1 Pita 2:12 - Baibo Busansulushi Bwa Libuku Ili

¹² Micito yanu pakati ka bakunsengwe ilyeelete kuba ibotu kwaamba ayi na bamubekesha kucita cibiibi, babone micito yanu ibotu akulemeka Lesa pabushiku ubo Lesa aakwisa mukutoombolosha.

1 Pita 2:12 ပူးပေါင်းရင်းမြစ်များ

Kulumbaisha 37:14

Bamucita shibi balasomona mipeeni yabo akweeleka mata abo, kwaamba ayi bacaye bakandu, bataaku mbobabete alimwi abaabo beenda cabululami.

Kulumbaisha 50:23

Mulambu upa bulemu kuli ndime nkunumba, ndushinisho anebo ndaakupulusha muntu uli woonse unyumfwila!”

Isaya 10:3

Ono mulaakucita buyani pabushiku bwa bukali bwakwe Lesa, bushiku ubo kunyonyoolwa ndyeshi kukaswe kulaale? Anu ngani ngweshi mukacicileeko ayi amucaafwe? Ino bubile bwanu mulaakubushiya kuli?

Danyelo 6:4

Mpomunyaawo bacinenenene bamwi pantu pomwi abeendeleshi abo bakatalika kuyandoola mpweenga bapeta Danyelo mulandu munshila iyo njaakalinga kweendelesheshamo bwaami. Sombi bakaalilwa mukwiinga Danyelo wakalinga kushomeka alimwi taakwe kucitawo cilubite nabi cakutashomeka.

Mateyo 10:25

Anu uyo utokwiiya ulyeelete kuba bweenka mbuli mufundishi wakwe, alakwe musebenshi ulyeelete kuba mbuli mwaami wakwe. Ino na mwine ŋanda uleetwa ayi Bilusebulu, balo bekala muŋanda umo balaakweela kuli meena kubica?

Mateyo 5:11

“Mulicite coolwe na bantu kabamutukana, kabamupensha alimwi akumubekesha shikani shibiibi ceebo ca ndime.

Mateyo 5:16

Mbweeke ubo amwebo amuboneshe mumuni wanu kubantu, kwaamba ayi babone milimo yanu ibotu, akupa bulemu kuli Ishiwanu wa kwiculu.

Mateyo 9:8

Ono bantu boonse ndibakabona cakacitika, bakakankamana abuumbi akutalika kulumba Lesa wakapa bulemu ankusu sha mushobo uyu.

Luka 1:68

“Atulumbaishe Mwaami Lesa wa bene Isilaeli mukwiinga wesa mukufwakashisha bantu bakwe akubapulusha.

Luka 19:44

Balaakukumwayulula akunyonyoola boonse bekala muli ndiwe, alimwi teshi bakashiye libwe palibwenyina mukwiinga tookwe kwishiba ciindi Lesa ndyaakesa mukukupulusha.”

Luka 6:22

“Mulicite coolwe nomutoopatwa kubantu, kusuulwa akutukanwa alimwi akwaambwa ayi muli babiibi ceebo ca MwanaaMuntu!

Joni 13:31

Judasi ndyaakaya, Jesu wakaamba ayi, “Ono MwanaaMuntu walemekwa alakwe Lesa walemekwa kwiinda muli nguwe.

Milimo ya Batumwi 15:14

Simoni waswa mukutusansulwita mbuli Lesa mbwaakabonesha lusuno kubaswamashi bakunsengwe akusala bantu pakati kabo ayi babe bantu bakwe.

Milimo ya Batumwi 24:13

Inga tabacikoonshi nabi kutondesha ayi shoonse nshebatoombekesha nshalushinisho.

Milimo ya Batumwi 25:7

Ono Paulo ndyaakashika, baJuda bakaswa kuJelusalemu bakamushinguluka akutalika kwaamba shikani shiinji shiloondesha pali nguwe, sombi bakaalilwa kutondesha ayi nshebakalinga kwaamba nshalushinisho.

Milimo ya Batumwi 28:22

Sombi tulisuni kunyumfwa miyeeyo yako mukwiinga tulishi kwaamba ayi kuli koonsebo, bantu balaamba ayi likoto ili ndyoobeteemo talibete kabotu.”

Bene Loma 12:17

Muntu na wakubishisha, webo tooelete kumubishisha. Sombi amweeleshe kucita shibotu shisuminisha bantu boonse.

Bene Loma 13:13

Atwikale kabotu mbuli bantu bekala mumumuni. Tatweelete kwikala mubucakolwa bupusenepusene, bufuule alimwi akutalilemeka. Tatweelete kulwana alimwi akunyumfwilana munyono.

Bene Loma 14:18

Aboobo uyo woonse usebensela Klistu munshila iyi, ulakondelesha Lesa alimwi abantu balakondwa mumilimo yakwe.

Bene Loma 15:9

Wakalengesha abaswamashi bakunsengwe kulumbaisha Lesa ceebo ca nkumbu shakwe. Kweelana abwaamba Malembo akwe Lesa ayi, “Paceebo ceeco ndaakumulumbaisha pakati ka baswamashi bakunsengwe alimwi ndaakwiimba nyimbo shakulumbaisha liina lyanu.”

