1 Pita 1:3 - Baibo Busansulushi Bwa Libuku Ili

³ Atulumbe Lesa Ishi Mwaami wesu Jesu Klistu! Ceebo ca nkumbu shakwe shiindaawo, wakatupa buumi bupya ayi tube akulangila kwiine kwiine kwiinda mukubusha Jesu Klistu kuswa kubafu.

1 Pita 1:3 ပူးပေါင်းရင်းမြစ်များ

1 Baami 8:15

Wakaamba ayi, “Aalumbaishikwe Mwaami Lesa, Lesa wa bene Isilaeli! Wacita kweelana ambwaakashomesha bata baDefedi ndyaakaamba ayi,

1 Makani 29:20

Kuswawaawo Defedi wakaambila bantu boonse ayi, “Amulumbaishe Mwaami Lesa, Lesa wanu!” Mpomunyaawo bantu boonse bakalumbaisha Mwaami Lesa, Lesa wa bamashali babo bakulukulu akufukama cakushisha shiwa panshi kunembo lya Mwaami Lesa alimwi amwaami wabo Defedi.

2 Makani 31:8

Lyalo Esekiya abacinenenene bakwe ndibakabona milwi iyo bakalumbaisha Mwaami Lesa abantu bakwe bene Isilaeli.

Kulumbaisha 41:13

Aalumbaishikwe Mwaami Lesa, Lesa wa bene Isilaeli, aalumbaishikwe lyoonse alyoonse. Ameni alimwi ameni.

Kulumbaisha 86:15

Sombi mwebo nobaLesa, muliswite nkumbu aluse, tamukalali bwaangu, mulicite lusuno lutamaani alimwi mulashomeka.

Kulumbaisha 86:5

NoBaami baLesa, mulicite nkumbu alimwi mulatulekelela. Lusuno lwanu ndunene kubantu abo bapaila kuli ndimwe.

Kulonga 34:6

Lyalo Mwaami Lesa wakeenda kunembo lyakwe Mose, akoolobesha ayi, “Nebo neMwaami Lesa ndime Lesa uswite lulekelelo ankuumbu, utafwambaani kukalala, ubonesha lusuno lunene alimwi ushomeka.

Isaya 26:19

“Bantu banu bakafwa balaakubuka alimwi. Mibili yabo ilaakuba abuumi. Mwebo noonse nomuli mushuumbwe amubuke. Amubuke akwiimba cakusangalala. Bweenka mume mbootontosha inshi akubusha shishango, mbweeke ubo Mwaami Lesa mbweshi akabushe bakafwa kale kale.”

Jona 4:2

Mpeeke wakapaila ayi, “Sa te nceceeci ncendakaamba kaantana kuswa kumisheesu ayi cilaakucitika? Anu ncendakafwambaanina kulobokela kuTashishi. Ndakalinga kwishi ayi uli Lesa walusuno alimwi shinkumbu, utafwambaani kukalala, Lesa shiluse luteeli alimwi upilula miyeeyo akucileka kunyonyoola.

Joni 1:13

Kuba bana bakwe Lesa uku, takukwe kuswa kubashali. Nkokwaamba ayi takukwe kuswa mukuyanda kwa muntu, sombi bakashalwa munkusu shakwe Lesa.

Bene Loma 12:12

Mulyeelete kunoosangalala ceebo ca ceeco ncemutoolangila, amukalike myoyo muciindi ca makatasho alimwi munoopaila lyoonse.

Bene Loma 15:13

Ndaseenga ayi Lesa uyo ulengesha ayi munoolangila asushe kusangalala kwancinencine mumyoyo yanu alimwi aluumuno kwiinda mulushomo ndomucite muli Jesu. Nkusu sha Mushimu Usalashi shinooyumya kulangila kwanu.

Bene Loma 4:25

Lesa wakabenga Jesu kwaamba ayi acaikwe ceebo ca shibiibi shesu alimwi wakamubusha kuswa kubafu kwaamba ayi atululamike pameenso akwe.

Bene Loma 5:10

Twakalinga balwani bakwe Lesa, sombi wakatucita kwaamba ayi tube beshicibusanyina kwiinda mulufu lwa Mwanaakwe. Ono mbotuli beshicibusanyina, tulishinishite kwaamba ayi ulaakutupulusha ceebo ngumuumi.

