Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Pita 1:7 - Baibo Busansulushi Bwa Libuku Ili

7 kwaamba ayi lushomo ndomucite lweeleshekwe akuboneka ayi ndwaalushinisho. Mukwiinga bweenka golodi, ukonsha kunyonyoolwa, mboweeleshekwa mumulilo alushomo ndomucite, ulo lwiinda pagolodi, mbolucitwa mumasunko. Lyalo Lesa ulaakumulumbaisha akumupa bulemu pabushiku Jesu Klistu aakuyubululwa.

အခန်းကိုကြည့်ပါ။ ကော်ပီ




1 Pita 1:7
53 ပူးပေါင်းရင်းမြစ်များ  

Sombi lakwe ulishi mboonyenda, Aakumana kunsunka, ulaakucana ayi ndisalalite anga ngugolodi wiine wiine.


“Kuli mukoti uko kukabwa silifa amusena golodi nkooboteshelwa.


Mulishi moyo wangu mboobete ceebo mulaupensoola mashiku. Nakubi kwaamba ayi mwalangoola apa apapalya taaku cilubo ncemuncanina. Ee, mulomo wangu toobishi mukwaamba napaceyi.


Kuba abusongo ncintu cibotu abuumbi kwiinda kuba agolodi. Ncintu cibotu kuba amaano akunyumfwisha shintu kwiinda kuba asilifa.


Silifa uleeleshelwa munongo inene pamulilo, mumunyumbi muleeleshelwa golodi, sombi moyo wa muntu uleeleshekwa aMwaami Lesa.


Shisepo shangu nshibotu kwiinda golodi wiine wiine, Shishalwa muli ndime nshibotu kwiinda silifa wiine wiine.


nabi buboni bunyonyooka kwiinda mukubula coolwe, cakwaamba ayi na ulicite mwaana musankwa, wabula ancaacaasha ayi apyane.


Ndamweelesha mumulilo wa mapensho, bweenka mbuli silifa mbooboteshekwa mumunyumbi. Nakubi boobo ndacaana ayi taaku mbomubete.


“Paceebo ceeco moyo wangu utoolilila bene Moabu ee, utoolilila bantu ba kuKili Aleseti bweenka mbuli muntu utoolisha lwiimbo lwa malilo mumutoolilo ceebo buboni bwabo bwaloba.


Paceebo ceeco Mwaami Lesa Shinkusu shoonse waamba ayi, “Bona, ndaakubabotesha akubeelesha, mukwiinga taaku cimwi nceenga ndacita pashibiibi sha bantu bangu.


Bamucipansha comwi ico ceshi cikacaale, ndaakubasalasha. Ncakwiila ndaakubasalasha mumulilo bweenka silifa mbooboteshekwa. Ndaakubeelesha bweenka golodi mbooweeleshekwa mumulilo. Balaakumpaila anebo ndaakubakumbula. Ndaakunoobeeta ayi, ‘Bantu bangu.’ Abalo balaakunokwaamba ayi, ‘Mwaami Lesa ngoLesa wesu.’ ”


Ulaakusalasha bantu bweenka shikusungulula silifa mbwaaubotesha mumunyumbi. Nkokwaamba ayi bweenka shikupanga sheela mbwaabotesha silifa agolodi mumunyumbi, mbweeke ubo muntu wa Mwaami Lesa uyo mbweshi akasalashe bapailishi ayi bakanoobenga milambu yeelete kuMwaami Lesa.


Sombi na taaku ncaakacita, taaku mapensho eshi akamupolele alimwi ulaakunookonsha kushala.


Jesu wakabaambila ayi, “Ntoomulwiita calushinisho ayi shintu shoonse ndyeshi shikalengwe cipya, MwanaaMuntu ndyeshi akekale pacuuna cakwe ca bulemu, amwebo nomukonkela ndime, mulaakwikala pashuuna shili likumi ashobilo. Mulaakoombolosha mishobo ili likumi ayobilo ya muIsilaeli.


Mwaami wakwe wakamwaambila ayi, ‘Wakacita kabotu, omusebenshi mubotu ushomeka. Ceebo washomeka pashintu shiniini, ono ntookupa mulimo wakulama shintu shiinji. Kosa usangalale akusekelela pantu pomwi anebo nemwaami wako.’


Mwaami wakwe wakamwaambila ayi, ‘Wakacita kabotu, omusebenshi mubotu ushomeka. Ceebo washomeka pashintu shiniini, ono ntookupa mulimo wakulama shintu shiinji. Kosa usangalale akusekelela pantu pomwi anebo nemwaami wako.’


Amuulishe buboni mbomucite, maali mupe bapengete. Amulilangweete mpotomona shitabooli alimwi amubike buboni bwanu kwiculu nkweshi bukabule kuceya mukwiinga taaku beepi beenga bashikaako atubambala tatukoonshi kubunyonyoola.


Kulaakuba bweenka ubo pabushiku MwanaaMuntu ndyeshi akayubululwe.


Uyo woonse utooyanda kusebensela ndime, ulyeelete kunkonkela kwaamba ayi nkweenga kaambete, alakwe musebenshi wangu akanooliiko. Abalo baTa balaakupa bulemu muntu woonse usebensela ndime.


Ino ono inga mwashoma buyani na mulisunibo kulilumbaisha nobeene, sombi kamutasuni ayi mulumbaishikwe kuli Lesa womwibo eenka?


Sombi Pita wakamukumbula ayi, “Webo fwitabo pantu pomwi amaali ako mukwiinga utooyeeya ayi inga woola cipo cakwe Lesa amaali!


Sombi ulaakulumbaisha akulemeka alimwi akupa luumuno abo bacita shiluleme, kutaanguna baJuda, pesule baswamashi bakunsengwe.


