1 Makani 5:2 - Baibo Busansulushi Bwa Libuku Ili

² Nakubi kwaamba ayi mukowa wakwe Juda wakalinga wakaba ushinkusu kwiinda mikowa ya bamakwabo, nkusu sha bunenebantu shakapekwa kuli Josefu.

1 Makani 5:2 ပူးပေါင်းရင်းမြစ်များ

Matalikilo 25:31

Jakobo wakakumbula ayi, “Ntookupa na umpe bunenebantu bwako.”

Matalikilo 35:23

Bana bakwe Leya basankwa bakalinga Lubeni, uyo wakalinga ngomwaana musankwa munene wakwe Jakobo, Simyoni, Lefi, Juda, Isaka, aSebuluni.

Matalikilo 48:5

Jakobo wakatolelela akwaamba ayi, “Josefu, bana bako basankwa bobilo mbowakashala kuno kuIjipiti kaantana kwisa, mbaangu. Efuleemu aManase balibo anga mbana bangu basankwa Lubeni aSimyoni.

Matalikilo 49:26

shoolwe shakuba awiti alimwi amaluba, shoolwe sha tulundu twa kale kale, shintu shikondelesha sha tulundu twa muyayaya. Shoolwe shoonse ishi ashibe pamutwi wakwe Josefu, Ee pankumo ya wooyo wakapatulwa kubamakwabo.

2 Samwelo 8:15

Mboboobo Defedi mbwaakaba mwaami wa cishi ca Isilaeli coonse, alimwi wakeendelesha bantu boonse cabululami.

1 Makani 28:4

“Mwaami Lesa, Lesa wa bene Isilaeli, wakasala ndime abamulunyungu lwangu kwaamba ayi noolela cishi ca Isilaeli kwalyoonse. Wakasala bamukowa wakwe Juda ayi kababatanjilila. Lyalo mumukowa wakwe Juda wakasala bamuŋanda ya bata. Pabamuŋanda ya bata cakamukonda kubika ndime pabwaami bwa bene Isilaeli.

Kulumbaisha 108:8

Gilyadi ngwaangu alakwe Manase ngwaangu. Efuleemu ncecimpoompo cangu. Juda njenkoli yangu ya bwaami.

Kulumbaisha 60:7

Gilyadi ngwaangu alakwe Manase ngwaangu. Efuleemu ncecimpoompo cangu. Juda njenkoli yangu ya bwaami.

Mika 5:2

Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”

Shakubelenga 2:3

Kulubasu lwa kwicwe, makoto a mumukowa wakwe Juda alyeelete kuyaka misumba yabo pafwaafwi ambembela yabo. Mutanjilili wa bamumukowa uyu nguNashoni mwanaakwe Aminadabu.

Shakubelenga 7:12

Ono pakupa shipo shabo bakakonkana bobulya. Bushiku Mukowa Mutanjilili Bwakutaanguna Juda Nashoni mwanaakwe Aminadabu Bwabili Isaka Netanelo mwanaakwe Suwa Bwatatu Sebuluni Elyabu mwanaakwe Eloni Bwane Lubeni Elisa mwanaakwe Sheduwa Bwasanu Simyoni Shelumyelo mwanaakwe Sulishadayi Bwasanu abomwi Gadi Eliyasafu mwanaakwe Dewelo Bwasanu ashobilo Efuleemu Elishama mwanaakwe Amiyudi Bwasanu ashotatwe Manase Gamalyelo mwanaakwe Pedasa Bwasanu ashone Benjameni Abidani mwanaakwe Gidyoni Bwalikumi Dani Ayiyesa mwanaakwe Amishadayi Bwalikumi abomwi Asha Pagiyelo mwanaakwe Okulani Bwalikumi ashobilo Nafutali Ayila mwanaakwe Enani Anu shipo shakaleta muntu womwi awomwi shakalinga kukoshenye. Womwi awomwi wakaleta mbale ifongomene ya silifa yomwi ilema magilamu ali 1,500, alimwi ambale ya silifa yakusambilaamo ilema magilamu ali 800, kweelana acipimo cakasuminishikwa. Shoonse shobilo shakalinga kuswite fulaulo usenkene amafuta ayi ncipo ca fulaulo. Bakapa ambale ifongomene ya golodi yomwi yakalinga kulema magilamu ali 110 aswite tununkila kabotu. Bakaleta amucende mwaana womwi, mbelele isankwa yomwi, mwanaambelele womwi ucite mwaaka ayi ngumulambu wakutenta, mpongo yomwi ayi ngumulambu wakulekelelwa shibiibi, alimwi abacende bobilo, mbelele shisankwa shosanwe, mpongo shosanwe, abana ba mbelele bosanwe bacite mwaaka ayi ngumulambu wa bwanabwankashi.

