1 Pita 1:10 - Baibo Busansulushi Bwa Libuku Ili

¹⁰ Balaluki bakulukulu abo, bakaambila limwi shaceeco Lesa ncaakaamba ayi ulaakumupa kwiinda muluse lwakwe, bakalangoola akwiipusha kabotu kabotu shalupulusho ulu.

1 Pita 1:10 ပူးပေါင်းရင်းမြစ်များ

Matalikilo 49:10

Nkooli ya bwaami Juda unanoicitebo lyoonse. Bamulunyungu lwakwe bananoolibo ankooli ya bweendeleshi lyoonse, kushikila akese uyo weelete kubaayo, alimwi uyo mishobo ngweshi ikanoonyumfwila.

Tushimpi 2:4

Koshiyandoola cankusu bweenka mbooyandoola silifa, ee, koshiyandoola bweenka mbooyandoola buboni bushisitwe.

Danyelo 2:44

“Muciindi ca bamaami abo Lesa wa kwiculu ulaakuleta bwaami ubo bweshi bukabule kumana. Teshi bukakomweewo, sombi bulaakunyonyoola malelo amwi ayo oonse akulela kwalyoonse alyoonse.

Danyelo 9:3

Mpeeke ndakapaila kuMwaami Lesa cakulyaaba, kumukombelela kwiinda mukulikasha kulya, kufwala masaka akwikala mumilota.

Agayi 2:7

Ndaakutenkaanya mishobo yoonse abuboni bwa njiyo bulaakuletwa kuno. Lyalo ndaakususha Ŋanda yangu abulemu.

Sekaliya 6:12

Kuswawaawo umulwiite ayi Mwaami Lesa Shinkusu shoonse waamba ayi, ‘Muntu uyo utokwiitwa ayi Musampi ulaakukomena kabotu pamusena apo mpwaabete akuyakulula Ŋanda ya Mwaami Lesa.

Mateyo 13:17

Ntoomulwiita calushinisho ayi balaluki bakulukulu baanji, alimwi abantu baanji baluleme, bakalinga kuyandishisha kubona sheeshi nshemutoobona, sombi tabakwe kushibona. Bakalinga kuyandishisha kunyumfwa shintu nshemunyumfwa, sombi tabakwe kushinyumfwa.

Mateyo 26:24

MwanaaMuntu utooya kulufu kweelana ambokulembetwe, sombi mapensho kuli wooyo muntu utoomwaaba! Naakwiinga cakabotabo akutashalwa muntu uyu.”

Luka 10:24

Ntoomulwiita ayi balaluki bakulukulu abaami baanji bakalinga kuyandishisha kubona sheeshi nshemutoobona, sombi tabakwe kushibona. Ncakwiila bakalinga kuyandishisha kunyumfwa shintu nshemunyumfwa, sombi tabakwe kushinyumfwa.”

Luka 24:44

Lyalo wakabaambila ayi, “Ishi nsheshintu nshendakalinga kumulwiita ndindakalingaanu. Ndakalinga kwaamba ayi shoonse shilembetwe pali ndime muMilawo yakwe Mose, abalaluki bakulukulu amuKulumbaisha shilyeelete kucitika cancinencine.”

Joni 5:39

Mulabelengesha Malembo akwe Lesa kuyeeya ayi muli ngawo inga mwacana buumi butamaani. Sombi Malembo akwe Lesa eenka aya, ngaancitila bukamboni.

Joni 7:52

Balo bakamukumbula ayi, “Sa awebo uli wa kuGalili? Calula muMalembo akwe Lesa, utoocana kwaamba ayi taaku mulaluki uswa kuGalili.” [

Milimo ya Batumwi 10:43

Abalo balaluki bakulukulu boonse bakaamba pali nguwe ayi uyo woonse ushoma muli nguwe, Lesa ulaakumulekelela shibiibi shoonse kwiinda munkusu sha liina lyakwe.”

Milimo ya Batumwi 17:11

Bene Biliya bakalinga kucite myoyo yakunyumfwishisha kwiinda bene Tesalonika. Bakalinga kukutika maswi amyoyo yabo yoonse alimwi lyoonse bakalinga kwiindulukaamo muMalembo akwe Lesa kwaamba ayi babone na shakalinga kwaamba Paulo nshalushinisho.

Milimo ya Batumwi 28:23

Mpomunyaawo bakabamba bushiku bumwi bwakwaamba ayi bakabandike aPaulo. Mpeeke kwakesa baJuda baanji pabushiku ubo kumusena uko kwakalinga kwikala Paulo. Kuswa macuunsa kushikila amashiku, Paulo wakalinga kubasansulwita makani aamba paBweene bwakwe Lesa. Wakeelesha kubasansulwita shapali Jesu kwaamba ayi bashome kwiinda mukubaambila shilembetwe muMilawo yakwe Mose alimwi amabuku akalemba balaluki bakulukulu.

Milimo ya Batumwi 7:52

Sa kwakalingawo mulaluki bamashali banu bakulukulu ngobatakwe kupensha? Bakacaya batumwi bakwe Lesa abo bakaamba shakwisa kwa musebenshi wakwe ululeme. Ono amwebo mwakamwaaba akumucaya.

Bene Ebulu 11:13

Bantu aba boonse bakafwabo kabashoma muli Lesa. Tabakwe kutambula shintu isho Lesa nshaakabashomesha, sombi kashicili kulaale, bakashibona akusangalala abuumbi. Bakasumina patuba ayi mucishi ca panshi, ncakwiila mbeensu beendilite.

Bene Ebulu 11:40

mukwiinga Lesa wakalinga kubambite muyeeyo wiindaawo kubota wa pali ndiswe. Kubamba kwakwe kwakalinga kwakwaamba ayi batalulami cancinencine beenka, sombi balulamine pantu pomwi aswebo.

1 Pita 1:11

Balaluki abo bakeelesha kwishiba ciindi ndyeshi cikacitike ambweshi cikacitike. Mushimu wakwe Klistu wakalinga mubalaluki abo, wakalinga kwaambilabo limwi ayi Klistu ulaakupenshekwa, sombi aakumana kupenshekwa ulakupekwa bulemu.

1 Pita 1:13

Aboobo amulibambile mumiyeeyo yanu alimwi mulicaate mushoonse. Kulangila kwanu koonse akubebo paluse ndweshi mukatambule pabushiku Jesu Klistu ndyeshi akayubululwe.