Anu muJuda wancinencine ngooyo muJuda mumoyo. Akwalo kupalulwa kwancinencine nkooko kwa mumoyo kucitikwa aMushimu Usalashi. Kupalulwa uku takucitwi ceebo muntu wacita bwaamba Milawo. Muntu wa mushobo wooyo umulumbaisha nguLesa, teshi bantu, sobwe.


Abo batolelela kucita shiluleme, kuyandoola bulemu kuli Lesa, shoolwe alimwi abuumi butamaani, Lesa ulaakubapa buumi ubo.


Shintu shoonse Lesa nshaakalenga shitoolindila abuumbi kuyubululwa kwa bana bakwe.


Ono Bushiku bwakwisa kwakwe Klistu, milimo ya muntu ilaakuboneka patuba ceebo Bushiku ubo bulaakwiitondesha. Bushiku ubo bulaakwisa amulilo uyo weshi ukeeleshe kubota kwa milimo ya muntu womwi awomwi.


Aboobo mutoomboloshi muntu nabi womwi kushikila Jesu Klistu akese mukoombolosha. Lakwe aakwisa ulaakuyubulula shabushishi bwa mumunshinshe alimwi ulaakubika patuba miyeeyo ya mumyoyo ya bantu. Lyalo Lesa ulaakulumbaisha muntu woonse kweelana ambwaaelete.


Ulicite coolwe uyo utolelela kushoma na weeleshekwa mukwiinga na wakoma masunko, ulaakutambula mushini wa buumi butamaani uyo Lesa ngwaakashomesha baabo bamusuni.


Aboobo amulibambile mumiyeeyo yanu alimwi mulicaate mushoonse. Kulangila kwanu koonse akubebo paluse ndweshi mukatambule pabushiku Jesu Klistu ndyeshi akayubululwe.


Lesa kwiinda munkusu shakwe, ulamulama kabotu ceebo ca lushomo ndomucite kwaamba ayi mukatambule lupulusho ulo ndweshi akayubulule kumeelelesho aciindi.


Ono amwise kuli nguwe uyo uli ndyelibwe lyuumi lyakakakwa abantu, sombi Lesa wakalisala akulilemeka.


Kuli ndimwe nomushoma, libwe ili lilayandika abuumbi. Sombi kuli baabo batashomi, Lesa wakaamba ayi, “Libwe bayaki ndibakakaka, lyakaba ndyelibwe liyandika lya mulikonko lya ŋanda.”


Nomusunikwi, mutakankamani amulilo wa mapensho wamushikila mukumusunka. Mutayeeyi kwaamba ayi nceensu kupenshekwa boobo.


Sombi amusangalale mukwiinga mutoopenga bweenka mbuli Klistu kwaamba ayi bwaakuboneka bulemu bwakwe, mukasangalale abuumbi.


Ono ntoolwiita bamatanjililima ba coonde pakati kanu. Ndakabona ambuli Klistu mbwaakapenshekwa alimwi ntoolindila kutambulaako bulemu bwakwe Klistu bweshi bukayubululwe.


Ndime Simoni Pita, musebenshi alimwi mutumwi wakwe Jesu Klistu, nentoolembela baabo boonse bakatambula lushomo mbuli ndotucite kwiinda mubululami bwakwe Lesa abwa Mupulushi wesu Jesu Klistu.


Kwiinda muli nshisho, wakatupa shipo shinene alimwi shibotu abuumbi isho nshaakashomesha kwaamba ayi kwiinda mushipo ishi, mukapulushikwe kubunyonyooshi bwa lunkumbwa buli mucishi ca panshi akutambula buumi bwa buLesa.


Paceebo ceeco nomusunikwi, pakunoolindila kwisa kwa Bushiku ubu, amusebense cankusu kwaamba ayi mukacanike kamuli muluumuno, kamusalalite alimwi kamutacite kampenda pameenso akwe Lesa.


Atulumbaishe Lesa, uyo eenkabo ukonsha kumulama kwaamba ayi mutabishi alimwi akumushisha kooko nkwaabete mubulemu bwakwe kamutacite kampenda nakaceyi alimwi kamusangalete abuumbi.


Amubone, utoosa amakumbi! Bantu boonse balaakumubona kubikaawo abaabo boonse bakamuyasa. Mishobo yoonse mucishi ca panshi ilaakulila ceebo ca nguwe. Ameni!


Utaloondi mapensho eshi akakucitikile. Nyumfwa! Mubiibi ulaakumusunka kwiinda mukulengesha bamwi ba mulikoto lyako ayi bawaalwe muntolongo alimwi ulaakupenshekwa abuumbi kwanshiku shili likumi. Koshomeka kuli ndime, nabi bakakucaileewo, lyalo ndaakukupa mushini wa buumi butamaani.’


Mukwiinga wakakonkela kwiisha kwangu ayi utolelele kupenshekwa, anebo ndaakukulama muciindi ca mapensho eshi akeshiite bantu boonse mucishi kwaamba ayi basunkwe.


Ono ntookulwiitaako ayi uule golodi kuli ndime, golodi yakasalashikwa amulilo kwaamba ayi ubile. Uule ashakufwala shituba kwaamba ayi ufwale akushisa mubili wako utoolensha nsoni. Uule amusamu wa mumeenso ayi utalike kubona.


Kalekale nebo neMwaami Lesa, Lesa wa bene Isilaeli ndakashomesha ayi bamuŋanda yako abeshikamukowa wako bananooba bapailishi lyoonse alyoonse. Sombi bulya sunu casutuka! Nebo ndapa bulemu abo bampa bulemu akunyansha baabo bansebaanya.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