1 Pita 1:6 - Baibo Busansulushi Bwa Libuku Ili

⁶ Ono amusangalale pashintu ishi shoonse, nakubi kwaamba ayi cilayandika kuungumana kwa ciindi ciniini ceebo ca masunko apusenepusene ngomutokwiindaamo,

1 Pita 1:6 ပူးပေါင်းရင်းမြစ်များ

Kulumbaisha 119:28

Buumba bwankopola abuumbi. Amunjuumyeyumye kweelana amaswi anu.

Kulumbaisha 119:75

NoBaami baLesa, ndishi kwaamba ayi milawo yanu ililuleme, alimwi mwakampa mulandu kweelana akushomeka kwanu.

Kulumbaisha 34:19

Muntu ululeme uleenda mumapensho aanji, sombi Mwaami Lesa ulamufuna mumapensho akwe oonse.

Kulumbaisha 35:10

Ndaakwaamba camoyo woonse ayi, “NoBaami baLesa, anu ngani uli anga ndimwe? Ee, mwebo nomupulusha ulefukite kubaabo mbaatakoonshi kukoma. Ncakwiila mwebo mulapulusha bapenshi kubaabo babalyatilila.”

Kulumbaisha 69:20

Matushi apensha moyo wangu abuumbi alimwi ndi mubuumba. Ndakalinga kulangila kunyumfwilwa nkumbu, sombi napaceyuubo. Ndakalinga kulangila kuyuminishikwa, sombi nakuceyuubo.

Kulumbaisha 9:14

kwaamba ayi nkeemikane pameenso abene Jelusalemu akubalwiita shintu shoonse nshemulumbaishishaawo. Nebo ndaakusangalala mukwiinga mwebo mwakampulusha.

Kulumbaisha 95:1

Amwise twiimbile Mwaami Lesa cakusangalala, Atwiimbe cakoolobesha kuMwaandami utufuna.

Isaya 61:10

Ndasangalala cankusu muMwaami Lesa. Moyo wangu ulisangalete abuumbi muli Lesa. Ceebo wamfwalika lupulusho anga ncakufwala ca peculu akumfwalika bululami anga ngumungaanjo. Wamfwalikabo bweenka shibwiinga nabi mupailishi mbwaalibotesha kumutwi, nabibo shibwiinga mbwaalibotesha ashakulibotesha sha makwebo.

Isaya 61:3

Wakantuma kucafwa baabo balila muSiyoni, kubafwalika ngala yakukondwa kuteshi milota ya buumba. Kubapa mafuta atondesha kusangalala kuteshi mapensho aleta minsonshi. Kubalengesha kwiimba nyimbo shakulumbaisha kuteshi buumba. Balaakunokwiitwa ayi mibanga yabululami iyo Mwaami Lesa njaakashanga kwaamba ayi atondeshe bulemu bwakwe.

Mateyo 11:28

“Amwise kuli ndime mwebo noonse nomushiite, nomwalemenwa, nebo ntoomupa kookesha.

Mateyo 26:37

Mpeeke Jesu wakaya aPita alimwi abana bakwe Sebedi basankwa bobilo. Lyalo Jesu wakatalika kuba abuumba akulisukama mumoyo.

Mateyo 5:12

Amusangalale akukondwa mukwiinga cilambu canu ncinene kwiculu. Mbweeke ubo bantu mbobakapensha balaluki bakalingaako kale kale.

Luka 1:47

Ndisangalete abuumbi ceebo cakwe Lesa Mupulushi wangu

Luka 10:20

Sombi mutasangalali kwaamba ayi bashikaswa batoomunyumfwila, anu amusangalale mukwiinga meena anu alilembetwe kwiculu.”

Luka 2:10

Munjelo wakabaambila ayi, “Mutaloondi mukwiinga ndaleta makani abotu eshi akasangalashe bantu boonse.

Joni 16:22

Amwebo mbweeke ubo, bulya mulyuungumene mumyoyo. Sombi ndaakumubona alimwi, lyalo mulaakusangalala abuumbi. Kusangalala uko, taaku muntu eshi akakukusheewo pali ndimwe.

Joni 16:33

Ndamwaambila makani aya kwaamba ayi mube aluumuno mukushoma muli ndime. Mucishi ca panshi mulaakupenshekwa. Nakubi boobo amukalike myoyo, bubi bwa mucishi cino ndabukoma.”

