Peculu lya waawo tulishi kwaamba ayi Milawo taikwe kupangilwa baluleme, sombi abo beshikwiisotoka abatanyumfwili, batasuni shabuLesa abamucita shibi, batasalalite alimwi batapaili. Nja bantu abo bacaya bamaishiwabo nabi bamanyinawabo, bacayi,

Bene Ebulu 4:1

Aboobo ceebo cakwaamba ayi kushomesha Lesa nkwaakaamba kwakwinjila mukookesha mpokucili. Anu atucenjele kwaamba ayi kutabi nabi womwi eshi akaalilwe kwinjila.

Jemusi 5:6

Mwapa mulandu akucaya bantu batacite milandu alimwi tabamupikishi.

1 Pita 5:8

Amucenjele akunoolibambite lyoonse mukwiinga Mubiibi, mulwani wanu, utokweendaanabo anga ninkalamu ifwite nsala itooyandoola wakulya!

2 Pita 3:7

Sombi kwiinda mumaswi akwe ngomunya aya, Lesa utoolama liculu alimwi acishi ca panshi ncetubona bulya, kwaamba ayi ulaakushinyonyoola amulilo. Ulishibambite kushikila pabushiku mbweshi akoomboloshe alimwi akunyonyoola bantu batakonkeli kuyanda kwakwe.

Judi 1:15

Ulaakwisa mukoombolosha akupa mulandu bantu boonse, batanyumfwili Lesa, pashibiibi nshebakacita mububi bwabo, mukutalulama kwabo alimwi aceebo ca maswi abiibi bamucita shibi aba ngobakacobola Lesa.”

1 Samwelo 15:18

Wakakupa milasho akukutuma ayi, ‘Koya ukanyonyoole bene Amaleki bantu balya beshikubisha cakutabashiyaako. Ukabalwaane kushikila boonse ukabamane kubacaya.’