1 Pita 2:4 - Baibo Busansulushi Bwa Libuku Ili

⁴ Ono amwise kuli nguwe uyo uli ndyelibwe lyuumi lyakakakwa abantu, sombi Lesa wakalisala akulilemeka.

1 Pita 2:4 ပူးပေါင်းရင်းမြစ်များ

Isaya 28:16

Ono Mwaami Lesa Shinkusu shoonse waamba ayi, “Amubone ndabiika libwe muSiyoni, ncakwiila libwe liyumu abuumbi. Ndabiika libwe lya makwebo lya mulikonko lya ŋanda ayi libe lwiimbi lwiine lwiine. Muntu oonse weshi akashome muli ndilyo, teshi akalenshekwewo nsoni.

Isaya 42:1

Mwaami Lesa waamba ayi, “Ono anooyu musebenshi wangu, uyo ngoompa nkusu. Ee, ngondakasala alimwi muli nguwe ndakondwa. Ndaakumupa Mushimu wangu, alimwi ulaakuleta koombolosha cakutanyengelela kumishobo yoonse.

Isaya 55:3

“Amuteye matwi kuli ndime akupilukila kuli ndime. Amunkutike kwaamba ayi mube abuumi. Lyalo ndaakupangana amwebo cipangano calyoonse alyoonse. Ndaakumutondesha lusuno lwangu lutamaani kweelana ambondakashomesha Defedi.

Jelemiya 3:22

“Amupiluke mwebo nobantu batashomeki, nebo ndaakumushilika ayi mukanooshomeka.” Mpeeke balo bakakumbula ayi, “Ee, tutoosa kuli ndimwe, ceebo mwebo ndimwe Baami baLesa, baLesa besu.

Danyelo 2:34

Ndimwakalinga kulangilisha mwakabona libwe ilyo lyakatimbulwa kukalundu, sombi kuteshi amaansa a muntu. Libwe ilyo lyakooma cibumbwabumbwa kushimpanta shakabumbwa anshimbi alimwi abulongo akushipwayoola.

Danyelo 2:45

Mwakabona libwe mbolyakakomoka kuswa pakalundu lyeenkabo kwakubula amuntu wakalikomona ambolyakapwayoola cibumbwabumbwa cakabumbwa cakapangwa anshimbi, bulonse, bulongo bwakutenta, silifa alimwi agolodi. Nobaami, Lesa wiindaawo bulemu utoomulwiita sheshi shikacitike kunembo. Ndamulwiita bweenka mbomwakalota alimwi akumulwiita mbocaamba cakutashiyaawo nabi comwi.”

Sekaliya 3:9

Bona, libwe ndindabika kunembo lyako webo Joshuwa. Palibwe ilyo pali meenso ali osanwe aobilo. Ntootalaawo malembo pali ndilyo alimwi ndaakukusha shibiibi sha cishi cino mubushiku bomwibo.

Sekaliya 4:7

Makatasho ali anga nkalundu kanene alaakushimingana kunembo lyako. Webo ulaakuyakulula Ŋanda yangu. Ono waakushimpika libwe lyakweelaako, bantu balaakoolobesha ayi, Lesa aipe coolwe! Lesa aipe coolwe!’ ”

Mateyo 11:28

“Amwise kuli ndime mwebo noonse nomushiite, nomwalemenwa, nebo ntoomupa kookesha.

Mateyo 12:18

“Uyu ngomusebenshi wangu uyo ngondakasala, uyo ngoonsuni alimwi muli nguwe ndakondwa. Ndaakumupa Mushimu wangu, alimwi ulaakwaambilisha kubaswamashi bakunsengwe ayi Lesa uliluleme.

Mateyo 21:42

Lyalo Jesu wakabeepusha ayi, “Sa tamukwe kubelengawo kale Malembo akwe Lesa akwaamba ayi, ‘Libwe bayaki ndibakakaka lyakaba ndyelibwe lya mulikonko lya ŋanda, libwe lisuniki abuumbi. Mwaami Lesa ngowacita ceeci, alimwi ncintu cikankamika abuumbi mumeenso esu?’

Joni 14:19

Muciindi ciniini bamucishi teshi bakamboneewo alimwi, sombi mwebo mulaakumbona. Mukwiinga nebo ndimuumi amwebo mulaakuba boomi.

Joni 14:6

Jesu wakakumbula ayi, “Nebo ndi nshila, ndi lushinisho alimwi ndi buumi. Taaku muntu weenga washika kuli baTa, sombibo kwiinda muli ndime.

Joni 5:26

Bweenka baIshi mbobali matalikilo a buumi, alakwe Mwaana bamupa nkusu sha kuba matalikilo a buumi.

Joni 5:40

Sombi mwebo mulakaka kwisa kuli ndime ayi mucane buumi butamaani.

Joni 6:37

Abo boonse mbobampa baTa, balesa kuli ndime alimwi uyo woonse wisa kuli ndime, teshi nkamutandeewo.

Joni 6:57

Bweenka mbuli baTa bakantuma mbobali boomi, anebo ndimuumi ceebo ca baTa. Mbweeke ubo alakwe uyo ulya ndime, ulaakuba abuumi ceebo ca ndime.

Bene Loma 5:10

Twakalinga balwani bakwe Lesa, sombi wakatucita kwaamba ayi tube beshicibusanyina kwiinda mulufu lwa Mwanaakwe. Ono mbotuli beshicibusanyina, tulishinishite kwaamba ayi ulaakutupulusha ceebo ngumuumi.

1 Bene Kolinto 3:11

Ceebo taaku muntu weenga wakaba lwiimbi lumwi kuleka loolo lwakakabwa kale. Lwiimbi ulo nguJesu Klistu.

Bene Kolose 3:4

Klistu mbobuumi bwanu, ono na akaboneke, amwebo mulaakuboneka pantu pomwi anguwe mubulemu bwakwe.

1 Pita 1:19

Wakamulubula kwiinda mubulowa buyandika abuumbi bwakwe Klistu, uyo wakalinga anga ngumwanaambelele utacite kampenda nabi cimeenga.

1 Pita 1:7

kwaamba ayi lushomo ndomucite lweeleshekwe akuboneka ayi ndwaalushinisho. Mukwiinga bweenka golodi, ukonsha kunyonyoolwa, mboweeleshekwa mumulilo alushomo ndomucite, ulo lwiinda pagolodi, mbolucitwa mumasunko. Lyalo Lesa ulaakumulumbaisha akumupa bulemu pabushiku Jesu Klistu aakuyubululwa.

1 Pita 2:7

Kuli ndimwe nomushoma, libwe ili lilayandika abuumbi. Sombi kuli baabo batashomi, Lesa wakaamba ayi, “Libwe bayaki ndibakakaka, lyakaba ndyelibwe liyandika lya mulikonko lya ŋanda.”

2 Pita 1:1

Ndime Simoni Pita, musebenshi alimwi mutumwi wakwe Jesu Klistu, nentoolembela baabo boonse bakatambula lushomo mbuli ndotucite kwiinda mubululami bwakwe Lesa abwa Mupulushi wesu Jesu Klistu.

2 Pita 1:4

Kwiinda muli nshisho, wakatupa shipo shinene alimwi shibotu abuumbi isho nshaakashomesha kwaamba ayi kwiinda mushipo ishi, mukapulushikwe kubunyonyooshi bwa lunkumbwa buli mucishi ca panshi akutambula buumi bwa buLesa.