1 Bene Kolinto 14:25

Miyeeyo yakwe yoonse ya bushishi ilaakuletwa patuba alimwi ulaakufukama akalambile Lesa, akusumina patuba ayi ndushinisho Lesa mpwaali pakati kanu!

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

2 Bene Kolinto 13:7

Tulamupailila kuli Lesa kwaamba ayi mutabishi, kuteshi kwaamba ayi tulisuni kutondesha ayi twookonsha, sombi ayi mucite shibotu, nabi swebo twaboneka ayi twaalilwa.

2 Bene Kolinto 8:21

Ceebo tulisuni kucita shiluleme, kuteshibo pameenso aMwaami peenka, sombi akubantu.

Bene Efeso 2:3

Ncakwiila aswebo soonse mbotwakalinga mbomunya ubo alimwi twakalinga kwikala mubuumi bwakulisangalasha sobeene. Twakalinga kucita shintu shiyanda mibili amiyeeyo yesu. Mubuumi ubo, twakalinga kweelete kutondeshekwa bukali bwakwe Lesa kweelana abantu bamwi boonse.

Bene Efeso 4:22

Paceebo ceeco, amushiye bwikaalo bwanu bukulukulu, ubo bwakalinga kumunyonyoola ceebo bwakalinga kumucenjeeka ayi mucite shintu shitaluleme.

Bene Filipi 1:27

Ono cinene ncakwaamba ayi bwikaalo bwanu bulyeelete kweendelana aMakani Abotu ayo aamba shakwe Klistu. Nabi ndesa mukumubona nabi ndabuula kwisa, ndyeelete kunyumfwa ayi mulimfwibo cakutatenkaana camuyeeyo womwi alimwi ayi mulacafwana kwiimikanina lushomo ndomucite muMakani Abotu.

Bene Filipi 4:8

Cakweelaako nobamakwesu, kamuyeeya shintu isho shibotu sheelete kulumbwa, mbuli shintu shalushinisho, shilemekwa, shiluleme, shitacite kampenda, shiboneka kabotu alimwi ashintu shoonse shabulemu.

1 Bene Tesalonika 4:12

Kwiinda mukucita boobo, mulaakubona kwaamba ayi bakunsengwe balaakutalika kumupa bulemu alimwi taaku ngweshi mukancinkemo manungo ayi ngweshi anoomupa nshemuyanda.

1 Timoti 2:2

Mupailile baami abaabo bali mubweendeleshi kwaamba ayi twikale muluumuno cakulemeka Lesa abuumi bubotu.

1 Timoti 4:12

Kutabi muntu ukuubya ceebo cakuba mwanike. Sombi ube citondesho kubashomi boonse mumyaambo, mubuumi, mulusuno, mulushomo amukubula kampenda.

1 Timoti 5:10

ucite mpuwo ibotu ya milimo yakwe. Ulyeelete kuba mwanakashi wakakusha kabotu bana bakwe, wakalinga kutambula beensu muŋanda yakwe, wakalinga kucita milimo yakulibombya kubashominyina, wakalinga kucafwa bantu mumapensho alimwi wakalibenga kucita shintu shibotu.

Bene Ebulu 13:18

Amutolelele kutupaililaako. Tulishinishite ayi mumiyeeyo yesu taamu cilubo mukwiinga tulisuni kucita shiluleme ciindi coonse.

Bene Ebulu 13:5

Mutasunishi bunene maali, sombi mukondwe mushintu sheenka nshemucite. Ceebo Lesa wakaamba ayi, “Teshi nkamushiyeewo nabi kumulekelesha, sobwe.”

Jemusi 3:13

Ino ngani musongo ucite lushibo pakati kanu? Aatondeshe kwaamba ayi uli boobo mubwikaalo bwakwe bubotu amumicito iyo iswa mukuliceesha.

1 Pita 2:15

Mukwiinga nkuyanda kwakwe Lesa ayi kwiinda mukucita shiluleme muumushe kwaamba kwa baluya kwakubula lushibo.

1 Pita 3:16

Amube amiyeeyo iluleme kwaamba ayi na bantu bamucobola ceebo ca shintu shibotu nshemucita kwiinda muli Klistu, bafwe nsoni ceebo ca sheesho nshebaamba.

1 Pita 4:11

Uyo woonse ushimikila, ulyeelete kwaamba maswi akwe Lesa. Uyo woonse usebensa milimo mucoonde, ulyeelete kusebensa kweelana ankusu Lesa nshaamupa, kwaamba ayi mushintu shoonse Lesa alemekwe kwiinda muli Jesu Klistu. Bulemu ankusu nshakwe Jesu Klistu lyoonse alyoonse. Ameni.

2 Pita 3:11

Ono na shintu shoonse shilaakunyonyooka boobo, ino mulyeelete kuba bantu bali buyani? Ncakwiila mulyeelete kuba bantu basalalite bakonkela kuyanda kwakwe Lesa.

Lute 3:14

Lyalo Lute wakoona palya kumyeendo yakwe. Sombi wakabuka kapatana kutuba bunene kwaamba ayi bantu batamuboni ceebo Bowasi taakalinga kusuni muntu uli woonse kwishiba ayi walinga kulete waawo.