1 Pita 2:1 - Baibo Busansulushi Bwa Libuku Ili

¹ Aboobo amucileeke bubi boonse, bubeshi, kwaamba nshemutaciti, munyono alimwi amusebaanyo wa mushobo woonse.

1 Pita 2:1 ပူးပေါင်းရင်းမြစ်များ

Jobo 36:13

“Bantu abo batashomi Lesa balatolelelabo kukalala. Tabaliliiwo Lesa ayi abacaafwe nabi kabali mumapensho.

Kulumbaisha 32:2

Balicite coolwe abo Lesa mbwaateebalukili shibiibi shabo, alimwi ucite moyo mutaamu bubeshi napaceyi.

Kulumbaisha 34:13

ulyeelete kucileka kwaamba shibiibi alimwi mulomo wakwe teshi ukaambe shabubeshi.

Kulumbaisha 37:1

Utanoolisukama ceebo ca bamucita shibi, nabi kukumbwa camunyono kubaabo bacita shibiibi.

Kulumbaisha 73:3

mukwiinga ndakakumbwa camunyono kubalisumpula. Ee, ndindakabona bantu babiibi batalika kubila.

Tushimpi 14:30

Moyo utacite shakulisukama ulapa buumi bubotu kumubili, sombi munyono uli anga mbulwashi bwa mumafuwa.

Tushimpi 24:1

Utanookumbwa shicita bamucita shibi nabi kupetelela kunoonyumfwanaabo

Tushimpi 24:19

Utalisukami ceebo ca bamucita shibi nabi kukumbwa shicita bamucita shibi.

Tushimpi 3:31

Utakumbwi nshila sha muntu shilunkutwe nabi kukonkela mibo yakwe.

Isaya 2:20

Pabushiku ubo bantu balaakusowa shibumbwabumbwa shabo kumbeba atumpafwa. Balaakusowa shibumbwabumbwa shabo sha golodi asilifa isho nshebakalipangila ayi banoolambila.

Isaya 30:22

Lyalo shibumbwabumbwa shanu shinanikitwe silifa ashikoshanyo shanu sha balesa bamwi isho shinanikitwe golodi, mulaakushisowa anga ninsalu ishipite cakwiiluka. Pakushisowa mulaakunokwaamba ayi, “Nshisuni akumubonawo tubili.”

Mateyo 15:7

Mwebo nobantu nomwaamba nshemutaciti! Anu Isaya wakaamba kabotu ndyaakalaluka shapali ndimwe ayi,

Mateyo 23:28

Amwebo bweenka mbomubete. Mulaboneka anga muliluleme kubantu, sombi mukati muliswitebo shintu shabubeshi ashibiibi.

Mateyo 24:51

Ulaakumupa mulandu akumuwaala kooko nkweshi kukanooli bantu baamba nshebataciti alimwi nkweshi bakanoolila akulumanya meeno.”

Mateyo 7:5

Webo omuntu nowaamba nshootaciti, taanguna kusha cisamu cili muliinso lyako, ndyeshi ubone kabotu akukusha kapampaansha kali muliinso lya mubyo.

Maako 12:15

Sombi Jesu wakeshiba ayi batokwiipushabo cakubeca. Lyabo wakabeepusha ayi, “Ino mutoonsunkilanshi? Amundetele lyaali ndiboone.”

Luka 11:44

Mapensho kuli ndimwe ceebo muli anga nshuumbwe shitaboneki isho bantu nshibeendoobo cakuteshiba ayi mposhili.”

Luka 12:1

Paciindi ico, bantu bali shuulu shuulu ndibakabungana cakwaamba ayi bantu bakatalika kulyatana, Jesu wakataanguna kwaambila bashikwiiya bakwe ayi, “Amucenjele acimena ca baFalisi, nkokwaamba ayi kwaamba nshebataciti.

Luka 6:42

Inga waambila buyani mukwanu ayi, ‘Mukwabo, tubone nkukusheko kapampaansha muliinso,’ na muliinso lyako omwiine kamuli cisamu? Webo omuntu nowaamba nshootaciti, taanguna kusha cisamu cili muliinso lyako, ndyeshi ubone kabotu akukusha kapampaansha kali muliinso lya mukwanu.

Joni 1:47

Ono Jesu ndyaakabona Natanaelo keesa kuli nguwe wakaamba ayi, “Anooyu mwine Isilaeli wancinencine, muli nguwe taamu kampenda.”

