1 Pita 4:10 - Baibo Busansulushi Bwa Libuku Ili

¹⁰ Lesa wakamupa shipo shipusenepusene alimwi muntu womwi awomwi ulyeelete kuba mbuli shikulama buboni mubotu. Ulyeelete kusebensesha ico ncaakatambula mukucafwa bamwi.

1 Pita 4:10 ပူးပေါင်းရင်းမြစ်များ

Mateyo 20:28

Amube bweenka mbuli MwanaaMuntu utakwe kwisa mukusebenselwa, sombi mukusebensela bamwi alimwi akwaaba buumi bwakwe kwaamba ayi alubule bantu baanji.”

Mateyo 24:14

Lyalo Makani Abotu aya aamba shaBweene bwa kwiculu, alaakushimikilwa mucishi coonse kwaamba ayi akabe mbobukamboni kubantu boonse. Kuswawaawo, cishi ndyeshi cikamaane.

Mateyo 24:21

Mukwiinga mapensho eshi akabeeko ciindi ico taakwe kubonekawo kale, kuswabo Lesa ndyaakalenga cishi ca panshi kushikila asunu. Ncakwiila teshi akabooleewo.

Mateyo 24:45

“Ino nguli musebenshi ushomeka ucite maano? Ngooyo mwaami wakwe ngwaakapa mulimo wakubona babye, akunoobapa cakulya paciindi ceelete.

Mateyo 25:17

Alakwe wabili bweenka, wakacaninawo shuulu shobilo alimwi.

Mateyo 25:44

Abalo balaakukumbula ayi, ‘Nkambo, ndilili nditwakamubona kamufwite nsala, nabi nyotwa, nabi kamuli beensu, nabi kamuli mubusakula, nabi kamuli balwashi, nabi muntolongo twakaaka kumucafwa?’

Maako 10:45

Mukwiinga MwanaaMuntu alakwe taakwe kwisa mukusebenselwa, sombi mukusebensela bamwi akwaaba buumi bwakwe kwaamba ayi alubule bantu baanji.”

Luka 12:42

Mwaami Jesu wakakumbula ayi, “Ino nguli musebenshi ushomeka ucite maano? Ngooyo mwaami wakwe ngwaakapa mulimo wakweendelesha ŋanda yakwe akunoopa babye cakulya paciindi ceelete.

Luka 19:13

Kaatana kuya wakeeta basebenshi bakwe bali likumi akubapa lyaali lyaali lya golodi alimwi akubaambila ayi, ‘Pamaali aya ndisuni nkacane mpindu.’

Luka 8:3

Joana muka Kusa musankwa uyo wakalinga kulama shintu sha muŋanda yakwe Elodi, Susana alimwi abamwibo baanji bakalinga kusebensesha shintu shabo kucafwa Jesu abashikwiiya bakwe.

Bene Loma 15:25

Sombi bulya ntooya kuJelusalemu mukucafwa bashoma muli Klistu ba kokulya.

Bene Loma 15:27

Beene mbobakayeeya kucita boobo. Nakubi boobo balyeelete kucafwa bakandu. BaJuda bakabaana shoolwe sha Mushimu abaswamashi bakunsengwe. Paceebo ceeco baswamashi bakunsengwe balyeelete kucafwa baJuda, kwiinda mukubapa shintu shiyandika mubuumi bwabo.

1 Bene Kolinto 15:10

Sombi kwiinda muluse lwakwe Lesa ndakaba mbuli mboombete bulya alimwi luse ulo ndwaakantondesha talukwe kunyonyookabo, sobwe. Sombi ndakasebensa cankusu kwiinda batumwi bamwi boonse. Nakubi boobo teshi ndime ndakasebensa, sombi nduse lwakwe Lesa luli anebo.

1 Bene Kolinto 3:10

Lesa muluse ulo ndwaakantondesha, nebo ndakakaba lwiimbi mbuli muyaki ucishi kabotu, sombi umwi muntu utooyakaawo. Ono womwi awomwi ulyeelete kucenjela mbuli mbwaatooyaka.

1 Bene Kolinto 4:7

Anu ngani wakakupa bunene pabamwi? Sa te nguLesa wakakupa shintu shoonse nshoocite? Ino ono inga walisumpula buyani pashintu shakupekwabo?

2 Bene Kolinto 6:1

Kweelana ambotusebensela pantu pomwi aLesa, twamusenga kwaamba ayi nomwakatambula shoolwe sha luse lwakwe Lesa mutakashinyonyoolibo.

2 Bene Kolinto 9:1

Ono tacicite ncito nabi ndabula kumulembela shamulimo wa lucafwo kubashominyineesu muJudeya.

Bene Efeso 3:8

Nebo ndime mucaalishi kubantu bakwe Lesa, nakubi boobo wakampa mulimo uyu wakushimikila baswamashi bakunsengwe Makani Abotu abubile buunji abuumbi bwa muli Klistu.

Bene Efeso 4:11

Ngowooyo “wakapa bantu shipo” akusala kwaamba ayi bamwi babe batumwi, bamwi babe balaluki, bamwi babe beshikushimikila, bamwi babe beembeshi abafundishi.

2 Timoti 1:18

Nkumbu shakwe Lesa shikabe anguwe pabushiku bwakoombolosha. Webo ulishi kale kabotu kufula kwa shintu nshaakancitila muEfeso.

Taitasi 1:7

Ono ceebo mutanjilili wa coonde utokweendelesha mulimo wakwe Lesa, ulyeelete kubula kampenda. Taaelete kuba muntu ulyuuma mucaamba, ufwambaana kukalala, cakolwa, mukali nabi usunishi buboni.

Bene Ebulu 6:10

Lesa uliluleme, aboobo teshi akalube ncito njemwakacita, alimwi alusuno ndomwakamubonesha kwiinda mulucafwo ndomwakacita aloolo ndomucicita kubashominyinaanu.

1 Pita 5:10

Pakumana kupenshekwa kwaciindi ciniini, Lesa shiluse loonse, uyo wakamwiita ayi kwiinda muli Klistu mukatambule bulemu bwakwe butamaani, ulaakumubotesha cakumaninina mumushimu. Ulaakumuyumya mulushomo, kumupa nkusu alimwi akumubika palwiimbi luyumu.

1 Pita 5:12

Nkalata ifwaafwi iyi, nguSailasi wanembelaako, uyo mukwabesu ushomeka. Ndisuni kwaamba ayi muyumyeyumye akumulwiitilisha ayi ulu ndoluse lwakwe Lesa lwiine lwiine. Lyoonse kamushoma muluse ulo.