1 Pita 1:23 - Baibo Busansulushi Bwa Libuku Ili

²³ Lesa wakamupa buumi bupya, kuteshi kuswa kumbuto inyonyooka, sombi itanyonyooki, iyo ili ngomaswi akwe Lesa ayo aliiko alimwi eshi akanooliikobo lyoonse.

1 Pita 1:23 ပူးပေါင်းရင်းမြစ်များ

Jelemiya 23:28

Mulaluki uyo ucite ciloto, aacipandulule, sombi uyo ucite maswi angu, aambe maswi ayo cakushomeka. Sa shibuba inga sheelana amancebele?

Bene Lefi 11:37

Ono na mutuntu umwi walokela pambuto yakushanga, imbuto iyo ilaakunoosalalitebo.

Malaki 2:3

Ono ceebo ca ndimwe, ndaakupa mulandu bamulunyungu lwanu. Ndaakumunanika bufumba bwa milambu yanu pameenso, akumutola nkobabusowela.

Mateyo 24:35

Liculu alimwi acishi ca panshi shilaakumana, sombi maswi angu teshi akamaneewo, sobwe.

Luka 8:11

“Ono mbulya mbocaamba cikoshanyo. Imbuto ndiswi lyakwe Lesa.

Joni 1:13

Kuba bana bakwe Lesa uku, takukwe kuswa kubashali. Nkokwaamba ayi takukwe kuswa mukuyanda kwa muntu, sombi bakashalwa munkusu shakwe Lesa.

Joni 1:3

Lesa wakalenga shintu shoonse kwiinda muli nguwe. Naatalinga nguwe naakwiinga taaku cakalengwa nabi comwi.

Joni 3:3

Jesu wakakumbula ayi, “Ncakwiila, ntookulwiita calushinisho ayi taaku muntu eshi akabone Bweene bwakwe Lesa na taana kushalwa cipya.”

Joni 3:5

Jesu wakakumbula ayi, “Ncakwiila ntookulwiita ayi taaku muntu utana kushalwa mumaanshi alimwi aMushimu Usalashi weshi akenjile muBweene bwakwe Lesa.

Joni 6:63

Cipa buumi nguMushimu Usalashi. Nkusu sha muntu mwiine taaku mboshibete napaceyi. Maswi ngondamulwiita alaleta Mushimu Usalashi upa buumi.

Bene Loma 1:23

Bakacileka kulambila Lesa utafwi, balalambila shibumbwabumbwa shiboneka anga mbantu bafwa nabi bayuni, banyama ba muluundu, ntaale ashintu shimwi sha mushobo uyo.

Bene Ebulu 4:12

Mukwiinga maswi akwe Lesa ali anga ncintu cuumi alimwi alicite nkusu. Alikolete kwiinda mupeeni ukolete koonse kobilo. Alatimbula pakati kushikila apali moyo amuuya alimwi apali shifuwa alimwi amoomo. Maswi akwe Lesa alayubulula sheesho bantu nshebayeeya alimwi anshebasuni.

Jemusi 1:18

Mukuyanda kwakwe mwiine wakatupa buumi kwiinda mumaswi a lushinisho, ayi pakati ka shilengwa shakwe shoonse tube anga nshisepo shitaanshi.

1 Pita 1:25

sombi maswi a Mwaami Lesa ananooliikobo muyayaya.” Maswi ayo ngaMakani Abotu ayo ngobakashimikila kuli ndimwe.

1 Pita 1:3

Atulumbe Lesa Ishi Mwaami wesu Jesu Klistu! Ceebo ca nkumbu shakwe shiindaawo, wakatupa buumi bupya ayi tube akulangila kwiine kwiine kwiinda mukubusha Jesu Klistu kuswa kubafu.

1 Joni 3:9

Woonse mwanaakwe Lesa taatoleleli kubisha ceebo mibo yakwe Lesa ili muli nguwe. Mukwiinga Lesa ngoIshi, taakoonshi kutolelela kubisha.

1 Joni 5:18

Tulishi kwaamba ayi woonse mwanaakwe Lesa taatoleleli kubisha mukwiinga Jesu Mwanaakwe Lesa ulamulama kabotu. Aboobo Mubiibi taakoonshi kumukumya.