1 Makani 18:2 - Baibo Busansulushi Bwa Libuku Ili

² Mpeeke Defedi wakakoma abene Moabu. Aboobo bene Moabu bakaba basebenshi bakwe Defedi akutalika kumutolela misonko.

1 Makani 18:2 ပူးပေါင်းရင်းမြစ်များ

2 Samwelo 8:2

Mpeeke Defedi wakakoma abene Moabu. Bene Moabu wakabooneka panshi boonse akubapima alutambo. Lyalo abo bakalinga kukwana shipimo shobilo sha lutambo, wakabacaya akuleka baabo batakalinga kushika waawo. Munshila iyo bene Moabu bakaba basebenshi bakwe Defedi akutalika kumutolela misonko.

1 Baami 10:2

Mwaami uyo wakaya abeshikumucafwa baanji alimwi angamela shakalinga kuyumwite tununkila kabotu mubuyani, shakulibotesha shamakwebo alimwi agolodi uunji. Ndyaakakumana aSolomoni, wakamwiipusha miipusho iyo yoonse njaakalinga kucite mumoyo.

1 Baami 10:25

Muntu uli woonse wakalinga kwisa kuli Solomoni, wakalinga kuletelela acipo. Bamwi bakalinga kuleta shintu sha silifa asha golodi, bamwi mingaanjo, bamwi shakulwanisha, bamwi tununkila kabotu mubuyani, bamwi maaki abamwi shifubwa shili anga nimbongolo. Bakalinga kucita boobo pamwaaka amwaaka.

1 Makani 18:1

Mukuya kwanshiku Defedi wakalwana bene Filisiti alimwi, wakabakoma akukusha ndabala ya Gati amishi yakalinga kushingulukite mumaansaabo.

1 Makani 18:3

Kuswawaawo Defedi wakakoma Adadesa mwaami wa cishi ca Soba kushikila akuAmati, Adadesa ndyaakalinga kuya mukuboosha cishi ca muya Mulonga wa Yufuletisi mumaansaakwe.

Kulumbaisha 60:8

Moabu njembale yangu yakusambilaamo, alimwi nkwabilo shangu ndaakushiwaala pali Edomu, akoolobesha cakukoma pabene Filisiti.”

Isaya 11:14

Sombi balaakunyumfwana akucatana pomwi kuya mukulwana bene Filisiti kumbo. Balaakusaala shishi sha kwicwe. Balaakukoma bene Edomu abene Moabu. Abalo bene Amoni balaakuba mumaansaabo.

Isaya 16:1

Amutumishe bana ba mbelele kumuleli wa cishi ayi ncipo cakumulemeka. Kuswa kuSela mucilingane luyanga tibili muye mushike kuJelusalemu, ee, kukalundu ka Mwaana mwanakashi wakwe Siyoni.

Shakubelenga 24:17

Ndamubona, sombi teshi onoono, ndamubona, sombi teshi pafwaafwi. Nyenyeenshi ilaakuswa mubamulunyungu lwakwe Jakobo, nkokwaamba ayi mwaami ulaakuswa mubene Isilaeli. Ulaakukoma bamatanjilili ba bene Moabu akunyonyoola bene Seti boonse cakumaninina.

1 Samwelo 10:27

Sombi bantu bamwi batayeeyi kabotu bakaamba ayi, “Anu musankwa uyu inga watupulusha buyani?” Bakaamba shibiibi pali Saulo, aboobo taaku cipo ncibakamuletelaawo. Sombi Saulo wakalinga kuumwitebo.