Mateyo 2:6

‘Webo Betileemu wa mucishi ca Judeya, toobete ndabala iniini pamandabala oonse a muJudeya, ceebo muli ndiwe mulaakuswa mutanjilili eshi akeembele bantu bangu bene Isilaeli anga ngumweembeshi.’ ”

Bene Loma 8:29

Abo Lesa mbaakasalila limwi, wakababika palubasu kwaamba ayi bakabe anga nguMwanaakwe alimwi ayi Mwanaakwe uyo akabe mutaanshi pakati ka bamakwabo baanji.

Dutolonomi 21:17

Musankwa uyo ulyeelete kwaabanya buboni bwakwe mushipansha shotatwe, akupa mwaana musankwa wakwiiya shipansha shobilo, nabi taakwe kumushalila mumwanakashi ngwaasuni bunene. Mwaana musankwa wakwiiya ulyeelete kupekwa kweelana ashintu shimweelete.

Dutolonomi 33:17

Josefu ulicite nkusu anga ngumucende alimwi ameeca ali anga nga nyaati. Meeca akwe mbamulunyungu lwakwe Manase abo bali shuulu ashuulu, abamulunyungu lwakwe Efuleemu abo bali shuulu likumi. Meeca aya ulayasishaako mishobo imwi akubashindikila kweela cishi ca panshi.”

Bene Ebulu 7:14

Cilishibikitwe ayi Mwaami wesu wakalinga wamulunyungu lwakwe Juda alimwi Mose taakwe kulwaambaawo lunyungu ulu ndyaakalinga kwaamba shabapailishi.

Joshuwa 14:6

Ono bamwi bamumukowa wakwe Juda bakaya kuli Joshuwa kuGilugala. Mpeeke Kalebu mwanaakwe Jefune mwine Kenisi wakamwaambila ayi, “Mulishi Mwaami Lesa mbwaakaambila Mose muntu wakwe kuKadeshi Baniya pali ndimwe anebo.

Ciyubululo 5:5

Mpeeke muloba umwi wakaŋambila ayi, “Utanoolila! Bona! Uyo wiitwa ayi Inkalamu ya mumukowa wakwe Juda, wamulunyungu lwakwe Defedi wakakoma, aboobo ulakonsha kulamatula bakalamatila bosanwe abobilo abo akucalula libuku ili.”

Boomboloshi 1:2

Mwaami Lesa wakabakumbula ayi, “Bene Juda mbeshi bataangune kuya, ceebo cishi ndacaaba kale mumaansaabo.”

1 Samwelo 16:1

Mwaami Lesa wakaambila Samwelo ayi, “Utootola ciindi cilaamfu buyani kuungumana ceebo cakwe Saulo? Nebo ndamukaka kale kunoocili mwaami wa cishi ca Isilaeli. Susha lwiica lwako amafuta a maolifi unooya. Ntookutuma kuli Jese wa kuBetileemu. Ndasalaawo womwi pabana bakwe basankwa kuba mwaami.”

1 Samwelo 16:10

Jese wakeensha bana bakwe basankwa bakakwana bosanwe abobilo kunembo lyakwe Samwelo, sombi wakaambila Jese ayi, “Sobwe, Mwaami Lesa taaku ngwaasala pali baaba.”

1 Samwelo 16:12

Mpomunyaawo wakatumaako muntu, mpeeke alakwe wakesaakwe. Mwanike uyo wakalinga kucite ciwa cibotu, mubili ubotu abuumbi alimwi wakalinga kwiimfwi kabotu. Mpomunyaawo Mwaami Lesa wakaambila Samwelo ayi, “Ngowooyu! Nyamuka umunanike mafuta a bwaami.”