1 Makani 22:1 - Baibo Busansulushi Bwa Libuku Ili

¹ Mpomunyaawo Defedi wakaamba ayi, “Apa peenka mpeshi pakabe Ŋanda yakwe Lesa pantu pomwi acipaililo ca milambu yakutenta ya bene Isilaeli boonse.”

1 Makani 22:1 ပူးပေါင်းရင်းမြစ်များ

Matalikilo 28:17

Wakaloonda akwaamba ayi, “Uno musena ulaloondesha abuumbi! Palyeelete kuba mpopaŋanda yakwe Lesa alimwi ngomwinjililo wakuya kwiculu.”

2 Samwelo 24:18

Bushiku bweenka ubo Gadi wakashika kuli Defedi akumwaambila ayi, “Kamuya muyakile Mwaami Lesa cipaililo palubansa lwakulupwitaawo wakwe Alauna mwine Jebusi ulya.”

2 Baami 18:22

Mutanjilili mwine Asilya wakatolelela kwaamba ayi, “Sa utooyanda kundwiita ayi Mwaami Lesa, Lesa wako ngooncinkitemo manungo? Sa teshi ngomwine misena yakulambililaako ya patulundu alimwi ashipaililo shakwe isho Esekiya nshaakanyonyoola ndyaakaambila bene Juda abene Jelusalemu kunoolambililabo kucipaililo ca kuJelusalemu?

1 Makani 21:30

Sombi Defedi taakalinga kuyaako mukwiipusha kuli Lesa mukwiinga wakalinga kuloonda mupeeni wa munjelo wa Mwaami Lesa ulya.

2 Makani 3:1

Lyalo Solomoni wakatalika kuyaka Ŋanda ya Mwaami Lesa muJelusalemu paKalundu ka Moliya kumusena uko Mwaami Lesa nkwaakabonekela Defedi baishi. Pakalinga palubansa lwakulupwitaawo lwakwe Alauna mwine Jebusi musena uyo Defedi ngwaakasala.

2 Makani 32:12

Sa teshi Esekiya mwiine wakanyonyoola misena yakulambililaako ya patulundu ashipaililo shakwe lesa uyo akwaambila bene Juda abene Jelusalemu ayi banoolambililabo kucipaililo comwi akutenta milambu kweenka uko?

Kulumbaisha 78:60

Wakashiya tente yakwe kuShilo, iyo njaakalinga kwikalaamo pakati ka bantu bakwe.

Mateyo 25:16

Uyo wakapekwa shuulu shosanwe wakeendililabo kusebensesha maali alya, akucaninawo shuulu shosanwe sha maali.

Dutolonomi 12:11

Mpomunyaawo Mwaami Lesa ulaakusala musena womwi uko nkweshi mukanoomulambilila, alimwi nkomunya uko nkomweelete kunoomuletela shintu shoonse nshendamulwiita. Nkokwaamba ayi milambu yakutenta amilambu imwibo, pantu pomwi acalikumi alimwi ashipo shimwi nshemushomesha cakulumbila kupa Mwaami Lesa.

Dutolonomi 12:14

Paceebo ceeci mukanoopetabo kumusena womwi uyo Mwaami Lesa ngweshi akasaale mucishi ca mukowa omwi pakati kanu. Aboobo kumusena weenkabo uyo nkweshi mukanoopeta milambu yanu yakutenta akucitila shintu shimwi shoonse nshendamulwiita.