Bene Loma 8:11

Na Mushimu wakwe Lesa uyo wakabusha Jesu Klistu kuswa kubafu uli muli ndimwe, anu Lesa eenka uyo wakabusha Klistu kuswa kubafu, ulaakubusha mibili yanu ifwa kwiinda muMushimu wakwe uli muli ndimwe.

Bene Loma 8:24

Mukwiinga kwiinda mulushomo ulu twakapulushikwa. Ono na twacibona ameenso ico ncetutoolangila, sa inga katucilangilabo? Sa kuli muntu ulangila ncaabwene kale? Taaku.

1 Bene Kolinto 13:13

Ono pali shintu shotatwe sheshi shikabule kumana. Ishi ndushomo, lulangilo alimwi alusuno. Nakubi boobo pasheeshi, cinene ndusuno.

1 Bene Kolinto 15:20

Ono ncakwiila Jesu wakabushikwa kuswa kubafu akuba citondesho cakwaamba ayi uyo woonse eshi akafwe, ulaakubushikwa kuswa kubafu.

2 Bene Kolinto 1:3

Atulumbe Lesa Ishi Mwaami wesu Jesu Klistu, Ishiwesu shinkumbu uyo utucafwa!

Bene Galatiya 6:16

Lesa aape luumuno alimwi akunyumfwila nkumbu bantu boonse bakonkela kwiisha uku abantu bamwi boonse bakwe Lesa.

Bene Efeso 1:17

Ndaseenga Lesa uyo Jesu Klistu Mwaami wesu ngwaakalinga kulambila, Ishiwesu shibulemu, ayi amupe Mushimu uyo weshi ukamupe busongo akumuyubulwita Lesa ayi mukamwishibe.

Bene Efeso 1:3

Atulumbe Lesa, baIshi Mwaami wesu Jesu Klistu! Mukwiinga kwiinda muli Klistu, wakatupa shoolwe sha mushimu shoonse shicanika mucishi ca kwiculu.

Bene Efeso 1:7

Kwiinda mulufu lwakwe ndwaakalibenga, Jesu wakatwaangulula alimwi tulalekelelwa shibiibi shesu kwiinda mubulowa bwakwe. Ncakwiila luse lwakwe Lesa lulakankamika abuumbi,

Bene Efeso 2:4

Sombi Lesa wakatusuna abuumbi ceebo ca nkumbu shakwe shiteelekwi.

Bene Efeso 3:20

Ono bulemu bube kuli Lesa, lakwe kwiinda munkusu shakwe shisebensa muli ndiswe, ulakonsha kucita shiinda pasheesho nsheenga twaseenga nabi kuyeeya.

Bene Kolose 1:23

Mulyeelete kukalika myoyo akutolelela kushoma kweelana amatalikilo anu ancinencine alimwi mutaswi mukulangila uko nkomwakabaako ndimwakanyumfwa Makani Abotu. Lesa wakampa nebo nePaulo mulimo wakushimikila Makani Abotu aya, ayo ashimikilwa bantu boonse mucishi ca panshi.

Bene Kolose 1:27

Lakwe wakasuna kwaamba ayi baswamashi bakunsengwe boonse beshibe maswi ayo ancinencine. Ngamaswi abotu abuumbi, abubile bwa bulemu bwakwe ayo akalinga kushisitwe kubantu boonse. Maswi aya ngakwaamba ayi Klistu uli muli ndimwe alimwi ngoomupa kulangila kwa kutambula bulemu bwakwe Lesa.

1 Bene Tesalonika 1:3

Ceebo tuleebaluka pameenso akwe Lesa Ishiwesu, nshemwakacita ceebo cakushoma muli Jesu, mbomwakasebensa cankusu ceebo cakumusuna alimwi ambomutoolangila Jesu Mwaami wesu cakutaboola pesule.

1 Bene Tesalonika 4:13

Ono nobamakwesu, tulisuni ayi mwishibe lushinisho pabaabo bakafwa, kwaamba ayi mutanookuungumana mbuli bantu batacite ncebatoolangila.

2 Bene Tesalonika 2:16

Ono Mwaami wesu Jesu Klistu aLesa Ishiwesu uyo wakatusuna, kutuyumyayumya mumyoyo akutupa kulangila kutamaani kwiinda muluse lwakwe,

1 Timoti 1:14

Luse luunji lwa Mwaami wesu lwakaboneka kuli ndime pantu pomwi alushomo alimwi alusuno isho shicanika kwiinda muli Klistu Jesu.

