1 Pita 1:4 - Baibo Busansulushi Bwa Libuku Ili

⁴ Alimwi tutoolangila ayi tukatambule shipo isho Lesa nshaakabambila bantu bakwe. Utoomubambila kabotu kwiculu, uko nkweshi shikabule kubola, kunyonyooka nabi kubunda.

1 Pita 1:4 ပူးပေါင်းရင်းမြစ်များ

Kulumbaisha 31:19

Nshiinji shintu shibotu nshemwakabambila bamulemeka, shintu nshemucitila bantu bacicila kuli ndimwe. Shintu isho shilibwenekete kumuntu uli woonse.

Kulumbaisha 47:4

Cishi cino ncetwikalaamo ngowakatusalila. Sobamulunyungu lwakwe Jakobo, wakatupa cishi ici ncetusuni ceebo ulitusuni.

Isaya 66:22

“Ono bweenka liculu lipya acishi ca panshi cipya isho nsheshi nkalenge mbweshi shikabe shamuyayaya, mbweeke ubo bamulunyungu lwanu aliina lyanu mbweshi shikabule kuloba.

Esekelo 47:12

Kulubasu lomwi alomwi lwa mulonga kulaakumena shisamu sha mishobo amishobo sheshi shikanoocata shisepo. Matewu a shisamu isho teshi akanooyumaawo alimwi shisamu isho teshi shikacilekeewo kucata, sobwe. Shilaakunoocata shisepo shipya mweenshi amweenshi ceebo shilaakunootililwa amaanshi aswa kuŊanda yakwe Lesa. Shisamu shilaakunoocata shisepo shilikwa aalo matewu alaakunoosebenseshekwa kushilika bantu.”

Mateyo 25:34

Lyalo Mwaami ulaakwaambila baabo beshi bakabe kululyo lwakwe ayi, ‘Amwise kuno, mwebo nomwakapekwa coolwe kuli baTa. Amwinjile muBweene ubo mbomwakabambilwa kuswa kumatalikilo a cishi.

Maako 10:17

Jesu ndyaakanyamukabo ayi anooya, musankwa umwi wakamucicilila. Wakashika wafukama kunembo lyakwe akwiipusha ayi, “NoBafundishi babotu, ino inga ndacita buyani kwaamba ayi nkabe abuumi butamaani?”

Milimo ya Batumwi 20:32

“Cakweelaako, ndamubika mumaansaakwe Lesa alimwi amakani aamba paluse lwakwe kwaamba ayi amulaame akumuyumya ayi mukatambule shoolwe isho Lesa nshaasungila bantu bakwe boonse.

Milimo ya Batumwi 26:18

Ukabacalule meenso kwaamba ayi babone, ukabakushe mumunshinshe kwaamba ayi benjile mumumuni alimwi akubakusha munkusu shakwe Satana ukabenjishe munkusu shakwe Lesa. Kwiinda mulushomo lwabo muli ndime, Lesa ulaakubalekelela shibiibi shabo akuba amusena pakati ka bantu bakwe Lesa basalitwe.’

Bene Loma 8:17

Ono mbotuli bana bakwe Lesa tulaakuba acoolwe kwiinda mukutambula shintu nshaabambila bantu bakwe. Peculu lya waawo tulaakupekwa pantu pomwi aKlistu isho nshaamubambila Lesa. Ono na twapenshekwa mbuli mbwaakapenshekwa Klistu, swebo tulaakutambula bulemu bweenka mbwaacite.

1 Bene Kolinto 9:25

Ono umwi aumwi usuni kuba mushisekano ulalitibuka mushintu shoonse kwaamba ayi akatambule mushini uyo utekaali aciindi cilaamfu. Sombi swebo tulacita boobo kwaamba ayi tukatambule mushini utamaani.

Bene Galatiya 3:18

Ono na Lesa ulapa muntu cipo ceebo wakakonkela Milawo, nkokwaamba ayi cipo ico tacipekwi ceebo Lesa wakatushomesha. Sombi Lesa wakapa Abulaamu coolwe ceebo wakamushomesha ayi ulaakumupa.

