1 Makani 17:8 - Baibo Busansulushi Bwa Libuku Ili

⁸ Ndakalinga awebo kuli koonse nkowakaya alimwi ndakakoma balwani bako ayi baswe kunembo lyako. Ndaakulengesha liina lyako kupuka mbweeke mbuli nkumenkume shimwi sha mucishi ca panshi.

1 Makani 17:8 ပူးပေါင်းရင်းမြစ်များ

Matalikilo 28:15

Ibaluka kwaamba ayi ndanooli awebo akukulama kuli koonse nkweshi ukaye. Alimwi ndaakukuboosha mucishi cino. Teshi nkakushiyeewo kushikila nkacite shoonse nshindakulasha.”

2 Samwelo 22:1

Defedi wakeemba lwiimbo kuMwaami Lesa ndyaakamana kumupulusha kuswa kuli Saulo abalwani bakwe bamwi boonse. Mukulemeka Mwaami Lesa, wakeemba lwiimbo ulu ayi,

2 Samwelo 7:9

Ndakalinga awebo kuli koonse nkowakaya alimwi ndakakoma balwani bako ayi baswe kunembo lyako. Ndaakulengesha liina lyako kupuka mbweeke mbuli nkumenkume shimwi sha mucishi ca panshi.

2 Samwelo 8:6

Mpomunyaawo Defedi wakayakaamo misumba ya bashilumamba mucishi ca bene Silya bamuDamasikasi. Lyalo bakaba basebenshi bakwe Defedi akutalika kumutolela misonko. Ncakwiila Mwaami Lesa wakalinga kulengesha Defedi kukoma kuli koonse nkweenga waya.

2 Samwelo 8:8

Wakabwesa abulonse uunji abuumbi kuswa muBeta amuBelotayi, mandabala anene akalinga kweendeleshekwa aAdadesa.

1 Makani 14:17

Lyalo Defedi wakaya mpuwo mushishi shoonse alimwi Mwaami Lesa wakalengesha mishobo yoonse kumuloonda.

1 Makani 17:17

Ono nobaLesa, pasheeshi shoonse mweelikaawo akushomesha shabamulunyungu lwangu nemusebenshi wanu kuciindi citoosa. NoBaami baLesa mucinanga anga ngumuntu usumpukite kwiinda bamwi boonse.

1 Makani 17:2

Natani wakakumbula mwaami ayi, “Amucite cili coonse ncemutooyeeya mukalango kanu mukwiinga mwebo Lesa ulyaanu.”

1 Makani 17:7

“Ono ulwiite Defedi musebenshi wangu alimwi ayi, ‘Mwaami Lesa Shinkusu shoonse waamba ayi ndakakukusha kumafulo, ee, kubweembeshi bwa mbelele, kwaamba ayi ube muleli wa bantu bangu bene Isilaeli.

1 Makani 17:9

Ndapa musena bantu bangu bene Isilaeli akubekalika mumo kwaamba ayi babe amishaabo. Lyalo kubule ubanyonyonganya tubili. Nkokwaamba ayi bamucita shibi teshi bakatolelele kubapensha mbuli kukalekale

Esila 4:20

Mundabala iyo mwakalinga bamaami beshinkusu abo bakalinga kweendelesha mandabala oonse a kwitala lya Yufuletisi, alimwi akunoopekwa misonko ipusenepusene.

Kulumbaisha 18:1

Ndimusuni noBaami baLesa bangu mwebo nomumpa nkusu.

Kulumbaisha 46:11

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

Kulumbaisha 46:7

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

Kulumbaisha 71:21

Mulaakufusha bulemu bwangu, akunkalika moyo alimwi.

Kulumbaisha 75:7

Sombi nguLesa woombolosha, ulapa mulandu umwi akwaangulula umwi.

Luka 1:52

Wakusha baami beshinkusu shiinji pashuuna sha bwaami, akusumpula baabo baliceesha.

1 Samwelo 18:14

Ono shintu shoonse nshaakalinga kucita, shakalinga kumweendela kabotu mukwiinga Mwaami Lesa wakalinga anguwe.

1 Samwelo 18:28

Ono Saulo ndyaakabona ayi Mwaami Lesa ncakwiila uli aDefedi, alimwi ayi Mikali mwanaakwe ulimusuni abuumbi,

1 Samwelo 26:10

Mpeeke wakaamba ayi, “Ncakwiila bweenka mbocibete lushinisho ayi Mwaami Lesa ngumuumi, Mwaami Lesa mwiine ulaakumutondesha bukali. Bumwi bushiku ciindi cakwe cakufwa lufu ŋanda cilaakushikila nabi ulaakuya mukufwita kunkondo.