1 Makani 4:9 - Baibo Busansulushi Bwa Libuku Ili

⁹ Kwakalinga musankwa wiitwa ayi Jabesi uyo wakalinga kulemekwa abuumbi kwiinda bamakwabo. Banyina mbobakamutumba ayi Jabesi mukwiinga bakapenga abuumbi pakumutumbuka.

1 Makani 4:9 ပူးပေါင်းရင်းမြစ်များ

Matalikilo 3:16

Mpeeke wakaambila mwanakashi ayi, “Ndaakulengesha ayi paciindi wakunooba pakati mapensho ako akafuule. Ulaakunoonyumfwa kucisa abuumbi pakutumbuka. Nacibi boobo unanoosunibo ibayo alimwi ngweshi anookweendelesha.”

Matalikilo 34:19

Aboobo cikula bwangu uyo taakwe kumana ciindi mukucita ceeco cakaambwa ayi acite, ceebo wakalinga kumusuni abuumbi mwanaakwe Jakobo mwanakashi. Cikulabwangu uyo wakalinga muntu ulemekwa abuumbi pakati ka bamuŋanda ya baishi.

Matalikilo 35:18

Sombi Lakelo wakalinga kuya cifwa, mpeeke ndyaakayanda kutula moyo wakatumba mwanaakwe ayi Benoni, nakubi boobo baishi bakamutumba ayi Benjameni.

1 Makani 4:10

Jabesi wakapaila kuli Lesa wa bene Isilaeli ayi, “NobaLesa, amumpe coolwe cakuba acishi cinene. Amube anebo akuntabilila kuswa kushintu sheenga shancisa kwaamba ayi ntakanyumfwiwo kucisa.” Lyalo Lesa wakamupa isho shoonse nshaakasenga.

1 Makani 4:8

Kosi wakashala Anubu alimwi aSobeba. Kosi wakalinga mushali mukulukulu wa bamushipani shakaswa kuli Aalelo mwanaakwe Alumu.

1 Makani 7:23

Kuswawaawo wakakumana amukaakwe alimwi. Lyalo wakamita akushala mwaana musankwa, Beliya. Bakamutumba ayi Beliya ceebo ca mapensho ayo akesa paŋanda yabo.

Tushimpi 23:25

Lengesha baiso abanyoko kukondwa pali ndiwe ee, banyoko abo bakakuyamwisha abasangalale.

Isaya 43:4

Ndaakubenga mishobo yakabumbulu kwaambabo ayi mpulushe buumi bwanu. Ceebo mwebo kuli ndime muli cintu ca makwebo. Peculu lya waawo ndimusuni abuumbi alimwi ndamulemeka.

Milimo ya Batumwi 17:11

Bene Biliya bakalinga kucite myoyo yakunyumfwishisha kwiinda bene Tesalonika. Bakalinga kukutika maswi amyoyo yabo yoonse alimwi lyoonse bakalinga kwiindulukaamo muMalembo akwe Lesa kwaamba ayi babone na shakalinga kwaamba Paulo nshalushinisho.

1 Samwelo 4:21

Nakubi boobo wakatumba mwaana ayi Ikabodi, lisansulula ayi, “Bulemu bwakwe Lesa bwaswa pakati ka bene Isilaeli.” Ici cakalinga kukumite kukucatwa kwa Libokoshi lya Cipangano ca Mwaami Lesa, kufwa kwa bapongoshi bakwe basankwa alimwi akwa beebaye.