1 Pita 1:11 - Baibo Busansulushi Bwa Libuku Ili

¹¹ Balaluki abo bakeelesha kwishiba ciindi ndyeshi cikacitike ambweshi cikacitike. Mushimu wakwe Klistu wakalinga mubalaluki abo, wakalinga kwaambilabo limwi ayi Klistu ulaakupenshekwa, sombi aakumana kupenshekwa ulakupekwa bulemu.

1 Pita 1:11 ပူးပေါင်းရင်းမြစ်များ

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

Matalikilo 49:10

Nkooli ya bwaami Juda unanoicitebo lyoonse. Bamulunyungu lwakwe bananoolibo ankooli ya bweendeleshi lyoonse, kushikila akese uyo weelete kubaayo, alimwi uyo mishobo ngweshi ikanoonyumfwila.

Isaya 49:6

Paceebo ceeco wakaŋambila ayi, “Ndicite mulimo unene ngoonsuni ayi webo ucite omusebenshi wangu. Teshi ukeelebo mukuboosha bulemu kubene Isilaeli abo bakacaalaawo. Sombi ndaakukubika ayi ube mumuni kubaswamashi bakunsengwe kwaamba ayi bantu boonse bakapulushikwe kwiinda muli ndiwe.”

Danyelo 2:44

“Muciindi ca bamaami abo Lesa wa kwiculu ulaakuleta bwaami ubo bweshi bukabule kumana. Teshi bukakomweewo, sombi bulaakunyonyoola malelo amwi ayo oonse akulela kwalyoonse alyoonse.

Sekaliya 13:7

Mwaami Lesa Shinkusu shoonse waamba ayi, “Nyamuka, webo omupeeni ulwane mweembeshi wangu! Ee, umulwaane uyo unsebensela. Umucaaye, lyalo mbelele shitoopalangana. Nebo nemwiine ntoolwana bantu bangu.

Sekaliya 14:9

Lyalo Mwaami Lesa ulaakuba mwaami wa cishi coonse ca panshi. Pabushiku ubo kulaakuba Mwaami Lesa womwibo ndondoli. Nkokwaamba ayi bantu boonse balaakulambilabo liina lyakwe lyeenka.

Mateyo 26:24

MwanaaMuntu utooya kulufu kweelana ambokulembetwe, sombi mapensho kuli wooyo muntu utoomwaaba! Naakwiinga cakabotabo akutashalwa muntu uyu.”

Luka 24:44

Lyalo wakabaambila ayi, “Ishi nsheshintu nshendakalinga kumulwiita ndindakalingaanu. Ndakalinga kwaamba ayi shoonse shilembetwe pali ndime muMilawo yakwe Mose, abalaluki bakulukulu amuKulumbaisha shilyeelete kucitika cancinencine.”

Joni 12:41

Isaya wakaamba boobo mukwiinga wakabona bulemu bwakwe Jesu, akwaamba shapali nguwe.

Milimo ya Batumwi 16:7

Ndibakashika kumanyinsa a cishi ca Misiya, bakalinga kusuni kwaamba ayi baye mucishi ca Bitiniya, sombi Mushimu wakwe Jesu wakabakasha.

Bene Loma 8:9

Ono na ncakwiila Mushimu wakwe Lesa uli muli ndimwe, tamukaali kweelana abuyanda mibili yanu, sombi buyanda Mushimu. Ceebo na Mushimu wakwe Klistu tookali muli ndimwe nkokwaamba ayi tamwishi bakwe Klistu.

Bene Galatiya 4:6

Ono mukwiinga tuli bana bakwe, Lesa wakatuma Mushimu wa Mwanaakwe mumyoyo yesu. Walo ngoolengesha kwaamba ayi katwiita ayi, “Aba!” nkokwaamba ayi, “Ta!”

2 Pita 1:21

Mukwiinga balaluki bakulukulu tebakalinga kwaamba shakaswa mukuyanda kwabo beene, sombi bakalinga kutanjililwa aMushimu Usalashi ndibakalinga kwaamba maswi akwe Lesa.

Ciyubululo 19:10

Mpeeke ndakafukama muliimfwa lya munjelo uyo ayi mulambile, sombi wakandwiita ayi, “Utaciti bobulya! Nebo ndi musebenshinyoko, ndibo bweenka mbuli bashominyoko bamwi boonse abo bashoma lushinisho Jesu ndwaakayubulula. Ulyeelete kulambilabo Lesa!” Mukwiinga bukamboni bwakwe Jesu ngumuuya wa bulaluki.