1 Makani 9:1 - Baibo Busansulushi Bwa Libuku Ili

¹ Bene Isilaeli boonse bakalinga kulembetwe kweelana abamumaandaabo mulibuku lya bamaami ba bene Isilaeli. Bene Juda bakalinga batolwa busha kuBabiloni ceebo ca kutashomeka kwabo.

1 Makani 9:1 ပူးပေါင်းရင်းမြစ်များ

1 Baami 14:19

Shintu shoonse shakacita Jeloboamu, mbuli nkondo isho nshaakalwana, mbwaakalinga kulela, shoonse shakalembwa mulibuku lya buumi bwa bamaami ba bene Isilaeli.

2 Baami 24:14

Wakatola busha bene Jelusalemu boonse, nkokwaamba ayi bacinenenene, bashilumamba, bacishi shakupangapanga alimwi abeshikufula sheela. Boonse bakacatwa busha bakalinga 10,000. Kwakacaalabo baabo bakalinga bakandu mucishi ca Juda.

2 Baami 24:15

Nebukadinesa wakatola busha Jeoiyakini kuBabiloni pantu pomwi abanyina, bamakaakwe, bacinenenene alimwi ababile boonse ba mucishi ca Juda.

2 Baami 24:16

Wakatola busha kuBabiloni likoto lyoonse lya bashilumamba bali 7,000, ee, bayumu alimwi bakonsha kuya kunkondo. Wakatola abacishi shakupangapanga alimwi abeshikufula sheela bali 1,000.

1 Makani 8:40

Bana bakwe Ulamu basankwa bakalinga bashilumamba bacibwene kulwana amata. Wakalinga kucite baana basankwa abeshikulu baanji. Pantu pomwi bakalinga 150. Aba boonse bakalinga bamumukowa wakwe Benjameni.

2 Makani 33:11

Kuswawaawo Mwaami Lesa wakaletela bamatanjilili ba bashilumamba ba bene Asilya ayi balwane bene Juda. Mpeeke bakacata Manase busha. Bakamubika ndobo munshono yakwe, bamwaanga ncetani sha bulonse akumutola kuBabiloni.

Esila 2:1

Ono basha baanji bakaswa mucishi ca Babiloni akuboolela kundabala ya Jelusalemu akucishi ca Juda. Womwi awomwi wakaboolela kundabala ine mishaabo. Bamumaanda babo boonse bakalinga kwikala mucishi ca Babiloni kuswa ciindi mwaami Nebukadinesa ndyaakabatola busha.

Esila 2:59

Abamwi bakaswa mundabala ya Telu Mela, Telu Asha, Kelubi, Adani alimwi aya Ima, sombi tabakwe kutondesha kwaamba ayi bakalinga bamulunyungu lwa bene Isilaeli.

Neyemiya 11:1

Lyalo bamatanjilili bakekala muJelusalemu. Ono bantu bamwi bakooma cisolo kusala ŋanda yomwi pamaanda ali likumi kwaamba ayi bamuŋanda iyo bekale muJelusalemu, ndabala inene isalalite. Bamwi boonse bakalinga kweelete kwikala mumandabalaabo beene.

Neyemiya 7:5

Lyalo Lesa wangu wakampa muyeeyo wakubunganya bamatanjilili, bacinenenene abantu bamwi boonse ayi balembwe kweelana abamumaandaabo. Mpeeke ndakacana makani asansulula mikowa ya baabo bakataanguna kuboolela kuswa mubusha. Ono shakalinga kulembetweemo nsheeshi:

Neyemiya 7:64

Aba bakayandoola libuku lya mikowa yabo, sombi tabakwe kulicana, aboobo bakakushikwa kuswa mubupailishi ayi tabasalalite kweelana aMilawo.

Isaya 3:2

Utooyanda kukusha beshinkusu abashilumamba babo, boomboloshi abalaluki babo, beshikulotela abamaloba babo.

Jelemiya 13:19

Mandabala a kuNegefu alaakucalwa cakwaamba ayi kulaakubula awacalula. Bene Juda boonse balaakutolwa mubusha, ncakwiila boonse balaakutolwa cakumaninina.”

Jelemiya 39:9

Lyalo Nebusaladani mutanjilili wa beshikulindilila wakatola bantu busha kuBabiloni abo bakacaala mundabala inene pantu pomwi abaabo bakalyaaba mumaansaakwe.

Danyelo 1:2

Mwaami Lesa wakaaba Jeoiyakimu mwaami wa bene Juda mumaansaakwe Nebukadinesa pantu pomwi ashintu shimwi shamakwebo sha muŊanda yakwe Lesa. Shintu ishi wakashitola kuŋanda yakwe lesa wakwe kuBabiloni akushibika muŋanda yakusungilaamo buboni.