Taitasi 2:13

Bulya nditutoolindila bushiku bwa coolwe, ubo bulemu bwakwe Lesa munene alimwi aMupulushi wesu Jesu Klistu, ndyeshi bukaboneke.

Bene Ebulu 3:6

Sombi Klistu mukuba Mwanaakwe Lesa, ulashomeka mukweendelesha bantu bakwe Lesa boonse. Nkokwaamba ayi swebo tuli bantu bakwe Lesa na twatolelela kutaloonda alimwi akulisumpwita mushintu ishi nshetutoolangila.

Jemusi 1:18

Mukuyanda kwakwe mwiine wakatupa buumi kwiinda mumaswi a lushinisho, ayi pakati ka shilengwa shakwe shoonse tube anga nshisepo shitaanshi.

1 Pita 1:13

Aboobo amulibambile mumiyeeyo yanu alimwi mulicaate mushoonse. Kulangila kwanu koonse akubebo paluse ndweshi mukatambule pabushiku Jesu Klistu ndyeshi akayubululwe.

1 Pita 1:21

Kwiinda muli nguwe mulashoma muli Lesa uyo wakamubusha kuswa kubafu akumupa bulemu buunji. Aboobo lushomo lwanu akulangila kwanu kube muli Lesa.

1 Pita 1:23

Lesa wakamupa buumi bupya, kuteshi kuswa kumbuto inyonyooka, sombi itanyonyooki, iyo ili ngomaswi akwe Lesa ayo aliiko alimwi eshi akanooliikobo lyoonse.

1 Pita 2:2

Ono mbuli bakateta mbobalilila mukupa, muyandishishe mukupa wiine wiine wa mushimu, kwaamba ayi kwiinda mukuunwa mukomene akupuluka,

1 Pita 3:15

Sombi mumyoyo yanu kamulemeka Klistu mukwiinga ngoMwaami wanu. Munoolibambite lyoonse kusansulwita muntu uli woonse weenga wamwiipusha pakulangila nkomucite, sombi kamusansulula cakulibombya alimwi akumulemeka.

1 Pita 3:21

Maanshi ayo aleemikanina kubombekwa uko kumupulusha bulya kwiinda mukubushikwa kwakwe Jesu Klistu kuswa kubafu. Kubombekwa uku teshi kusamba pamubili ayi tukushe matombe, sombi nkushomesha Lesa amiyeeyo iluleme.

1 Pita 3:5

Mbweeke ubo kale kale banakashi basalalite bakalinga kushoma muli Lesa, mbobakalinga kulibotesha. Ncakwiila bakalinga kulibombya kubameebaabo.

1 Joni 2:29

Ono mukwiinga mulishi ayi Klistu uliluleme, mulyeelete kwishiba alimwi ayi uyo woonse ucita shiluleme ngumwanaakwe Lesa.

1 Joni 3:3

Uyo woonse ucite lushomo akulangila muli Klistu ulalisalasha mwiine bweenka mbuli Klistu mbwaasalalite.

1 Joni 3:9

Woonse mwanaakwe Lesa taatoleleli kubisha ceebo mibo yakwe Lesa ili muli nguwe. Mukwiinga Lesa ngoIshi, taakoonshi kutolelela kubisha.

1 Joni 4:7

Nomusunikwi, atusunane mukwiinga lusuno lulaswa kuli Lesa. Uyo woonse usuni mubye ngumwanaakwe Lesa alimwi ulimwishi.

1 Joni 5:1

Uyo woonse ushoma ayi Jesu ngoUsalitwe wakwe Lesa, ngumwanaakwe Lesa. Alakwe uyo woonse usuni ishi, ulisuni amwaana.

1 Joni 5:18

Tulishi kwaamba ayi woonse mwanaakwe Lesa taatoleleli kubisha mukwiinga Jesu Mwanaakwe Lesa ulamulama kabotu. Aboobo Mubiibi taakoonshi kumukumya.

1 Joni 5:4

ceebo woonse mwanaakwe Lesa taatoleleli kubisha. Nchetukomeshako cishi ca panshi ndushomo lwesu.