1 Makani 24:6 - Baibo Busansulushi Bwa Libuku Ili

⁶ Mpeeke Shemaya mulembi mwanaakwe Netanelo wakalemba meenaabo pameenso a mwaami, bacinenenene, Sadoki mupailishi, Aimeleki mwanaakwe Abiyata alimwi abamatanjilili ba bamumaanda a bapailishi alimwi abene Lefi. Cisolo cakalinga kuuma koonse koonse, nkokwaamba ayi ŋanda yomwi pabamulunyungu lwakwe Eliyasa, ŋanda yomwi pabakwe Itama.

1 Makani 24:6 ပူးပေါင်းရင်းမြစ်များ

1 Baami 4:3

Balembi bakalinga Eliolepi aAija, bana bakwe Shisha. Shikulemba makani a kubwalo wakalinga Jeoshafati mwanaakwe Ayiludi.

1 Makani 18:16

Bapailishi bakalinga Sadoki mwanaakwe Aitubu aAimeleki mwanaakwe Abyata. Selaya ngowakalinga ngomulembi wa kubwalo.

1 Makani 23:24

Aba mbobakalinga bamulunyungu lwakwe Lefi mucipani acipani, ŋanda aŋanda. Womwi awomwi wakalembwa liina. Bamulunyungu lwakwe womwi awomwi uyo wakalinga kucite myaaka makumi obilo akuya peculu, bakapekwa mulimo muŊanda yakwe Lesa.

1 Makani 24:31

Abalo bakooma cisolo bweenka bwakacita bamakwababo bamulunyungu lwakwe Aloni pameenso a mwaami Defedi, bacinenenene, Sadoki mupailishi, Aimeleki mwanaakwe Abiyata alimwi abamatanjilili ba bamumaanda a bapailishi alimwi abene Lefi. Bamuŋanda ya mwanikebantu bakapekwa mulimo bweenka bwakapekwa bamuŋanda ya munenebantu.

1 Makani 24:7

Ono mbulya makoto ayo a bamumaandaabo mbwaakapekwa milimo. 1. Jeoiyalibu 2. Jedaya 3. Alimu 4. Seolimu 5. Malukija 6. Mijamini 7. Akosi 8. Abija 9. Jeshuwa 10. Shekaniya 11. Eliyashibu 12. Jakimu 13. Upa 14. Jeshebeyabu 15. Biliga 16. Ima 17. Esili 18. Apisesi 19. Petaiya 20. Jeesekelo 21. Jakini 22. Gamulu 23. Delaya 24. Maasiya

2 Makani 34:13

mbobakalinga kuyumuna shintu shakuyakisha akunokweendelesha basebenshi bakalinga kucita milimo ipusenepusene. Bene Lefi bamwi bakalinga balembi, bamwi bakalinga beshikulindilila.

Esila 7:6

Esila uyo wakaswa kuBabiloni alimwi wakalinga kwishi abuumbi Milawo yakwe Mose iyo Mwaami Lesa, Lesa wa bene Isilaeli njaakapa. Mwaami wa kuBabiloni wakamupa shoonse nshaakalinga kusenga mukwiinga Mwaami Lesa, Lesa wakwe wakalinga pali nguwe.

Neyemiya 8:1

Ono mumweenshi wasanu ayobilo bene Isilaeli boonse bakakalikana mumandabalaabo. Bantu boonse bakabungana pabushiku butaanshi bwa mweenshi uyo mulubansa luli pafwaafwi aMwinjililo wa Maanshi. Bakaambila Esila mufundishi wa Milawo ayi alete libuku mulembetwe Milawo yakwe Mose iyo Mwaami Lesa njaakapa bene Isilaeli.

Mateyo 13:52

Lyalo Jesu wakabakumbula ayi, “Paceebo ceeco mufundishi woonse wa Milawo uyo wakeeya maswi a Bweene bwa kwiculu, uli anga ngumwine ŋanda, uyo ukusha shintu shipya ashikulukulu muŋanda yakusungilaamo shintu.”

Mateyo 8:19

Mpomunyaawo umwi mufundishi wa Milawo wakesa kuli Jesu akumwaambila ayi, “NoBafundishi, ndaakumukonkela kuli koonse nkweshi mukaye.”

Maako 2:26

Nshiku isho Abyata ndyaakalinga mupailishi munene, Defedi wakenjila muŊanda yakwe Lesa akulya cimaande cisalalite. Wakalya cimaande ico cakalinga kulyabo bapailishi kweelana aMilawo akupaako babye.”