1 Pita 3:8 - Baibo Busansulushi Bwa Libuku Ili

⁸ Cakweelaako, noonse amucatane amoyo womwi akuba amyoyo ibombu. Mulyeelete kusunana abashominyinaanu akunoonyumfwilana nkumbu alimwi akuliceesha.

1 Pita 3:8 ပူးပေါင်းရင်းမြစ်များ

Kulumbaisha 103:13

Bweenka mbuli mushali musankwa mbwaanyumfwila nkumbu kubana bakwe, mbweeke ubo Mwaami Lesa mbwaanyumfwila nkumbu abo bamulemeka.

Tushimpi 28:8

Uyo ubilila mukukomenya mweelo wa cinyona mucila pankongole nshaapa, ulabikilabo babye abo bafwita nkumbu bakandu.

Sekaliya 7:9

“Kalekale ndakapa milawo iyi kubantu bangu ayi, ‘Mulyeelete koombolosha cakutanyengelela, kutondesha luse akunyumfwila nkumbu muntu womwi awomwi.

Mateyo 18:33

Sa webo tewalinga kweelete kunyumfwila nkumbu musebenshinyoko bweenka mbondakakunyumfwila nebo?’

Luka 10:33

Sombi mwine Samaliya wakalinga pamushinso ndyaakashika pamuntu uyo akumubona, wakamunyumfwila nkumbu.

Milimo ya Batumwi 2:1

Bushiku bwa Pentekositi ndibwakashika, bashomi boonse bakalinga kubungene muŋanda yomwi.

Milimo ya Batumwi 27:3

Bushiku bwakaboolaawo, twakashika kuSidoni. Lyalo Julyasi wakanyumfwila nkumbu Paulo akumusuminisha ayi aye mukubona babye, kwaamba ayi bakamupeewo shimwi shintu nshaatakalinga kucite.

Milimo ya Batumwi 28:7

Pafwaafwibo apaapo mpotwakalinga, kwakalinga myuunda yakwe Pabulyasi, mutanjilili wa pansumbu iyo. Alakwe wakatutambula camaansa obilo alimwi twakeekalaakwe nshiku shotatwe.

Milimo ya Batumwi 4:32

Likoto lyoonse lya bashomi lyakalinga kucitebo moyo womwi amuyeeyo womwi. Tekwakalinga muntu wakalinga kwaamba ayi cintu ncaacite ncaakwe mwiine, sobwe, sombi lyoonse wakalinga kutola shoonse nshaacite kulikoto.

Bene Loma 12:10

Amusunane cancinencine mbuli banabankashi muli Klistu alimwi akunoolibambite kupaana bulemu.

Bene Loma 15:5

Ntoosenga Lesa ulengesha bantu ayi banookalika myoyo akuba bayumu mulushomo kwaamba ayi amucaafwe ayi munoonyumfwana kwiinda mukukonkela citondesho cakwe Klistu Jesu.

1 Bene Kolinto 1:10

Ono ndamusenga nobamakwesu muliina lya Mwaami wesu Jesu Klistu ayi kamusuminishana mushintu nshemwaamba, patabi kulipatula pakati kanu. Sombi munoonyumfwana camoyo womwi amuyeeyo womwi.

1 Bene Kolinto 12:26

Na comwi cipansha caciswa, shoonse shipansha shimwi shilaciswa. Ncakwiila na cipansha comwi calemekwa, shipansha shimwi shoonse shilasekelela pantu pomwi.

Bene Efeso 4:2

Amuliceeshe, mulibombye alimwi amukomenye myoyo lyoonse. Kamulekelelana kwiinda mulusuno.

Bene Efeso 4:31

Aboobo mucileeke mfundilishi, kupatana alimwi akukalala. Tamweelete kukalooka nabi kutukana nabi kuba amiyeeyo ya lupato ya mishobo yoonse.

Bene Efeso 4:32

Sombi mulyeelete kucita shibotu kubantu, kunyumfwilana nkumbu alimwi akulekelelana bweenka Lesa mbwaakamulekelela kwiinda muli Klistu.

Bene Filipi 2:3

Mutaciti cintu nabi comwi cakulisuna nabi kulisumpula. Sombi muliceeshe, lyoonse kunoobona babyaanu anga balamwiindaawo.

Bene Filipi 3:16

Aboobo nabi caba buyani, atwikale kweelana aciimo ca lushomo lwesu ici ncetwashikaamo.

Bene Kolose 3:12

Mwebo muli bantu abo Lesa mbwaakasuna akumusala kwaamba ayi mube bantu bakwe. Paceebo ceeco, mulyeelete kuba beshinkumbu, bacita kabotu, baliceesha, balibombya akuba bantu bacata myoyo.

Bene Ebulu 13:1

Amutolelele kusunana mbuli bamukowa.

Jemusi 2:13

Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.

Jemusi 3:17

Sombi bantu bacite busongo buswa kwiculu, citaanshi tabacite kampenda alimwi balisuni luumuno, balalicata mukwaamba, balalibombya, mbaankumbu lyoonsebo alimwi balacita shintu shibotu shimwi shoonse. Tabasalululi alimwi tabalyaambi mbobatabete.

Jemusi 5:11

Tulaamba ayi balicite coolwe ceebo tabakwe kuboola pesule mulushomo. Mwakanyumfwa shakutaboola pesule kwakwe Jobo asheesho Mwaami Lesa nshaakamucitila kumeelelesho ceebo Mwaami uyo ngushinkumbu shiinji abuumbi.

1 Pita 1:22

Ono bulya mbomwasalasha myoyo yanu mukunyumfwila shalushinisho ambuli mbomusunene abashominyinaanu, mulyeelete kusunana amyoyo yoonse.

1 Pita 2:17

Amulemeke bantu boonse. Amusunane abashominyinaanu. Kamuloonda Lesa. Amulemeke muleli munene wa kuLoma.

1 Pita 5:5

Amwebo nobasankwa bacikula bwangu mulyeelete kunoolibombya kubamanene basankwa. Noonse mulyeelete kunoolibambite kusebenselana cakuliceesha. Kweelana amaswi akwe Lesa aamba ayi, “Lesa ulakaka bantu balisumpula, sombi ulapa luse kubaabo baliceesha.”

2 Pita 1:7

Pabuumi bwakupaila kwiine kwiine, mwiilikewo lusuno lwa bwanabwankashi, apalo palusuno lwa bwanabwankashi ulo, mwiilikewo lusuno kubantu boonse.

1 Joni 3:14

Tulishi kwaamba ayi twakaswa mulufu akwinjila mubuumi ceebo tulisunene. Uyo utasuni mubye ucili mulufu.