Bene Loma 1:29

Myoyo yabo iliswitebo shibiibi sha mishobo yoonse mbuli bubi, balisunibo shoonse kashili shinebo, balacitilana shintu shibiibi, munyono, bucayi, inkondo, bubeshi amiyeeyo ibiibi kubabyaabo alimwi mbafuishi.

1 Bene Kolinto 14:20

Nobamakwesu mutabi anga mbaana mumiyeeyo, sombi mube anga mbaana mukubula shibiibi, munooli bamanene mumiyeeyo.

1 Bene Kolinto 5:8

Aboobo tulyeelete kusekelela bushiku bwesu bwa Pasika cakushomeka alimwi mulushinisho isho shili anga ngushinkwa utacite cimena. Tatweelete kuba ashibiibi sha mushobo uli woonse isho shiimikaninwa ashinkwa ucite cimena.

2 Bene Kolinto 12:20

Ceebo ntooloonda kwaamba ayi ndaakwisa uko ndaakumucana kamutabete mbuli mbondakalinga kumuyeeyela, nabi mwebo kumbona mbomutasuni. Ntooloonda ayi ndaakucana kwaambana, munyono, bukali, kulisuna, matushi, kufuya, kulisumpula akunyonyongana.

Bene Efeso 4:31

Aboobo mucileeke mfundilishi, kupatana alimwi akukalala. Tamweelete kukalooka nabi kutukana nabi kuba amiyeeyo ya lupato ya mishobo yoonse.

1 Bene Tesalonika 2:3

Nditwakalinga kumushimikila Makani Abotu, tatukwe kusebensesha miyeeyo imwi ibiibi nabi kubeca bantu.

1 Timoti 3:11

Bamakaabo abalo balyeelete kuba amibo ibotu, batafuuyi. Balyeelete kuba bantu balibika mpobeelete alimwi bashomeka mushintu shoonse.

Taitasi 2:3

Mbweeke ubo banakashi bamanene kobaambila ayi banookala buumi busalalite. Tabeelete kuba bafuyishi nabi bacakolwa, sombi balyeelete kunokwiisha shintu shibotu.

Bene Ebulu 12:1

Ono mukwiinga aswebo tuli abakamboni baanji batushingulukite, atukushe shoonse shitukasha kucita nshetweelete alimwi ashibiibi shoonse isho nshetucita lyoonse. Lyalo tucice cankusu lubilo ulu ndotucite.

Jemusi 1:21

Aboobo amushiye shibiibi shoonse nshemushibite abubi ubo buli mumyoyo yanu. Amutambule cakulibombya maswi ayo Lesa ngaakashanga muli ndimwe, ayo akonsha kumupulusha.

Jemusi 3:14

Ono na mumyoyo yanu muli munyono uyoosha alimwi akulisuna, mutacoboli lushinisho kwiinda mukulilumbaisha ayi muli basongo.

Jemusi 4:11

Nobamakwesu, mutanoofuyana. Uyo ufuya nabi woombolosha mushominyina, ulacobola akoombolosha Milawo yakwe Lesa. Ono na woombolosha Milawo, ingayi wacileka kwiikonkela, akuba shikuyoombolosha.

Jemusi 4:5

Mutayeeyi ayi Malembo akwe Lesa alabeca ndyaamba ayi, “Muuya Lesa ngwaakabika muli ndiswe ulayandishisha shamubili.”

Jemusi 5:9

Nobamakwesu, mutanootongookana kwaamba ayi Lesa atakamoomboloshi. Moomboloshi ulibo pafwaafwi kuboneka.

1 Pita 2:16

Amwikale mbuli bantu baangulukite, kutasebensesha lwaanguluko lwanu ayi lube cakufwekesha bubi, sombi amwikale mbuli basebenshi bakwe Lesa.

1 Pita 2:22

Lakwe taakwe kucitawo cibiibi nabi kubecaawo.

1 Pita 3:10

Kweelana abwaamba Malembo akwe Lesa ayi, “Uyo usuni kwikala buumi bubotu akukondwa munshiku sha buumi bwakwe, ulyeelete kucileka kwaamba shibiibi alimwi mulomo wakwe teshi ukaambe shabubeshi.

1 Pita 4:2

Paceebo ceeco, mubuumi bwanu bwa mucishi ca panshi tamweelete kukonkela shiyanda mibili yanu, sombi shiyanda Lesa.

1 Pita 4:4

Ono bulya bakunsengwe balakankamana ndibabona kwaamba ayi tamutokala buumi bwakubisha pantu pomwi ambabo, nceceeco ncebatoomutukanina.

Ciyubululo 14:5

Peculu lya waawo tabakwe kubecaawo, ncakwiila tabacite kampenda.