Milimo ya Batumwi 14:22

Mpeeke bakayuminisha bashomi kwaamba ayi batolelele kushoma cankusu muli nguwe lyoonse. Bakalinga kubalwiita ayi, “Swebo soonse tulyeelete kwiinda mumapensho aanji kwaamba ayi tukenjile muBweene bwakwe Lesa.”

Bene Loma 12:12

Mulyeelete kunoosangalala ceebo ca ceeco ncemutoolangila, amukalike myoyo muciindi ca makatasho alimwi munoopaila lyoonse.

Bene Loma 5:11

Sombi teshi ceeci ceenka, tulasangalala muli Lesa ceebo Mwaami wesu Jesu Klistu wakalengesha ayi alimwi tube beshicibusa bakwe Lesa.

Bene Loma 5:2

Mwaami wesu uyu ngowakatucalwita nshila kwiinda mulushomo kwaamba ayi Lesa atucitile luse ulo ndotubeteemo abobulya. Aboobo tulasangalala mukwiinga tulashoma ayi tulaakutambula shipo sha mubulemu bwakwe Lesa.

Bene Loma 9:2

pakwaamba ayi ndicite buumba bunene abuumbi alimwi ndapenshekwa mumoyo ceebo ca baJudama.

2 Bene Kolinto 4:17

Aya mapensho oobu ngotutoobona teshi a ciindi cilaamfu, sombi alaakutuletela bulemu bwiindaawo abuumbi alimwi butamaani ubo buteelanishikwi amapensho oonse

2 Bene Kolinto 6:10

Tulaboneka anga tulyuungumene, sombi tulakondwa lyoonse. Tulaboneka anga mbakandu, sombi tulalengesha bantu baanji kubila. Tulaboneka anga taaku ncetucite, sombi shintu shoonse shili mumaanseesu.

Bene Galatiya 5:22

Sombi shisepo sha Mushimu Usalashi, ndusuno, kusangalala, luumuno, kukomenya moyo, nkumbu, kubota moyo, kushomeka,

Bene Filipi 2:26

Ono wamuyeeya abuumbi noonse alimwi wapenshekwa mumoyo mukwiinga mwakanyumfwa ayi wakalinga mulwashi.

Bene Filipi 3:3

Swebo ndiswe twakapalulwa cancinencine sotutanjililwa aMushimu Usalashi mukulambila Lesa akusangalala muli Klistu Jesu. Aboobo tatushomi shapacishi ca panshi, sobwe.

Bene Filipi 4:4

Amusangalale muMwaami lyoonse alimwi ndaamba ayi, amusangalale!

1 Bene Tesalonika 1:6

Mwakakonkela bwikaalo bwesu abwa Mwaami Jesu. Nabi mwakalinga mumapensho anene, mwakatambula Makani Abotu cakusangalala uko kuswa kuMushimu Usalashi.

Jemusi 1:2

Nobamakwesu, kamusangalala abuumbi na mwashikilwa mapensho apusenepusene,

Jemusi 1:9

Mushomi mukandu ulyeelete kusangalala na Lesa wamusumpula.

Jemusi 4:9

Amuungumane, mulile buumpute amibila, kuseka kwanu mukwaalule kulila akwalo kusangalala kwanu mukwaalule buumba!

1 Pita 3:17

Ncibotu kupenshekwa ceebo cakucita shiluleme, na kakuli kuyanda kwakwe Lesa, kwiinda kupenshekwa ceebo cakucita shibiibi.

1 Pita 4:7

Ono mamanino a shintu shoonse ali pafwaafwi. Paceebo ceeco, kamulitibuka alimwi mucenjele, kwaamba ayi mukonshe kupaila.

1 Pita 5:10

Pakumana kupenshekwa kwaciindi ciniini, Lesa shiluse loonse, uyo wakamwiita ayi kwiinda muli Klistu mukatambule bulemu bwakwe butamaani, ulaakumubotesha cakumaninina mumushimu. Ulaakumuyumya mulushomo, kumupa nkusu alimwi akumubika palwiimbi luyumu.

1 Samwelo 2:1

Mpeeke Aana wakapaila ayi, “Mwaami Lesa wansangalasha abuumbi, Ndikondetwe abuumbi ceebo ca ceeco ncaacita! Balwani bangu ntoobaseka. Ndisangalete abuumbi ceebo Lesa wancafwa!