1 Pita 2:6 - Baibo Busansulushi Bwa Libuku Ili

⁶ Mukwiinga Malembo alaamba ayi, “Amubone, ndasala libwe liyandika abuumbi. Ndalibika muSiyoni mulikonko lya ŋanda, ushoma muli nguwe teshi akanyumfwe nsoni.”

1 Pita 2:6 ပူးပေါင်းရင်းမြစ်များ

Matalikilo 49:24

Nakubi boobo buta bwakwe lakwe tabutenkaani. Lyaansa lyakwe lyayuma ceebo ca nkusu shakwe Lesa Shinkusu shoonse, Lesa wakwe Jakobo, Mweembeshi alimwi Mukwabilishi wa bene Isilaeli.

Kulumbaisha 40:14

Bafwima buumi bwangu abakakomwe cilensha nsoni akupilinganishikwa maano. Ee, abo boonse bampingite abakakomwe akulokwa cakufuulwa bulemu.

Kulumbaisha 89:19

Kalekale mwakaamba mucili anga nciloto kubantu banu bashomeka ayi, “Ndapa nkusu kuli shilumamba ushinkusu. Ndakamusala kuswa kubantu bangu akumusumpula.

Isaya 28:16

Ono Mwaami Lesa Shinkusu shoonse waamba ayi, “Amubone ndabiika libwe muSiyoni, ncakwiila libwe liyumu abuumbi. Ndabiika libwe lya makwebo lya mulikonko lya ŋanda ayi libe lwiimbi lwiine lwiine. Muntu oonse weshi akashome muli ndilyo, teshi akalenshekwewo nsoni.

Isaya 41:11

“Anu boonse bamucenenena, balaakulenshekwa nsoni akusebaanishikwa. Ee, boonse bamulwana palaakubulabo, balaakuloba.

Isaya 42:1

Mwaami Lesa waamba ayi, “Ono anooyu musebenshi wangu, uyo ngoompa nkusu. Ee, ngondakasala alimwi muli nguwe ndakondwa. Ndaakumupa Mushimu wangu, alimwi ulaakuleta koombolosha cakutanyengelela kumishobo yoonse.

Isaya 46:13

Bushiku bwakupulushikwa kwanu ndabuleta pafwaafwi. Ndushinisho tabubete kulaale, sobwe. Teshi nkacelweewo kukoma balwani bangu. Ndabala ya Jelusalemu ndaakwiipulusha onoono akuletela bene Isilaeli bulemu.”

Isaya 50:7

Ceebo cakwaamba Mwaami Lesa Shinkusu shoonse ngooncafwa, teshi nkalenshekweewo nsoni. Paceebo ceeco ndayuumya moyo kwaamba ayi ntatentuki. Ndishi cakushinisha kwaamba ayi teshi nkalenshekweewo nsoni.

Isaya 54:4

“Utaloondi napaceyi, teshi ukalenshekwewo nsoni. Teshi ukasebaanishikwewo tubili. Ulaakuluba shintu shakakulengawo nsoni koocilibo cikula bwangu. Musebaanyo wa bumukalubinje uyo uli pali ndiwe ulaakumana.

Sekaliya 10:4

Kubene Juda kulaakuswa libwe lya mulikonko lya ŋanda, kuli mbabo kulaakuswa mpoopo ya kutente, kuli mbabo kulaakuswa buta bwa nkondo, alimwi kuli mbabo kulaakuswa baleli boonse.

Mateyo 12:18

“Uyu ngomusebenshi wangu uyo ngondakasala, uyo ngoonsuni alimwi muli nguwe ndakondwa. Ndaakumupa Mushimu wangu, alimwi ulaakwaambilisha kubaswamashi bakunsengwe ayi Lesa uliluleme.

Maako 12:10

Sa tamukwe kubelengawo kale Malembo akwe Lesa akwaamba ayi, ‘Libwe bayaki ndibakakaka lyakaba ndyelibwe lya mulikonko lya ŋanda, libwe lisuniki abuumbi.

Luka 20:17

Jesu wakabalangishisha akubeepusha ayi, “Ono malembo aya alaambanshi? ‘Libwe bayaki ndibakakaka, lyakaba ndyelibwe lya mulikonko lya ŋanda.’

Luka 23:35

Bantu bakalinga kwiimfwi mweela kabeebela, beendeleshi babo ndibakalinga kuweluluka Jesu kabaamba ayi, “Wakapulusha bamwi ono aalipulushe mwiine, na ngoUsalitwe uyo Lesa ngwaakasala!”

Joni 7:38

Kweelana ambokulembetwe muMalembo akwe Lesa ayi, ‘Uyo woonse ushoma muli ndime tulonga twa maanshi apa buumi butamaani tulaakukunka kuswa mumoyo wakwe.’ ”

Milimo ya Batumwi 1:16

waamba ayi, “Nobamakwesu, Malembo akwe Lesa akalinga kweelete kucitika ayo akaamba Defedi ndyaakatanjililwa aMushimu Usalashi. Lakwe wakaamba shakwe Judasi, uyo wakatanjilila baabo bakacata Jesu.

Bene Loma 10:11

Malembo akwe Lesa alaamba ayi, “Uyo woonse ushoma, teshi akalenshekwe nsoni.”

Bene Efeso 1:4

Lesa kaatana kulenga cishi, wakalinga kutusalite kale kwiinda muli Klistu kwaamba ayi tukabe bantu basalalite, batacite kampenda pameenso akwe. Ceebo ca lusuno lwakwe,

Bene Efeso 2:20

Anu amwebo mwayakilwa waawo pakayakila batumwi alimwi abalaluki, Klistu Jesu mwiine ndyelibwe lya mulikonko lya ŋanda.

2 Timoti 3:16

Malembo akwe Lesa oonse akayubululwa anguwe mwiine alimwi alayandika mukwiisha shalushinisho, kukasha shilubo, kululika shitaluleme amukupa milasho iyandika mukwikala buumi bululeme.

1 Pita 2:4

Ono amwise kuli nguwe uyo uli ndyelibwe lyuumi lyakakakwa abantu, sombi Lesa wakalisala akulilemeka.

1 Pita 2:8

Malembo akwe Lesa alaamba alimwi ayi, “Ili ndyelibwe lyeshi likalengeshe bantu kulisuntula ndyelyeelyo lyeshi likalengeshe bantu kuwa.” Bakalisuntula ceebo tabakwe kunyumfwila maswi akwe Lesa. Ici cakacitika kweelana akuyanda kwakwe.

2 Pita 1:20

Sombi cinene ncemweelete kwishiba ncakwaamba ayi taaku muntu weenga wasansulula maswi a balaluki bakulukulu ali muMalembo akwe Lesa palwaakwe mwiine.

2 Pita 3:16

Aya ngomakani ngaambaawo mumakalata akwe oonse. Mumakalata akwe muli shintu shimwi shiyumu kunyumfwa. Bantu batacite lushibo alimwi abatana kuyuma mulushomo tabaasansululi kabotu, kweelana ambobacita Malembo akwe Lesa amwi. Mukucita boobo, balalinyonyoola beene.