1 Makani 24:3 - Baibo Busansulushi Bwa Libuku Ili

³ Lyalo mwaami Defedi wakabamba bamulunyungu lwakwe Aloni akubabika mumakoto kweelana amilimo yabo. Wakacafwa Defedi kucita boobo nguSadoki wamulunyungu lwakwe Eliyasa alimwi aAimeleki wamulunyungu lwakwe Itama.

1 Makani 24:3 ပူးပေါင်းရင်းမြစ်များ

2 Samwelo 20:25

Shefa wakalinga ngomulembi wa kubwalo. Bapailishi bakalinga Sadoki aAbyata,

2 Samwelo 8:17

Bapailishi bakalinga Sadoki mwanaakwe Aitubu aAimeleki mwanaakwe Abyata. Selaya ngowakalinga ngomulembi wa kubwalo.

1 Baami 2:35

Mpeeke mwaami Solomoni wakabika Benaiya mwanaakwe Jeoiyada mumusena wakwe Joabu kuba mutanjilili wa bashilumamba. Mpeeke wakabika Sadoki kuba mupailishi pamusena wakwe Abiyata.

1 Makani 15:11

Lyalo Defedi wakeeta Sadoki alimwi aAbiyata bapailishi pantu pomwi aUliyelo, Asaya, Jowelo, Shemaya, Eliyelo alimwi aAminadabu. Boonse aba bakalinga bene Lefi.

1 Makani 16:39

Defedi wakasala Sadoki mupailishi abapailishinyina ayi banoosebensela kunembo lya Tente ya Cipangano pamusena wakulambililaako kuGibyoni.

1 Makani 18:16

Bapailishi bakalinga Sadoki mwanaakwe Aitubu aAimeleki mwanaakwe Abyata. Selaya ngowakalinga ngomulembi wa kubwalo.

1 Makani 24:31

Abalo bakooma cisolo bweenka bwakacita bamakwababo bamulunyungu lwakwe Aloni pameenso a mwaami Defedi, bacinenenene, Sadoki mupailishi, Aimeleki mwanaakwe Abiyata alimwi abamatanjilili ba bamumaanda a bapailishi alimwi abene Lefi. Bamuŋanda ya mwanikebantu bakapekwa mulimo bweenka bwakapekwa bamuŋanda ya munenebantu.

1 Makani 24:4

Pabamulunyungu lwakwe Eliyasa pakapangwa makoto ali likumi aosanwe alyomwi. Pabamulunyungu lwakwe Itama pakapangwa makoto ali osanwe aotatwe. Cakaba boobo mukwiinga bamatanjilili ba bamulunyungu lwakwe Eliyasa bakalinga baanji kwiinda bakwe Itama.

1 Makani 24:6

Mpeeke Shemaya mulembi mwanaakwe Netanelo wakalemba meenaabo pameenso a mwaami, bacinenenene, Sadoki mupailishi, Aimeleki mwanaakwe Abiyata alimwi abamatanjilili ba bamumaanda a bapailishi alimwi abene Lefi. Cisolo cakalinga kuuma koonse koonse, nkokwaamba ayi ŋanda yomwi pabamulunyungu lwakwe Eliyasa, ŋanda yomwi pabakwe Itama.

2 Makani 8:14

Mukukonkela bwakamulwiita baishi baDefedi, Solomoni wakabika bapailishi mumakoto makoto ayi banoosebensa mumalishi malishi pantu pomwi abene Lefi ayi banoocita mulimo wakulumbaisha Lesa akunoocafwa bapailishi mumilimo yabo ya lyoonse. Wakapanga amakoto a beshikulindilila mwinjililo womwi awomwi ceebo Defedi, muntu wakwe Lesa, mbwaakaamba ubo.

1 Samwelo 21:1

Mpeeke Defedi wakaya kumupailishi Aimeleki kuNobu. Aimeleki wakaswa ayi akumanye Defedi kaatutuma akumwiipusha ayi, “Ino weenda buyani weenka sunu kwisa kokuno?”