Bene Efeso 1:11

Shoonse shintu shilacitwa kweelana amiyeeyo yakabamba Lesa alimwi akuyanda kwakwe. Aboobo Lesa wakatusala ayi tube bantu bakwe muli Klistu, nkokwaamba ayi ncaakatusalila kweelana ambwaakabamba kuswa kumatalikilo.

Bene Efeso 1:14

Mushimu Usalashi ncecitondesho cakwaamba ayi tulaakutambula shoolwe shoonse nshaakashomesha bantu bakwe. Aboobo tulaba alushomo ayi Lesa ulaakwaangulula cancinencine bantu bakwe. Atulumbaishe bulemu bwakwe!

Bene Efeso 1:18

Ndaseenga kwaamba ayi munyumfwe shalushinisho isho shiswa kuli nguwe, kwaamba ayi mwishibe sheesho nshaakamwiitila, akwishiba kubota kwa shoolwe shabulemu Lesa nshaakashomesha bantu bakwe.

Bene Kolose 1:12

mulyeelete kunoolumba Lesa Ishiwesu uyo wakamulengesha ayi mube bantu beelete kutambula shipo isho nshaasungila bantu bakwe, muBweene bwakwe busalalite.

Bene Kolose 1:5

Ono makani ancinencine, nkokwaamba ayi Makani Abotu, ndyaakashimikilwa kuli ndimwe pakutaanguna, mwakanyumfwa shakulangila shiliimo. Aboobo mulicite lushomo alimwi alusuno ceebo ca sheesho nshemutoolangila, isho Lesa nshaakamubambila kabotu kwiculu.

Bene Kolose 3:24

Amwiingashile kwaamba ayi Mwaami ulaakumupa cilambu ncaakashomesha bantu bakwe. Anu Mwaami ngomutoosebensela nguKlistu.

2 Timoti 4:8

Bulya mushini wa bululami utoonindilila uyo Mwaami Lesa, moomboloshi ululeme, ngweshi akampe pabushiku ubo. Nakubi boobo teshi ukapekwebo ndime, sombi abaabo boonse balindila kwisa kwakwe mulusuno.

Bene Ebulu 10:34

Mwakoongumana pantu pomwi abaabo bakalinga bakaili alimwi beendeleshi ndibakamunyaya shintu shanu, mwakalinga kusangaletebo mukwiinga mwakalinga kwishi ayi mulicite shintu shiindaawo kubota alimwi shitamaani.

Bene Ebulu 9:15

Nceceeco Klistu ncaalengeshesha ayi cipangano cipya cibeewo, kwaamba ayi abo Lesa mbwaakeeta ayi bakatambule shoolwe shitamaani nshaakashomesha. Ishi inga shacitika ceebo ca lufu lwakwe Klistu ulo lufuna bantu kuswa mushibiibi nshibakacita muciindi ca cipangano cikulukulu.

Jemusi 1:11

Lisuba lilaswa akubala abuumbi, aboobo lilayumya kasamu ka liluba, lyalo liluba lya nkako lilalokaako alimwi bubotu bwa ndilyo bulanyonyooka. Mbweeke ubo mubile ulaakunyonyoolwa kaaciya cicita milimo yakwe.

1 Pita 3:9

Na bantu bamubishisha nabi kumutukana, tamweelete kubabishisha nabi kubatukana amwebo. Sombi mwebo mulyeelete kusenga Lesa ayi abape coolwe mukwiinga Lesa wakamwiita kwaamba ayi mukatambule coolwe.

1 Pita 5:4

Ono na Mweembeshi Munene akese, mulaakutambula mushini wa bulemu uyo weshi ukabule kumana.

Ciyubululo 21:27

Sombi mundabala inene iyo teshi mukenjile cintu citasalalite nabi comwi, nabi bantu boonse bacita shintu shilensha nsoni nabi babeshi. Mulaakwinjilabo baabo bacite meena alembetwe mulibuku lya buumi lya Mwanaambelele.