1 Pita 2:2 - Baibo Busansulushi Bwa Libuku Ili

² Ono mbuli bakateta mbobalilila mukupa, muyandishishe mukupa wiine wiine wa mushimu, kwaamba ayi kwiinda mukuunwa mukomene akupuluka,

1 Pita 2:2 ပူးပေါင်းရင်းမြစ်များ

2 Samwelo 23:5

“Mboboobo Lesa mbweshi akape coolwe bamulunyungu lwangu. Mukwiinga wakapanga cipangano camuyayaya anebo, cililamitwe kabotu alimwi cilaakunoolikobo. Ono nceceecobo nceensunishi, ndolupulusho lwangu, alimwi ndishi kwaamba ayi Lesa ulaakucita ubo.

Jobo 17:9

Abo balyaamba ayi balalemekwa batooya ciindaawo kushinisha ayi baliluleme.

Tushimpi 4:18

Nshila ya baluleme ili anga ngumumuni wa kumuyamaca uyo uya ciindaawo kutuba kushikila lisuba lyaswa.

Osiya 14:5

Kubene Isilaeli ndaakuba anga nimfula mucishi citacite maanshi. Balaakusapuka anga ngamaluba. Balaakutola miyanda panshi anga ncisamu ca sida ca kuLebanoni.

Osiya 14:7

Kutabililwa balaakunookucana kuli ndime alimwi. Balaakunookula anga nshili anga ngamaila Balaakunoosapuka maluba anga ngumunyansa. Balaakunoopukite anga nguwaini wa kuLebanoni.

Osiya 6:3

Ncakwiila atwishibe Mwaami Lesa. Atweeleshe cankusu kumwishiba. Ulaakuboneka kuli ndiswe bweenka buswa lisuba macuunsa. Ee, ulaakwisa kuli ndiswe akutupa coolwe bweenka bwisa mfula meensa, ncakwiila bweenka mbuli mfula itontosha inshi.”

Malaki 4:2

Sombi mwebo nomunyumfwila ndime, bululami bwangu bulaakuboneka pali ndimwe bweenka buswa lisuba akumushilika kwiinda mukubala kwa ndilyo. Mpeeke mulaakwaanguluka akutambala anga mboombe bacalwitwa mucimpati cabo.

Mateyo 18:3

Lyalo wakabaambila ayi, “Ntoomulwiita calushinisho ayi na mubule kuba mbuli mwanike muniini wa mbuli wooyu, teshi mukenjile muBweene bwa kwiculu.

Mateyo 19:14

Mpomunyaawo Jesu wakabaambila ayi, “Amuleke baana baniini bese kuli ndime. Mutanoobakasha ceebo Bweene bwa kwiculu mbwa baabo bali mbuli baaba.”

Maako 10:15

Ntoomulwiita calushinisho ayi uyo woonse utatambuli Bweene bwakwe Lesa anga ngumwaana, ncakwiila teshi akenjileemo.”

Luka 18:17

Ntoomulwiita calushinisho ayi uyo woonse utatambuli Bweene bwakwe Lesa anga ngumwaana, ncakwiila teshi akenjileemo.”

Bene Loma 6:4

Aboobo kwiinda mukubombekwa kwesu, cili anga twakafwa akufukilwa pantu pomwi anguwe kwaamba ayi bweenka Jesu Klistu mbwaakabushikwa kuswa kubafu kwiinda mubulemu bwa nkusu sha baIshi, aswebo twikale mubuumi bupya.

1 Bene Kolinto 14:20

Nobamakwesu mutabi anga mbaana mumiyeeyo, sombi mube anga mbaana mukubula shibiibi, munooli bamanene mumiyeeyo.

Bene Efeso 2:21

Lakwe ngoocatite ŋanda yoonse akulengesha ayi ikomene kuba ŋanda isalalite ya Mwaami Lesa.

Bene Efeso 4:15

Sombi swebo tulyeelete kwaamba shalushinisho muli Lesa mulusuno, kwaamba ayi tube bweenka mbuli Klistu mushintu shoonse, lakwe uli ngomutwi wa coonde.

2 Bene Tesalonika 1:3

Nobamakwesu, tulyeelete kulumba Lesa ceebo canu lyoonse. Cililuleme abuumbi kuli ndiswe kulumba Lesa ceebo lushomo lwanu lwakomena abuumbi alimwi kusunana kwanu kutooya ciindaawo.

1 Pita 1:23

Lesa wakamupa buumi bupya, kuteshi kuswa kumbuto inyonyooka, sombi itanyonyooki, iyo ili ngomaswi akwe Lesa ayo aliiko alimwi eshi akanooliikobo lyoonse.

2 Pita 3:18

Sombi mwebo amutolelele kukula muluse alimwi alushibo lwa Mwaami Jesu Klistu, Mupulushi wesu. Bulemu bube kuli nguwe bulya alimwi amuyayaya! Ameni.